Bičepangre 17:18 - O Debleskro Drom 2021 (Sinte)

¹⁸ Mank lende his ninna sikle mursha, kai kharan Stoikarja un Epikurarja. Kolla tchingran leha. Har rakras o Paulo pral o Jesuseste, un penas, kai kras o Dewel o Jesuses i mulendar djido, penan le: “Hoi kamell ko dinelo rakepaskro te penell?” Wawar penan: “Job rakrell pral wawar deblende, kolen mer gar prindjrah.”

O Debleskro Lab 2024 (Sinte-Manouche)

¹⁸ Mank lende his ninna sikle morsha, kay kharan Stoykarya oun Epikurarya. Kolla čingran leha. Har rakras o Paulo pral o Yezouseste, oun penas, kay kras o Devel o Yezouses i moulendar djido, penan le: “Hoy kamell ko dinelo rakepaskro te penell?” Vavar penan: “Yob rakrell pral vavar deblende, kolen mer gar prindjrah.”

Bičepangre 17:18 Referans Kwoze

Kolossarja 2:8

Denn jak, te shunenn ap kekeste, kai kamell te taprell tumen shukar labentsa, hoi wenna dran i menshengro goswepen. Kowa hi chochepen un tchi moldo! Kol laba hi menshengro rakepen, hoi i phure ap i tchawende dureder penan un wella i phubjatar, un gar o Jesus Kristestar.

Bičepangre 4:2

Jon his chojemen pral o Petreste un o Johanneste, te sikran kalla i menshende o Debleskro drom un penan, kai o Jesus i mulendar pre stas.

Louka 11:53

Un har o Jesus djas peske, lan les i tchatchepangre un i Farisarja chojedo palla, un putchan soreles lestar bud koowa.

1. Korintarja 4:10

Mer rakrah o Jesus Kristestar. Un doleske ham dinele glan i menshengre jaka. Tumer patsenn ap o Jesus Kristeste, un doleske han gosewe. Mer ham gar sorele, un tumer han sorele. Men sharenn le gar. Tumen sharenn le.

1. Korintarja 3:18

Ma chochenn tumen kokres! Koon patsella, te hi lo gosewo ap kai phub, kowa hunte dikell dren, te molella leskro goswepen tchi.

Remarja 1:22

Kal menshe penenn pendar, te hi le gosewo. Dran kowa peran le an o dinlepen.

Bičepangre 26:23

Kolla penan: Ko baro rai, koles o Dewel bitchrella, hunte lell bud duka ap peste, un hunte well maredo. Un job hi o ersto mensho, koles o Dewel i mulendar djido kras. Un job sikrell i biboldende un kolende, kai kek bibolde hi, i bari momeli, hoi anell len dran o tchilatchepen un o merepen win.

Markus 9:14

Un jon wan pash pengre wawar malende, un dikan bud menshen trul lende, ninna biboldengre tchatchepangre, kai rakran lentsa.

Gosewe laba 26:12

I dinelo nai well sikeder gosewo har jek, kai pestar kokres patsell, te hi lo gosewo.

Gosewe laba 23:9

Ma rake an i kanda i dinelestar! Ap tiro goswepen dikell job tele.

Bičepangre 6:9

Kote wan bibolde pash leste. Kolla wan dran bud biboldengre kangria. Jon his Libertarja, mursha dran i forja Kirene un Alexandria, un dran i themma Cilicia un Asia. Un jon rakran o Stefaneha un tchingran pen leha.

Bičepangre 5:42

Jon mukan gar tele, te penenn le o latcho lab o Jesus Kristestar. Hako diwes djan le an o Debleskro baro kheer un pash i menshende an i khera, un sikran len o Jesuseskro drom.