Bičepangre 23:3 - O Debleskro Drom 2021 (Sinte)

³ Koi penas o Paulo ap leste: “O Dewel mu te dell tut! Tu rakreh i menshenge pal o mui. Tu hal kate beshdo, te rakress o tchatchepen pral mande win pal o biboldengro tchatchepen. Un tu mukeh man dawa te dell. Kowa hi gar pal o biboldengro tchatchepen.”

O Debleskro Lab 2024 (Sinte-Manouche)

³ Koy penas o Paulo ap leste: “O Devel mou te dell tout! Tou rakreh i menshenge pal o mouy. Tou hal kate beshdo, te rakress o čačepen pral mande vin pal o biboldengro čačepen. Oun tou moukeh man dava te dell. Kova hi gar pal o biboldengro čačepen.”

Bičepangre 23:3 Referans Kwoze

Johanni 7:51

“Pal maro tchatchepen nai dah kekes i phagi, te shunam gar lestar, hoi job rakrell pral kowa win. Mer dah ninna kekes i phagi, te djinah gar, hoi job kras.”

Amos 5:7

Bibacht ap tumende, tumer rissrenn o tchatchepaskre laba, un stakrenn ap o tchatchepen trujel!

Sikepaskro 3:16

Ninna dikom ap i phub, kote kai hunte rakrans i tchatchepangre o tchatchepen, his o tchilatchepen o rai. Un kote, kai hunte djans le pal o tchatchepen, rakran le chochepah.

Debleskri gili 94:20

Tu tchiwal tut gar khetne kolentsa, kai tchatchepangre mursha hunte wans, un jon djan gar pal o tchatchepen, un penenn ap o chochepen: “Kowa hi o tchatchepen.”

3. Mose 19:35

Krenn kek chochepen, te wenn khetne te krenn o tchatchepen win! Ma chochenn witar gar te dikenn palla, har baro oder pharo oder bud tchomone hi!

3. Mose 19:15

Te well o tchatchepen win kerdo, palle de koles peskro tchatchepen, koles tchatcho hi! Ma tserde koles glan, kai tchorwelo hi, witar gar koles, kai brawelo hi. Hakeno hunte lell peskro tchatchepen.

Johanni 18:24

O Hannas anas les pandlo pash ko baro rashajeste Kajafas.

1. Rajengro liil 22:24

Kote was o Zedekja pashel, koleskro dad o Kenaan his, un das o Micha i tchamedini, un penas: “Hoi rakreh? Patseh, o ducho o baro Deblestar djas peske mandar, un rakrell kanna kokres tuha?”

Bičepangre 23:4

Kolla, kai koi pashel tardo his, penan ap o Pauleste: “Tu praasseh o Debleskro baro rashajes.”