Bičepangre 15:24 - O Debleskro Drom 2021 (Sinte)

²⁴ Mer shunam, te wan menshe mendar pash tumende, un kran tumen dineles, jaake te lan tumer traash. Djinenn, kolen bitchram mer gar pash tumende.

O Debleskro Lab 2024 (Sinte-Manouche)

²⁴ Mer shounam, te van menshe mendar pash t'mende, oun kran t'men dineles, yaake te lan t'mer traash. Djinenn, kolen bičram mer gar pash t'mende.

Bičepangre 15:24 Referans Kwoze

Galatarja 5:12

Kolla, kai krenn tumen dineles, kamaus, te tchinenn pen le paash!

Galatarja 5:10

Me prindjrau tumen mishto un patsau, kai shunenn ap mande, un o Jesus Kristo anell tumen pale ap o tchatcho drom. Kowa, kai anas tumen o tchatcho dromestar tele, kowa lell peskri phagi. Hi jek, koon job ninna hi.

Bičepangre 15:1

Koi wan mursha dran o them Judea an o foro Antiochia tele, un penan kol patslenge, kai kek bibolde hi: “Tumer hunte mukenn tumen ap o mass te tchinell, har o Mose kowa an peskre lila tchinas. Te mukenn tumen gar ap o mass te tchinell, palle nai wenn tumer gar o Debleskre tchawe.”

Galatarja 1:7

Tchatchepah, dell kek wawar drom, te wenn tumer pash o Debleste! Kolla menshe kamenn tumen dinelo te krell. Jon rissrenn o tchatchepen pral o Jesus Kristeste trujel.

1. Johanni 2:19

Kolla wan mendar. Jon his gar tchatchepah mendar. Te wans jon mendar, atchans le pash mende. Un har jon penge djan, nai dikas hakeno, te his le gar mendar.

2. Timoteo 2:14

Pen lenge kowa pale te pale! De len trad glan o Debleste, te tchingrenn jon pen gar pral laba! Ko tchingepen hi tchi moldo, un krell o patsepen kolendar paash, kai kowa lauter shunenna.

Galatarja 5:4

Koon mank tumende djiwell pal o Moseskre laba, te well lo tchatcho glan o Debleste, kowa mukas o Jesus Kristes. Leskro kamlepen hi buder gar leske koi.

Jeremia 23:16

Kowa penell o baro Dewel, ko rai pral o bolepen un i phub: Ma shunenn ap i laba, hoi kol rakepangre penenn! Jon chochenn tumen, un rakrenn pral dikepen, hoi well dran lengre djia un gar o baro Deblestar.