Bičepangre 18:24 - O Debleskro Drom 2021 (Sinte)

²⁴ Koi was i biboldo an o foro Efesus. Leskro lab his Apollo. Kowa was dran o foro Alexandria. O Apollo djinas o Debleskro lab mishto, un his i latcho rakepaskro.

O Debleskro Lab 2024 (Sinte-Manouche)

²⁴ Koy vas i biboldo an o foro Efesus. Leskro lab his Apollo. Kova vas dran o foro Alexandria. O Apollo djinas o Debleskro lab mishto, oun his i lačo rakepaskro.

Bičepangre 18:24 Referans Kwoze

Tito 3:13

O Zenas, ko tchatchepaskro, un o Apollo, kolen de lauter djipaske, te djan le ap o drom dureder!

1. Korintarja 4:6

Mire phrala, hoi me kanna penom, rakrau me mandar un o Apollestar. Ap mende dikenn tumer, har te atchenn ap kowa, hoi an i lila tchinlo hi. Kek tumendar hunte phurdell pes pre un penell: “Me rikrau man ap o feteder sikepaskro.”

1. Korintarja 16:12

Bud kope penom me ap maro phraleste Apollo, te well job kol wawar phralentsa pash tumende. Job kamell kowa kanna gar. Te well i mishto tsiro, well lo pash tumende.

1. Korintarja 1:12

Pash tumende hi menshe, kai penenna: “Mer krah kowa, hoi o Paulo menge penella.” Wawar penenna: “Mer rikrah men ap o Apollo.” Un pale wawar penenna: “O Kefas hi maro sikepaskro.” Un pale wawar penenna: “Mer rikrah men ap o Jesus Kristeste.”

Bičepangre 6:9

Kote wan bibolde pash leste. Kolla wan dran bud biboldengre kangria. Jon his Libertarja, mursha dran i forja Kirene un Alexandria, un dran i themma Cilicia un Asia. Un jon rakran o Stefaneha un tchingran pen leha.

Kolossarja 3:16

Ma mukenn tele, te rakrenn un shunenn o lab o Jesus Kristestar! Rakrenn les tumenge an o dji! Awenn gosewo koi pashel, te sikrell jek o wawareste, har te djal lo ap o Debleskro drom! Giwenn Debleskre gilja un sawe gilja, hoi sharenn o Debles, ninna sawe gilja, hoi o Debleskro Ducho an tumende tchiwella! Awa, giwenn o Debleske, un sharenn les an tumare djia!

2. Korintarja 10:10

Hi menshe mank tumende, kai penenna: An peskre lila rakrell job bare laba, un hi sorelo. Te hi job pash mende, hi job tikno, un an leskro rakepen hi kek soor.

Bičepangre 27:6

Koi hatsas ko baro lurdo i shiffo, hoi was dran o foro Alexandria, un kamas an o them Italia te ulerell. Un mer djam ap ko shiffo.

Bičepangre 7:22

Un gosewe Egiptarja sikran leste lauter, hoi jon djinan, jaake te was lo gosewo an lauter, hoi job rakras un kras.

Louka 24:19

Un o Jesus penas: “Hoi djas?” Un jon penan: “Kowa, hoi kran le o Jesuseha dran Nazaret. Job his o Debleskro rakepaskro, ap koleste o Debleskri soor his. O Dewel bitchras les. Kowa dikas hakeno ap kowa, hoi job penas un kras.

Mateo 13:52

“Tumer dikenn,” penas lo, “hako tchatchepaskro, koon djinell o phuro biboldengro tchatchepen, un ap mande patslo was, kowa haiwell kanna o newo un o phuro koowa pral o Debleste, un nai penell kowa i menshenge.”

Jesaja 3:3

Ninna i pralstune lurden, i an-dikle menshen, i rakepangren, i gosewen, i durkepangren un kolen, kai i mulen putchenn, lell lo kolendar krik.

Esra 7:12

Me, o Artaxerxes, o rai pral i tsele raja, penau ap o Esra, ko rashai un sikepaskro i labendar ko Deblestar, kai an o bolepen hi. Bud bacht tuke!

Esra 7:6

Kau mursh Esra djas win dran o them Babilonia, te djal lo an o foro Jerusalem. Job his i sikepaskro, un djinas kol laba mishto, hoi an o Moseskre lila tchinlo hi. Kol laba das o baro Dewel peskre menshende Israel. Un har o Esra gomme an Babilonia his, rikras o baro Dewel peskre wasta pral leste, un kras, te das o baro rai o Esraes halauter, hoi job lestar mangas.

2. Mose 4:10

Un o Mose penas ap o baro Debleste: “Miro Rai, me haiwau gar mishto te rakrell, ninna kanna kai rakreh mantsa, hi mange phares te rakrap.”

Bičepangre 18:28

Job penas i biboldenge o Debleskro lab kote, kai job djas. Un job sikras lende an o Debleskro lab, kai hi o Jesus ko baro rai, kolestar o Dewel glan i rah tsiro penas, te well job.

Bičepangre 18:19

Pal kowa wan le an o foro Efesus. Un o Paulo mukas o Akwiles un i Priskat koi. Job djas an i biboldengri kangri un rakras koi i biboldentsa.

Bičepangre 18:21

Har djas lo peske, penas lo ap lende: “Te kamell o Dewel, wau pale pash tumende.” Un job djas win dran o foro Efesus, un uleras ap o shiffo pral o baro pani,

Bičepangre 19:1

Har o Apollo an o foro Korint his, djas o Paulo an i themma Galatia un Frigia, un palle was lo an o foro Efesus. Koi hatsas job ninna patslen.