Bičepangre 17:13 - O Debleskro Drom 2021 (Sinte)

¹³ Har shunan kol bibolde an o foro Tessalonika, te penas o Paulo ninna i menshenge an o foro Berea o Debleskro lab, wan le kote un kran tchingepen. Jon kaman, te wenn i menshe chojedo ap lende.

O Debleskro Lab 2024 (Sinte-Manouche)

¹³ Har shounan kol bibolde an o foro Tessalonika, te penas o Paulo ninna i menshenge an o foro Berea o Debleskro lab, van le kote oun kran čingepen. Yon kaman, te venn i menshe rhoyedo ap lende.

Bičepangre 17:13 Referans Kwoze

Bičepangre 21:27

Har his kolla efta diwessa trujel, dikan i bibolde dran o them Asia o Paules an o Debleskro baro kheer. Un jon kran, te wan bud menshe chojedo ap leste. Un jon tapran les,

Bičepangre 17:5

I bibolde, kai gar ap o Jesuseste patsan, silweran ap o Pauleste un ap o Silaseste. Un jon djan ap o drom, rodan tchilatche murshen, un lentsa kran le i menshen an ko foro diwjo. Un jon djan pash ko kheer, kai djiwas o Jason. Jon patsan, te wans o Paulo un o Silas pash leste. Un i bibolde un i tchilatche kaman len dran o kheer win te anell glan i tsele menshende.

Bičepangre 14:2

Kol bibolde, kai wan gar patslo, penan, te wals kowa gar tchatcho, hoi o Paulo penas, un kran, te wan kolla, kai kek bibolde hi, chojedo ap i patslende.

Bičepangre 6:12

Jon kran kol tsele menshen diwjo, ninna kol biboldengre phureden un tchatchepangren. Un jon wan ap leste pre, tapran les, un anan les glan i pralstune biboldende.

Mateo 23:13

Tumer tchatchepangre un Farisarja! Kowa, hoi tumer krenna, ko hi gar mishto. Tumaro patsepen ap o Debleste hi chochepen! Tumer krenn o wudar pandlo, te well kek ap o Debleskro drom. Tumer djan gar koi dren. Witar gar mukenn i wawaren dren te djal.

Gosewe laba 28:25

Kowa, kai bokell pal i lowe, sawo anell tchingepen pre. Kowa, kai rikrell pes ap o baro Debleste, lell budeder har doha te chal.

Louka 12:51

“Me wom gar ap kai phub, te lap o tchingepen krik. Na-a! Me penau tumenge: Mantsa well o tchingepen.

Gosewe laba 15:18

I mursh an koleste choli hi, anell tchingepen. Jek, kai gar sik chojedo well, kowa lell i jag dran o tchingepen.

1. Rajengro liil 21:25

Tchatchepah, kek his koi har o Ahab, kai bikras pes, te krell lo o tchilatchepen glan i jaka o baro Deblestar. Un leskri romni, i Isebel, his koja, kai anas les ap kau tchilatcho drom.

Bičepangre 17:1

Un o Paulo un o Silas wan an i forja Amfipolis un Apolonia un djan dureder an o foro Tessalonika. Koi his i biboldengri kangri.

Bičepangre 17:10

An koi rat bitchran kol patsle o Paules un o Silases an o foro Berea. Har jon koi wan, djan jon an i biboldengri kangri.

Bičepangre 20:4

Khetne leha djas ninna o Sopater dran o foro Berea, leskro dad his o Pirro. Dran o foro Tessalonika djas ninna o Aristarcho un o Sekundo lentsa. Dran o foro Derbe was o Gajo lentsa. Ninna o Timoteo djas lentsa. Un o Tichiko un o Trofimo wan dran ko them Asia lentsa.

2. Korintarja 11:26

Ap miro drom an bud wawar forja un themma his bud kope o merepen glan mire jaka. Me nai tassoms an i diwje panja, un kol tchorepangre nai dans man mulo. Un i bibolde, un ninna kolla, kai kek bibolde hi, kolla lan man palla. An o mulo them un an o baro pani, kai homs, his o merepen glan mire jaka, un ninna, har homs mank kol phralende, kai hi kek tchatche phrala.