Bičepangre 3:6 - O Debleskro Drom 2021 (Sinte)

⁶ O Petro penas: “Rup un sonakai hi man gar. Hoi man hi, dau me tut. An o lab o Jesus Kristestar dran Nazaret penau me tuke: Ste pre un dja trujel!”

O Debleskro Lab 2024 (Sinte-Manouche)

⁶ O Petro penas: “Rup oun sonakay hi man gar. Hoy man hi, dau me tout. An o lab o Yezous Kristestar dran Nazaret penau me touke: Ste pre oun dja trouyel!”

Bičepangre 3:6 Referans Kwoze

Bičepangre 3:16

Mer patsah ap leste. Doleske was kau mursh sasto. Tumer prindjrenn les lauter un djinenn, kai job nashas nai gar. Job patsas ap o Jesus Kristeste, un kowa kras les sasto.

Bičepangre 10:38

Tumer djinenn, har das o Dewel o Jesuseste dran Nazaret peskro Ducho un peskri soor. Un job djas trujel un kras latcho koowa, un kras lauteren sasto, kai o beng pandas. O Dewel his pash leste.

Bičepangre 4:10

Jaake hunte djinenn tumer un i tsele menshe an o them Israel: O Jesus Kristo dran Nazaret, koles tumer ap o trushel dan, kras kau murshes sasto. Kau Jesuses mukas o Dewel i mulendar pre te stell.

Bičepangre 9:34

O Petro penas ap leste: “Aneas, o Jesus Kristo krell tut sasto. Ste pre un kre kokres tiro tchiben!” Koi stas job sik pre.

2. Korintarja 8:9

Tumer djinenn, har latcho maro rai, o Jesus Kristo, ap tumende his. Job his brawelo, un was tumenge tchorwelo. Kowa was lo, te wenn tumer brawelo.

Bičepangre 16:18

Kowa das li gole hako diwes. O Paulo was chojedo, un rissras pes trujel, un penas ap ko bengeste, kai hi an late: “Me penau tuke an o Jesus Kristeskro lab: Dja dran late win!” Koi djas o beng dran kai rakli win.

Markus 16:17

Kolla, kai patsenn ap mande, krenn baro koowa an o Debleskri soor. An miro lab tradenn le bengen i menshendar win, un rakrenn an wawar rakepen.

Jakobo 2:5

Shunenn, mire kamle phrala! O Dewel rodas kolen win, kai hi tchorwelo ap kai phub, te wenn le brawelo an o patsepen. Ko tsiro wella, kai djiwenn le leha khetne an o bolepen un lenn leskro brawlepen. Kowa lenna kolla, kai kamenn les o djijestar. Jaake penas les o Dewel.

1. Petro 4:10

Hakeno tumendar las i budi o Deblestar, te nai krell lo i wawarengro patsepen soreles. Krenn koi budi! Awenn jek o wawareske koi! Jaake han tumer latche budepangre o Debleske.

Bičepangre 4:7

Un jon mukan o Jesuseskre bitchepangren glan pende te anell, un jon putchan lendar: “An koneskri soor un an koneskro lab kran tumer kowa?”

Bičepangre 2:22

Murshale dran Israel, shunenn kal laba, hoi penau tumenge! O Dewel bitchras ko murshes, o Jesuses dran Nazaret, pash tumende. Kowa kras baro un sorelo koowa mank tumende, hoi kek wawar nai krella. Jaake sikras o Dewel, kai o Jesus lestar was. Tumer djinenn kowa, un dikan kowa lauter.

Bičepangre 2:36

I tsele menshe an Israel hunte djinenna, o Dewel kras, te hi kau Jesus, koles tumer ap o trushel dan, o rai pral halauter. Job hi ko baro rai, kolestar o Dewel penas, te well job.”

Mateo 10:9

Ma lenn lowe tumentsa ap o drom, witar kek sonakai, kek rup, un witar kek tikne lowe!

Mateo 7:22

Well ko diwes, kai o Dewel o tchatchepen pral i tsele menshende wi-rakrella. Ap ko diwes penenna bud ap mande: Rai, rai, an tiri soor penam mer i menshenge, hoi o Dewel menge penas. An tiri soor tradam i bengen win, un kram bud baro sorelo koowa.

2. Korintarja 6:10

Menge hi ropaske, un mer nai sanah. Mer ham tchorwelo, un krah i wawaren brawelo. Men hi tchi ap kai phub, un lauter hi menge.

Johanni 19:19

O Pilato tchinas ap i kotar kasht: O Jesus dran Nazaret, o baro rai pral i biboldende. Ko kotar kasht was pral ap o trushel dino.

2. Korintarja 8:12

Te dell jek o djijestar jaake bud har nai dell lo, dikell o Dewel latches ap leste. Job kamell gar, te dell lo budeder, har les hi.

Markus 14:8

Koja kras, hoi nai kras li, un makas man kanna dren ko diweske, kai wau paskedo.

1. Korintarja 4:11

An kau tselo tsiro hi men bok un trush. Un an-ripaske hi men witar tchi. Mer chah dawa. Un men hi kek isema, kai nai atchah.

Bičepangre 3:5

Un job dikas ap lende. Job patsas, te denn le les tchomone.

Bičepangre 3:7

Un o Petro tapras les pash o tchatcho wast, un har job les pre tserdas, wan leskre pire sorelo un sasto.