Bičepangre 17:16 - O Debleskro Drom 2021 (Sinte)

¹⁶ Jaake rah kamas o Paulo an o foro Athen te atchell. Kote dikas lo bud barrengre murshen, djuwjen un viechen, hoi kran i menshe pengre wastentsa, un hoi jon an-mangenna. Un kowa dukas les an peskro dji.

O Debleskro Lab 2024 (Sinte-Manouche)

¹⁶ Yaake rah kamas o Paulo an o foro Athen te ačell. Kote dikas lo boud barrengre morshen, djouvyen oun firhen, hoy kran i menshe pengre vastentsa, oun hoy yon an-mangenna. Oun kova doukas les an peskro dji.

Bičepangre 17:16 Referans Kwoze

Debleskri gili 119:158

Me nai dikau kol phukepangren gar glan i jaka, kai rikrenn pen gar ap tire laba.

2. Petro 2:7

O Lot kokres was win lino dran o foro Sodom, har i jag tele peras. Job djiwas jaake, har o Dewel kamas. Un leske dukas ko djungelo djipen, hoi kol tchilatche menshe djiwan.

Debleskri gili 119:136

Rowau bud swa pral kolende, kai mukenn tiro drom.

Markus 3:5

Kowa dukas les, kai lengro dji har i bar his. Un job dikas chojemen ap lende un penas ap ko mursheste: “Sike tiro wast!” Un job sikras peskro wast. Un ko wast was sasto.

Micha 3:8

Man hi i bari soor. O baro Dewel tchiwas peskro ducho an mande. un kras miro dji pherdi soor, te rakrap o tchatchepen win, te penap o Jakobeskre tchawenge pengri doosh, awa, te sikrap i Israelenge kai le o Debleskro dromestar tele djan.

Jeremia 20:9

Awa, te penau mange, me kamau o Debles te bistrell, un rakrau buder gar an leskro lab, palle chatchell leskro lab an mande har i jag. Me lau miri tseli soor khetne, te rikrap kowa win. Un kowa djal gar.

Debleskri gili 69:9

Wom har i gadjo mire phralenge. I tchawe miri datar prindjrenn man buder gar.

1. Rajengro liil 19:14

Un job penas: “Tu, baro Dewel un rai pral o bolepen un i phub, me budrom tuke miro tselo djijeha. Tire menshe Israel krenn buder gar, hoi tu lentsa win kral. I pre-tchidde barra, kai tuke vieche chatchedo wan, dan le khetne, un tire rakepangren maran le o chareha. Un me kokres atchom djido. Un jon kamenn man ninna te marell.”

1. Rajengro liil 19:10

Un job penas: “Tu, baro Dewel un rai pral o bolepen un i phub, me budrom tuke miro tselo djijeha. Tire menshe Israel krenn buder gar, hoi tu lentsa win kral. I pre-tchidde barra, kai tuke vieche chatchedo wan, dan le khetne, un tire rakepangren maran le o chareha. Un me kokres atchom djido. Un jon kamenn man ninna te marell.”

Bičepangre 17:23

Me djom an tumaro foro trujel, un dikom ko koowa, hoi tumenge mulno hi, un hoi tumer an-mangenna. Un me hatsom i bar, kai anenn le chapen i debleske. Ap ko bar hi tchinlo: Ko debleske, kai prindjrah gar. Un me penau tumenge: Ko Dewel, kones tumer an-mangenna, ninna te prindjrenn les gar, pral koleste rakrau me kanna.

Johanni 2:13

Glan kol biboldengre bare diwessa, kai kharenna Passa, djas o Jesus an o foro Jerusalem.

Bičepangre 17:15

Kolla, kai djan o Pauleha, anan les an o foro Athen. Glan kowa, har jon khere djan penas o Paulo lenge, te penenn le ap o Silaseste un ap o Timoteste, te wenn jon jaake sik har djala pash leste.

Bičepangre 17:21

I tsele menshe an o foro Athen, ninna kol wi-themarja, kai djiwenn pash lende, kolen his tchi wawar an o shero, har te shunenn le i newo koowa, un te rakrenn le pral kowa.

Bičepangre 18:1

Pal kowa djas o Paulo dran o foro Athen, un djas an o foro Korint.

Bičepangre 20:22

Un kanna penell mange o Debleskro Ducho, te djap an o foro Jerusalem. Un me hunte shunap ap leste. Hoi i bibolde an o foro Jerusalem mantsa krenna, kowa djinau gar.

1. Tessalonikarja 3:1

Mer rikram buder gar win, te shunam buder tchi tumendar. Doleske penam menge, hi mishto, te atchap me, o Paulo, kate an o foro Athen, khetne maro phraleha, o Silwano,