Bičepangre 28:31 - O Debleskro Drom 2021 (Sinte)

³¹ Job rakras lentsa pral o Debleste un pral o djipen, hoi i patsle khetne o Debleha djiwenna. Un job penas lenge lauter, hoi maro rai, o Jesus Kristo lenge kras. Un les his kek traash, te penell lo kowa. Un kek was, kai penas, te nai krell lo kowa gar.

O Debleskro Lab 2024 (Sinte-Manouche)

³¹ Yob rakras lentsa pral o Debleste oun pral o djipen, hoy i patsle khetne o Debleha djivenna. Oun yob penas lenge lauter, hoy maro ray, o Yezous Kristo lenge kras. Oun les his kek traash, te penell lo kova. Oun kek vas, kay penas, te nay krell lo kova gar.

Bičepangre 28:31 Referans Kwoze

Bičepangre 4:29

Rai, shuneh tu, kai jon men kanna trad denna? Mer ham tire budepangre. De men koi soor, te nai rakras tutar!

Bičepangre 28:23

Un i bibolde un o Paulo kran penge i diwes win, kai wenn le pale khetne an koi kertchima. Har ko diwes was, wan bud pash leste. Un o Paulo penas lenge, te was ko tsiro, kai o Dewel i menshen pash peste gole della, te lell lo len dran o tchilatchepen win. Un job sikras lende, hoi o Mose un o Debleskre rakepangre pral o Jesuseste tchinan. Un pral kowa rakras o Paulo lentsa o tselo diwes.

Mateo 4:23

Un job djas an o tselo them Galilea trujel, un rakras an i biboldengre kangria, un penas i menshenge ko latcho lab, kai o Dewel kamell len dran o tchilatchepen te lell, un kamell lengro rai te well. Un job kras lauteren sasto, kai mank lende nasselo hi.

2. Timoteo 4:17

O rai Jesus his ap miri rig, un das man i soor, te nai penap kote o tselo latcho lab lestar, jaake te shunan les ninna kolla, kai hi kek bibolde. Un job las man jaake dran lengre wasta win, har te woms dran i leweskro mui win lino.

Filiparja 1:14

Ninna bud patsle wan sorleder an o patsepen ap o rajeste, o Jesuseste, kanna, kai me stildo hom. Kolen hi buder kek traash, te sikrenn le i menshende o Jesuseskro drom.

Bičepangre 20:25

Me djom pash bud menshende un penom lenge, te dell o Dewel len pash peste gole, te lell lo len dran o tchilatchepen win. Kanna shunenn: Me djinau, kai dikenn tumer halauter man buder gar pale.

Bičepangre 8:12

Har kanna o Filipo lenge o Jesus Kristestar penas, koles o Dewel bitchras, te anell lo len pash o Debleste, patsan djuwja un mursha ap kowa, hoi o Filipo lenge penas. Un jon mukan pen te taufrell.

Bičepangre 4:31

Ap jek kopo, har jon o Debles an-mangan, trissas i phub kote, kai jon his. Un o Debleskro Ducho was ap lauterende. Un jon penan o Debleskro lab, un kek traash his an lende.

Bičepangre 5:42

Jon mukan gar tele, te penenn le o latcho lab o Jesus Kristestar. Hako diwes djan le an o Debleskro baro kheer un pash i menshende an i khera, un sikran len o Jesuseskro drom.

2. Timoteo 2:9

Koleske lau duka ap mande. Jon pandan man an o stilepen, har te woms i marepaskro. Ninna te pandan le man an o stilepen, nai pandenn jon gar o Debleskro lab.

Bičepangre 23:11

An koi rati mukas pes o rai Jesus glan o Pauleste te dikell, un penas ap leste: “Ma traash, Paulo! Jaake har tu mandar an o foro Jerusalem rakral, jaake hunte rakress mandar ninna an o foro Rom.”

Louka 8:1

Un o Jesus djas an i forja un gaba trujel, te penell lo i menshenge o latcho lab, kai o Dewel kamell len dran o tchilatchepen win te lell, un kamell lengro rai te well. Leskre deesh-te-dui mala djan leha.

Markus 1:14

Har o Johanni stildo was, djas o Jesus an o them Galilea, un sikras i menshende o Debleskro drom.

Bičepangre 1:3

Pal peskro merepen, djiwas lo star-deesh (40) diwessa kate ap kai phub, un mukas pes lendar te dikell bud kope. Un tchatchepah jon dikan, kai hi job djido. Un job rakras lentsa pral o tsiro, kai hi o Dewel o rai pral i tsele menshende.

Bičepangre 28:30

O Paulo atchas dui bersha an peskri isema, hoi job peskre lowentsa plaissras, un las lauteren pash peste pre, kai wan pash leste.