Bičepangre 20:37 - O Debleskro Drom 2021 (Sinte)

³⁷ Koi rowan le lauter soreles, tapran les trujel un tchumran les.

O Debleskro Lab 2024 (Sinte-Manouche)

³⁷ Koy rovan le lauter zoreles, tapran les trouyel oun čoumran les.

Bičepangre 20:37 Referans Kwoze

2. Timoteo 1:4

Me bistrau nai gar, har tu glan mande rowal, un dikau tut jaake glan mande. Doleske kamau me tut o tselo djijeha pale te dikell, te wap bachtelo.

Debleskro tsiro 21:4

Un job khossella hake swa ap lengre jaka tele. Un o merepen dell gar buder, witar kek bibacht, kek ropen un kek duka. Kowa hoi his, dell gar buder.

1. Tessalonikarja 5:26

Penenn i tsele patslenge mendar: “Atchenn o Debleha!” Un denn len i tchum!

2. Korintarja 13:12

Taprenn tumen trujel, un denn tumen i tchum! Kowa sikrella hakeneste, tumer han phrala un phenja an o patsepen. I tsele patsle penenn tumenge. “Atchenn maro Debleha!”

1. Korintarja 16:20

I tsele patsle penenn tumenge latche laba. Penenn tumenge latche laba, un taprenn tumen trujel, un denn tumen i tchum. Koleha sikrenn tumer, te han phrala un phenja an o patsepen.

Remarja 16:16

Taprenn tumen trujel, un denn tumen i tchum! Kowa sikrella hakeneste, tumer han phrala un phenja an o patsepen. I tsele patsle, kai ap o Jesus Kristeste patsenna, penenn tumenge: Atchenn maro Debleha!

Louka 15:20

Un job stas pre, un djas pash peskro dadeste pale. Har leskro dad les dural dikas, khaitas o tchawo les. Un o dad nashas pash leste, tapras les trujel, un tchumras les.

Debleskro tsiro 7:17

O terno bakro, hoi mashkral o Debleskro beshepaskro hi, kowa dell jak ap lende, har i bakrengro rai ap peskre bakre jak della, un anell len pash o pani, hoi o djipen della. Un o Dewel khossell hake swa ap lengre jaka tele.

Debleskri gili 126:5

Koon ropah o djob an i phub witsrella, kowa dell gole i bachtjatar ap ko diwes, kai lell lo o djob dren.

Hiob 2:12

Har dikan le les fun dural, prindjran le les gar buder pale. Un jon rowan phares. Un sorjah tserdas hakeno lendar peskre koola pestar tele, un kras len paash. Un jon witsran tchik pre un ap pengre sherja.

Esra 10:1

Un har o Esra glan o Debleskro kheer ap peskre tchanga tchiddo his, un ropah o Debleha rakras un koi tseli doosh win rakras, wan bud menshe dran Israel trul leste trujel, mursha, djuwja un tchawe; un jon halauter rowan soreles.

2. Rajengro liil 20:3

“Ach, baro Dewel, mangau tut, biste gar, kai djiwom glan tute an o tchatchepen un i djudjo djijeha un krom, hoi mishto hi glan tire jaka.” Un o Hiskija rowas i baro ropen glan leste.

2. Samuel 15:30

O David djas ap o djeteskri berga un rowas. Un leskro shero his tchakedo. Un job djas pirkenes. Ninna kol tsele menshe, kai hi pash leste, kolengro shero his tchakedo. Jon djan pre un rowan.

1. Samuel 20:41

Har ko tchawo peske djas, was o David win dran peskro khatepen pal kol barra, un peras glan o Jonatan tele, un tchiwas pes triin kope glan tele ap i phub. Un palle lan le pen trujel un tchumran pen, un rowan khetne, o David gomme budeder har o Jonatan.

1. Mose 46:29

Har jon an o them Gosen wan, pandas o Josef i graja glan peskro wurdin un uleras an o them Gosen pash peskro dadeste Israel. Har o Josef les dikas, tchiwas job peskre mussja trul leste, un rowas ap leskro betch un nai heras gar pre.

1. Mose 45:14

Un job peras peskro phraleske Benjamin trul i meen un rowas. Un ninna o Benjamin rowas ap leskro betch.

1. Rajengro liil 19:20

Un o Elisa mukas i grumjen, nashas pal o Elija un penas: “Muk man te tchumrap miro dades un miri dai! Pale wau un djau tuke pal.” Kote penas lo ap leste: “Mishto, dja koi! Ma biste, hoi me tuke krom.”