Bičepangre 20:33 - O Debleskro Drom 2021 (Sinte)

^33-34 Tumer djinenna: Me mangom kekestar tumendar tchomone: kek sonakai, kek rup, kek an-ripaske. Mire wastentsa budrom, te well man un kolen, kai pash mande hi, te chal.

O Debleskro Lab 2024 (Sinte-Manouche)

^33-34 T'mer djinenna: Me mangom kekestar t'mendar čomone: kek sonakay, kek roup, kek an-ripaske. Mire vastentsa boudrom, te vell man oun kolen, kay pash mande hi, te rhal.

Bičepangre 20:33 Referans Kwoze

2. Korintarja 11:9

Har me pash tumende homs, un mange his gar doha djipaske, mangom kekestar tumendar tchomone. I patsle phrala, kai wan dran o them Macedonia, anan mange jaake bud, te nai djiwom pash tumende. Jaake perom kekeske tumendar ap i possita. Un jaake kamau kowa ninna te krell an ko tsiro, hoi wella.

1. Korintarja 9:12

Te hi i wawaren ko tchatchepen ap kowa lauter, hi men ko tchatchepen ninna. Ninna te hi kowa jaake, lah kowa gar menge. Me kamoms gar, te rakrell jek pral mende, te penah i menshenge o Jesus Kristestar, te was mer plaissedo.

1. Korintarja 9:18

Hoi lau me koleske? Me lau tchi. Mange hi shukeder te penap o latcho lab o Jesus Kristestar tchitcheske, har te wap me plaissedo.

2. Korintarja 7:2

Krenn tumare djia menge pre! Mer kram kekes i tchilatcho koowa un dukram kekes, un chochram kek menshes.

1. Tessalonikarja 2:5

Tumer djinenna, mer rakram tumenge gar pal o mui. Witar gar penam o Debleskro lab, te las lowe i menshendar. O Dewel djinella, me penau o tchatchepen.

1. Korintarja 9:15

Kau tchatchepen lom mange gar: Me lom tchi tumendar. Me tchinau kowa gar, te wap me kanna tumendar plaissedo. Feteder wals, me meroms, har te penenn i menshe mange palla, te plaissrenn tumer man. Me nai sharau man, te penau i menshenge o latcho lab o Jesusestar tchitcheske.

1. Petro 5:2

Denn garda ap i patslende, kai o Dewel peske khetne anas! Tumer han har i bakrengre. Un o Debleskre tchawe hi har bakre, hoi o Dewel an tumare wasta das. Denn len kowa, hoi len hunte wella, te atchell lengro patsepen djido! Krenn kowa o tselo djijestar! Jaake kamell les o Dewel. Krenn kowa gar, har te wals i phari budi, hoi hunte krenn! Krenn koi budi dran o kamlepen un gar, te wenn tumer plaissedo!

4. Mose 16:15

Koi was o Mose chojedo, un penas ap o baro Debleste: “Ma dik latches ap kowa, hoi jon tut denna! Me lom gar i burika lendar, un krom len kek tchilatchepen.”

1. Korintarja 9:4

Hi men gar ko tchatchepen, te chas un te pijas pash tumende?

2. Korintarja 11:7

Krom me man baro, har lom kek lowe tumendar, har penom tumenge o Debleskro latcho lab? Lom me doleske i doosh ap mande? Na-a, me krom tumen baro.

3. Johanni 1:7

Jon kran pen ap o drom, te penenn le i menshenge o Jesus Kristestar. Un jon lenn tchi kolendar, kai les gar prindjrenna.