Bičepangre 5:42 - O Debleskro Drom 2021 (Sinte)

⁴² Jon mukan gar tele, te penenn le o latcho lab o Jesus Kristestar. Hako diwes djan le an o Debleskro baro kheer un pash i menshende an i khera, un sikran len o Jesuseskro drom.

O Debleskro Lab 2024 (Sinte-Manouche)

⁴² Yon moukan gar tele, te penenn le o lačo lab o Yezous Kristestar. Hako dives djan le an o Debleskro baro kheer oun pash i menshende an i khera, oun sikran len o Yezouseskro drom.

Bičepangre 5:42 Referans Kwoze

Bičepangre 2:46

Hako diwes wan le khetne an o Debleskro baro kheer. Jon chan o maro khetne an i khera. Un jon his bachtelo, te dan jon nai i phralen ninna te chal. Kowa kran le o djijestar.

Bičepangre 20:20

Man his kek daar, te penap tumenge o tselo tchatchepen, har me tumende o Debleskro drom sikrom. Un me penom o Debleskro lab an tumare khera.

2. Timoteo 4:2

Pen i menshenge o Debleskro lab! Kre kowa un muk gar tele, ninna te kamenn i menshe kowa gar te shunell! Sike len lengri doosh! De len trad, te mukenn le o tchilatchepen! Kre lengre djia soreles an o patsepen! Un ab gar khino, te sikress len o tchatcho drom!

Bičepangre 8:35

Koi penas o Filipo leske, hoi kol laba kamenn te penell, un penas leske o latcho lab o Jesusestar.

Louka 21:37

Hako diwes rakras o Jesus an o Debleskro baro kheer. I rati djas job pash koi berga, hoi kharella djeteskri berga, un atchas koi.

Bičepangre 17:3

Job sikras lende, kai an o Debleskro lab tchinlo hi, har ko baro rai, kai o Deblestar wella, hunte las bud duka ap peste, un stas i mulendar pre. “Un me penau tumenge,” penas o Paulo, “kau Jesus, kolestar rakrau, kowa hi ko baro rai, kolestar o Dewel penas, te well job.”

Bičepangre 9:20

un rakras an i biboldengre kangria, un sikras len, kai o Jesus o Debleskro tchawo hi.

Bičepangre 4:29

Rai, shuneh tu, kai jon men kanna trad denna? Mer ham tire budepangre. De men koi soor, te nai rakras tutar!

Galatarja 6:14

Me djinau jek: An kek tsiro kamau me te sharap man. Me sharau ko trushel kokres, kai maro rai, o Jesus Kristo, meras. Kanna hi mange kowa lauter buder tchi moldo, hoi i menshenge jaake bud moldo hi. Me nashau ko koowa buder gar palla.

1. Korintarja 2:2

Jaake rah, har homs pash tumende, kamom me pral kek wawar koowa te rakrell, har o Jesus Kristestar un pral leskro merepen ap o trushel.

Bičepangre 17:18

Mank lende his ninna sikle mursha, kai kharan Stoikarja un Epikurarja. Kolla tchingran leha. Har rakras o Paulo pral o Jesuseste, un penas, kai kras o Dewel o Jesuses i mulendar djido, penan le: “Hoi kamell ko dinelo rakepaskro te penell?” Wawar penan: “Job rakrell pral wawar deblende, kolen mer gar prindjrah.”

Bičepangre 11:20

Mashkral kol patslende his ninna mursha dran Ciprus un Kirene. Kolla wan an o foro Antiochia, un penan ninna kolenge, kai kek bibolde hi, o latcho lab o rai Jesusestar.

Bičepangre 8:5

O Filipo djas an ko foro Samaria un rakras kote o Jesus Kristestar.

Bičepangre 4:20

Mer nai rikrah gar maro mui pral kowa, hoi dikam un shunam.”

Louka 22:53

Hako diwes homs pash tumende an o Debleskro baro kheer, un tumer tapran man gar. Kanna hi tumaro tsiro. Kanna hi o benges penepaske.”

2. Samuel 6:22

un kamau gomme tikneder te well har kanna, un tchi te well an mire jaka. Pash kol djuwjende, kolendar tu rakral, wau an-diklo.”

Bičepangre 13:32

Un mer penah tumenge: Ko lab, hoi o Dewel mare phurenge penas, was kanna tchatcho, an kau tsiro, kai mer, lengre tchawe, djiwah. O Dewel kras o Jesuses i mulendar djido. An i duiti Debleskri gili hi tchinlo: Tu hal miro tchawo. Kau diwes wom tiro dad.