Bičepangre 7:2 - O Debleskro Drom 2021 (Sinte)

² Koi penas o Stefano: “Tumer phrala un dada, shunenn! Maro baro un railo Dewel mukas pes maro dadestar Abraham te dikell an o them Mesopotamia. Ap ko tsiro djiwas o Abraham gomme gar an o foro Haran.

O Debleskro Lab 2024 (Sinte-Manouche)

² Koy penas o Stefano: “T'mer phrala oun dada, shounenn! Maro baro oun raylo Devel moukas pes maro dadestar Abraham te dikell an o them Mesopotamia. Ap ko tsiro djivas o Abraham gomme gar an o foro Haran.

Bičepangre 7:2 Referans Kwoze

1. Mose 11:31

Un o Terach las peskro tchawes Abram peha un o Lot, ko tchawo peskro tchawestar Haran, un i Sarai, koi romni peskro tchawestar Abram. Un khetne mukan le ko foro Ur, hoi an o them Kaldea tchiddo hi, te djan le an o them Kanaan. Un jon wan pash o foro Haran un atchan kote.

Bičepangre 22:1

Tumer mursha, phrala un dada, shunenn, hoi kamau tumenge te penell!

Debleskri gili 29:3

O baro Debleskro rakepen well shunlo pral i panja. Te dell o sorelo Dewel gole, hi kowa har koi bari gole, hoi dell o bolepen, te dell baro brishin. O baro Dewel hi o rai pral i tsele bare panja.

Hebrearja 1:3

O Debleskro tchawo hi railo un baro har o Dewel. Un kowa, hoi hi o Debles an o dji, hi ninna o tchawes an o dji. Dran leskro sorelo lab rikrell lo lauter khetne, hoi job kras. O Debleskro tchawo las mari doosh un maro tchilatchepen mendar, un job beshas pes ap i tchatchi rig o baro Deblestar an o bolepen.

Johanni 1:14

Ko lab was i mensho, un djiwas pash mende. Un mer dikam leskro railepen un leskri soor, kai o Dewel peskro tchawes das. Kowa his pherdo latchepen un tchatchepen.

Nehemia 9:7

Tu hal o baro Dewel, o Dewel, kai o Abrames win rodas, un anal les win dran o foro Ur dran o them Kaldea, un dal les o lab Abraham.

1. Mose 15:7

Un o baro Dewel penas ap leste: “Me hom o baro Dewel, kai anom tut dran o foro Ur, hoi an o them Kaldea hi. Kau them, kai tu kanna hal, dau tut, te well kowa tiro them.”

Debleskro tsiro 4:11

“Tu, o Dewel, maro rai, tu hal moldo, te less o railepen, un o sharepen, un i soor. Tu kral o bolepen un i phub. Jaake, har tu kamal, jaake kral tu kowa, un was kowa.”

Tito 2:13

Un mer dikah ap ko bachtelo diwes, kai well o Jesus Kristo pale an o shukar railepen. Job hi maro baro Dewel, kai las men dran o tchilatchepen win.

1. Korintarja 2:8

Kowa prindjran i raja ap kai phub gar. Te nai dikans le an o Debleskro dji, dans le o Jesuses, ko rajes pral i tsele rajende, gar ap o trushel.

Bičepangre 23:7

Har job kowa penas, was i baro tchingepen mashkral kol Sadduzarja un kol Farisarja. Un jon rakran buder gar jek tchipjah.

Johanni 12:41

Glan i rah tsiro dikas o Jesaja o Jesuseskro railepen un rakras lestar. Doleske penas job kowa glan-wi.

Louka 2:14

“Baro hi o Debleskro railepen an o bolepen! O Debleskri bacht well ap i phub. Job dikell latches ap i menshende.”

Mateo 6:13

Ma muk men tiro dromestar tele te djal! Le men dran o bengeskro wast win!

Jesaja 51:2

ap o Abraham, tumaro phuro dad un ap i Sara, tumari phuri dai! Len his kek tchawe, har dom o Abrahames gole. Un me tchiwom miri bacht un soor ap lende un dom len bud tchawen.

Jesaja 6:3

Un jek das ap o wawareste gole un penas: Latcho - un tchatcho - har kek wawar - hi o baro Dewel, ko rai pral o bolepen un i phub. I tseli phub hi pherdo leskro railepen!

Debleskri gili 24:10

Koon hi kau baro rai, kones o tselo railepen hi? Kowa hi o baro Dewel, ko rai pral o bolepen un i phub. Job hi o baro rai, kones o tselo railepen hi.

Debleskri gili 24:7

Krenn i bare wudja buchles pre! Awa, krenn kol phure wudja bares pre, te nai djal o baro rai dren, kones o tselo railepen hi.

Josua 24:2

Un o Josua penas ap i tsele menshende: “Kawa penell o baro Dewel, kai o Israeleskro Dewel hi: Glan rah tsiro djiwan tumare phure ap i wawar rig ko lengsto panjestar Eufrat un mangan wawar deblen an. Jek lendar his o Terach, koleskre tchawe o Abraham un o Nahor his.

1. Mose 29:4

O Jakob penas ap i bakrengre: “Kamle phrala, kai wenn tumer?” “Ham dran o foro Haran”, penan jon.

1. Mose 12:5

Job las peskri romjat Sarai peha un peskro phraleskro tchawes Lot. Job las ninna pengro tselo koowa peha, pengre viechen un pengre budepangren, kai lengre an o foro Haran wan. Un jon tserdan win un wan an ko them Kanaan.

1. Mose 12:1

O baro Dewel penas ap o Abrameste: “Dja win dran tiro them! Muk tire menshen un tiro dadeskro kheer! Un dja an ko them, hoi me sikrau tute!

Jesaja 37:12

Mire phure maran i menshen an wawar themma, un kolengre debla nai lan len gar win dran lengre wasta – kol menshen dran Gosan, Haran, Rezef, ninna kolla dran Eden, kai an o foro Telassar his.

Bičepangre 7:1

Koi putchas ko baro rashai lestar: “Hi kowa tchatcho, hoi kolla penan?”

Efesarja 1:17

te dell lo tumen goswepen, te haiwenn tumer, har baro job hi. Job hi o Dewel maro rajestar, o Jesus Kristestar, un maro dad an o bolepen, o rai pral halauter.

Hebrearja 11:8

Ninna o Abraham patsas, hoi o Dewel penas. Har job leske penas: Dja an ko them, hoi me dau tute un tire tchawende, koi shunas o Abraham ap leste, un djas dran peskro them win, un djinas gar, kai job djala.

Jakobo 2:1

Mire phrala, tumer patsenn ap maro rajeste, o Jesus Kristeste. Job hi o rai pral i tsele rajende. Doleske, ma dikenn ap i menshende, koon jon hi, un har brawelo jon hi!