Bičepangre 16:27 - O Debleskro Drom 2021 (Sinte)

²⁷ Har o rai pral o stilepen pre djangras un dikas, kai kol wudja an o stilepen pre his, patsas lo, kai kol stilde nashan penge. Koi las job peskro charo, un kamas pes te marell.

O Debleskro Lab 2024 (Sinte-Manouche)

²⁷ Har o ray pral o stilepen pre djangras oun dikas, kay kol voudya an o stilepen pre his, patsas lo, kay kol stilde nashan penge. Koy las yob peskro rharo, oun kamas pes te marell.

Bičepangre 16:27 Referans Kwoze

Bičepangre 12:19

Har o Herodes penas, te well o Petro win anlo, un job buder gar koi his, mukas lo les te rodell. Un jon hatsan les gar. Koi putchas lo i lurdendar, kai dan jak glan o wudar, har was nai o Petro win. Un palle mukas job kolen te marell. Palle djas o Herodes dran o them Judea, un was an o foro Cesarea, un atchas i tsiro kote.

Mateo 27:5

Koi witsras lo kol trijanda rupene beme an o Debleskro baro kheer, nashas lendar, tchiwas i dori trul peskri meen, un tassras pes.

1. Rajengro liil 16:18

Har o Simri dikas, kai ko foro dren lino wella, djas lo ap i turmo peskro kherestar, chatchras peskro kheer un meras an i jag.

2. Samuel 17:23

O Ahitofel shunas, kai was kowa gar kerdo, hoi job penas. Koi tchiwas lo i ledertikri plachta ap peskri burika, beshas pes koi pre un klissas khere an peskro foro. Kote penas lo i menshenge an peskro kheer, hoi te krenn le pal leskro merepen. Palle bladas lo pes pre, un meras. Un job was paskedo an o mulengro kheer peskro dadestar.

Čačepangre 9:54

Koi das lo sik gole ap peskro budepaskro, kai leske o charo hidjrell, un penas ap leste: “Le tiro charo, un de man temerl, te penell kek mandar: ‘I djuwel das les temerl.’” Un leskro budepaskro das les tele tchurje, jaake te meras lo.

Bičepangre 16:28

Koi das o Paulo soreles gole: “Ma mare tut! Mer ham lauter kate!”

Bičepangre 16:36

Kowa was pash o Pauleste un penas leske: “I tchatchepangre bitchran man, te penap tumenge, te han tumer gar buder stildo. Awenn win un djan tumaro drom. Kek krell tumenge tchilatchepen!”