Bičepangre 27:38 - O Debleskro Drom 2021 (Sinte)

³⁸ Un har jon lauter tchalo his, witsran le o tselo djob an o pani, te well o shiffo buder gar jaake pharo.

O Debleskro Lab 2024 (Sinte-Manouche)

³⁸ Oun har yon lauter čalo his, vitsran le o tselo djob an o pani, te vell o shiffo bouder gar yaake pharo.

Bičepangre 27:38 Referans Kwoze

Jona 1:5

Un i bari traash was ap kol tsele murshende, kai ap ko shiffo budran. Un jon dan i bari gole hakeno ap peskro debleste. Un jon witsran ko koowa, hoi ap ko shiffo tchiddo his, an o baro pani, te well ko shiffo buder gar jaake pharo. Un o Jona his tele an o shiffo, his koi tchiddo, un sowas soreles.

Mateo 16:26

I mensheske wals kowa gar mishto, te lals lo o tselo brawlepen ap kai phub, un nashrals o djipen. I mensho nai dell tchi o Debleste, te lell lo ko djipen pale.

Mateo 6:25

Doleske penau me tumenge: Ma darenn tumaro djipaske! Ma darenn, te well tumen tchi te chal un tchi te pijell, witar gar, te well tumen tchi an-ripaske! O djipen hi budeder moldo har o chapen. Un o mensho hi budeder moldo har o ripen.

Hebrearja 12:1

Kanna dikah, bud bud menshe patsan, te hi kowa tchatcho, hoi o Dewel penas. Mer ham gar kokres, kai patsah. Doleske hunte kras har jon kran, un mukas gar tele te nashas ap o Debleskro drom, hoi glan mende hi. Te tchiwas lauter tele, hoi kamell men pale te rikrell! Ninna hunte tchiwas o tchilatchepen tele, hoi kamell men te taprell.

Hiob 2:4

Un o beng penas ap o baro Debleste: “Lauter, hoi i menshes hi, dell lo peskro djipaske.

Mateo 4:18

Un har job pash o baro pani an o them Galilea djas, dikas lo kote dui phralen: O Simon, kai kharella ninna Petro, un leskro phrales, o Andreas. Kolla his matchepangre, un witsran pengre matchengre gone an o pani, te taprenn le matchen.

Sikepaskro 3:6

Jek tsiro hi koi, te rodas tchomone, un jek tsiro, kai rodah buder gar. Jek tsiro hi koi, kai rikrah tchomone, un jek tsiro, kai witsrah les krik.

Louka 12:23

O djipen hi budeder moldo har o chapen. Un o mensho hi budeder moldo har o ripen.