Bičepangre 27:20 - O Debleskro Drom 2021 (Sinte)

²⁰ Bud diwessa nai dikam o kham un i bolepangre momlia gar, jaake sorelo phurdas o baro ducho pral o baro pani, un das sorelo brishin. Koi patsam mer, kai nashrah mer maro djipen.

O Debleskro Lab 2024 (Sinte-Manouche)

²⁰ Boud divessa nay dikam o kham oun i bolepangre momlia gar, yaake zorelo phourdas o baro dourho pral o baro pani, oun das zorelo brishin. Koy patsam mer, kay nashrah mer maro djipen.

Bičepangre 27:20 Referans Kwoze

Mateo 24:29

Un sik pal kol tchilatche diwessa, well o kham kalo har i rat, un o moonto dikell kek buder. Un i bare momlia ap o bolepen perenn tele. Un i bolepaskri soor perell khetne.

1. Tessalonikarja 4:13

Mire phrala, mer kamah, te djinenn tumer, hoi hi kol patslentsa, kai meran, te well tumenge gar ropaske har kolenge, kai prindjrenn o Debles gar un djinenn gar, hoi pal o merepen wella.

Efesarja 2:12

Ap ko tsiro prindjran tumer o Jesus Kristes gar un hans gar o Debleskre menshendar. Ko latcho koowa, hoi o Dewel peskre menshenge penas, te dell lo len, his gar tumenge. Tumer prindjran o Debles gar, un djiwan har an i kali rat un dikan kek momeli glan tumende.

Ezekiel 37:11

Un job penas ap mande: Tu, mensho, i Israelitarja hi har kal mule kokale. Kanna penenn le: “Mare kokale hi truk, un halauter hi nashedo, mentsa hi trujel.”

Jeremia 2:25

Israel, de garda ap tire herja, te nashess len gar dukenes, un ap tiro mui, te well lo gar truk! Tu peneh: Rike man gar pre! Me kamau kol menshen dran wawar themma, un hunte nashap lenge palla.

Jesaja 57:10

Kowa lauter, hoi kral, kras tut khino. Un tu penal gar: “Mukau kanna kowa.” Na-a, tu hatsal newi soor un hals buder gar khino.

2. Korintarja 11:25

Triin kope lom dawa i kashteha. Jek kopo witsran le barrentsa ap mande, te denn le man mulo. Triin kope djas o shiffo tele, ap hoi me homs, un jek diwes un jek rati homs ap i kasht tchiddo an o baro pani.

Jona 1:4

Kote mukas o baro Dewel i sorelo phurdepen pral o baro pani te well, hoi jaake sorelo his, te kamas ko shiffo khetne te phagell.

Debleskri gili 105:28

O baro Dewel bitchras i tamlepen, te was kales, har rati. I Egiptarja shunan gar ap leskre laba.

Bičepangre 27:19

O triinto diwes witsran jon kowa an o pani, hoi ap o shiffo his, te nai ulerell lo.

Bičepangre 27:21

Har chan le i rah tsiro tchi, djas o Paulo mashkral lende, un penas: “Murshale, tumer hunte shunans ap mande, un atchans an o them Kreta. Jaake wals i tseli bibacht gar pral mende.