Bičepangre 21:13 - O Debleskro Drom 2021 (Sinte)

¹³ O Paulo penas: “Hoske rowenn tumer, un krenn mange miro dji pharo? Me kamau koi budi te krell, hoi o rai Jesus man das, ninna te pandenn le man i shellentsa, ninna te marenn le man an o foro Jerusalem.”

O Debleskro Lab 2024 (Sinte-Manouche)

¹³ O Paulo penas: “Hoske rovenn t'mer, oun krenn mange miro dji pharo? Me kamau koy boudi te krell, hoy o ray Yezous man das, ninna te pandenn le man i shellentsa, ninna te marenn le man an o foro Yerusalem.”

Bičepangre 21:13 Referans Kwoze

Bičepangre 20:24

Me dau tchi buder ap miro djipen. Jek koowa kamau me an miro djipen te krell: Me kamau koi budi te krell, hoi das man maro rai Jesus: Job penas mange, te penap i menshenge, har latcho o Dewel lenge hi, un har kras job i drom, te nai wenn le pash leste.

Filiparja 2:17

Me anom tumen ap o Debleskro drom. Doleske hom me glan leste tardo har i rashai, kai anell leske tumaro patsepen. Ninna te meroms pash miri budi o Jesus Kristeske, hom me kanna bachtelo tumentsa khetne pral tumaro patsepen.

2. Timoteo 4:6

Miro djipen hi har i pipen, hoi well win tchoredo o Debleske. O tsiro was, kai hunte merap.

Debleskro tsiro 12:11

Mare phrala his sorleder har ko phukepaskro. O terno bakro, hoi maredo was, kowa thowas lengri doosh peskro rateha tele. Mare phrala sikran i menshende o tchatcho drom pash o Debleste, ninna te wan le doleske maredo.

Kolossarja 1:24

Un kanna hom bachtelo an kol duka, hoi anom tumenge ap mande. Jaake har o Jesus Kristo anas duka ap peste i patslenge, jaake hunte anap me ninna duka ap mande i patslenge.

2. Petro 1:14

Me djinau, kai merau an i tikno tsiro. Maro rai, o Jesus Kristo, penas kowa mange.

Bičepangre 20:37

Koi rowan le lauter soreles, tapran les trujel un tchumran les.

Bičepangre 5:41

Koi djan jon penge i pralstunendar. Un jon his bachtelo, te hi le o Debleske jaake bud moldo, te rodas lo len win, te chan le dawa o Jesuseske.

Debleskro tsiro 3:10

Tumer rikran ko lab, hoi tumenge penom, un wan gar khino an o patsepen ap mande. Doleske rikrau mire wasta pral tumende an ko pharo tsiro, kai i bibacht wella pral i tsele menshende ap kai phub, te well diklo, hoi an lengre djia hi.

2. Timoteo 1:4

Me bistrau nai gar, har tu glan mande rowal, un dikau tut jaake glan mande. Doleske kamau me tut o tselo djijeha pale te dikell, te wap bachtelo.

1. Korintarja 15:31

Hako diwes nai nashrau me miro djipen. Mire phrala, kowa hi tchatcho, jaake har tchatcho hi, kai hom bachtelo pral tumende, kai me anom tumen pash o Jesus Kristeste, maro rajeste.

Bičepangre 9:16

Me kamau leste te sikrell, kai hunte lell job bud duka mange ap peste.”

Filiparja 2:26

Tumer shunan, kai job nasselo was. Har job shunas, kai tumer djinenn kowa, rowas leskro dji, un job kamas pash tumende te well.

Jona 1:6

Kote was ko rai pral kau shiffo pash leste un putchas lestar: “Hoi hi kanna tuha? Hoske soweh tu? Ste pre, un khare tiro debles an! Nai well, tiro dewel dikell kamles ap mende, te meras gar!”

Ezekiel 18:2

Hoske penenn tumer an o them Israel kau lab: I phure chan shutle drake, un i ternenge dukenn i danda.

Jesaja 3:15

Hoske stakran tumer mire menshen tel tumare herja? Un hoske dan o tchorweles an o mui? Me, o baro Dewel, ko rai pral o bolepen un i phub, putchau kowa tumendar.

1. Samuel 15:14

Un o Samuel putchas: “Hoi shunenn mire kanda? Hawe bakre denn kai gole? Un hawe grumjen shunau me?”

1. Samuel 1:8

O Elkana, lakro rom, penas ap late: “Hanna, hoske roweh tu? Un hoske chah tu tchi? Un hoske hi tiro dji jaake phares? Hom me tuke gar budeder moldo har deesh mursh tchawe?”

Jeremia 40:1

I lurde dran Babilonia tapran bud menshen dran o foro Jerusalem un dran wawar gaba un forja an o them Juda. Jon pandan len shellentsa un anan len khetne an o foro Rama, te anenn le len pandles an o them Babilonia. Mank lende his ninna o Jeremia, peskre wasta i shellentsa pandles. Kote hatsas les o pralstuno i lurdendar, o Nebusaradan, un mukas les te djal. Pal kowa rakras o baro Dewel o Jeremijeha.

1. Familjakro liil 11:18

Koi tchoran pen kol triin dren ap i platsa, kai kol Filistarja his, un lan pani dran koi brunna pash ko foreskro wudar an Betlehem, un anan kowa pash o Davideste. Job kamas gar te pijell, un tchoras ko pani win o baro Debleske,