Bičepangre 15:17 - O Debleskro Drom 2021 (Sinte)

¹⁷ Kowa krau, te putchenn lauter, kai pral atchan, pal mande. Ninna kolla, kai kek bibolde hi, denn man an-gole. Un jon wenn miro, un wenn mange koi.

O Debleskro Lab 2024 (Sinte-Manouche)

¹⁷ Kova krau, te poučenn lauter, kay pral ačan, pal mande. Ninna kolla, kay kek bibolde hi, denn man an-gole. Oun yon venn miro, oun venn mange koy.

Bičepangre 15:17 Referans Kwoze

Zakarie 2:11

Stenn pre, tumer menshe dran Zion, kai djiwenn an o them Babilonia, nashenn tumenge!”

Jesaja 65:1

O baro Dewel penell: Me homs koi, te rodenn le man. Un jon putchan gar pal mande. Me homs koi, te hatsenn le man. Un jon rodan man gar. Me penom: Kate hom! Kate hom! ap menshende, kai man gar an-gole dan.

Hosea 2:23

An ko tsiro, penell o baro Dewel, kamau te shunell: Me shunau, hoi o bolepen mandar mangell, un o bolepen shunell, hoi i phub lestar mangell.

Maleachi 1:11

O baro Dewel, ko rai pral o bolepen un i phub, penell: Fun kotar, kai o kham pre djala, bis kote kai o kham tele djal, well miro lab sharedo pash kolende an i wawar themma. An bud gaba un forja chatchrenn le mange sungepaskro koowa un viechen, hoi hi latcho an mire jaka. Kolla lauter sharenn miro lab.

Jeremia 16:19

Baro Dewel, tu deh man soor un deh garda ap mande. Pash tute nai wau me un khatrau man an i bibacht. Dran i tsele themma ap i phub wenn i menshe pash tute, un penenn: Kol debla mare phurendar hi lauter chochepen, tchi-moldo hi le, un nai wenn gar ap mari rig.

Jesaja 43:7

Halauter te wenn khere, kai miro labeha kharedo wenn, kolen mange krom, te well miro lab baro, kolendar i natsjona krom, hoi miro hi.

Jeremia 14:9

Hoske kreh tu, har te djinals gar, hoi te kress, har te wals i kurepaskro kek sorjah? Tchatchepah, baro Dewel, tu hal pash mende. Mer ham tire menshe. Ma muk men!

Jesaja 11:10

Ap ko diwes well i mursh dran o Davideskro kheer, har i tikno ruk dran i draba i tele-dino rukestar, un well i sikepen i tsele menshenge ap i phub. Menshe dran wawar themma putchenn pal leste. Un leskro foro, kai job djiwell, well pherdo railepen.

1. Mose 49:10

Hako tsiro well o baro rai dran o kheer Juda, un jek leskre menshendar rikrell o rajeskro kasht an o wast jaake rah, bis te well kowa, kai tchatchepah o baro rai hi. Ap koleste shunenn i natsjone ap i phub.

1. Mose 22:18

Tu kral, hoi me tuke penom. Doleske djal koi bacht, hoi dau tire menshende, dureder ap i tsele natsjone, kai ap i phub hi.”

Micha 5:7

Kolla, kai atchan pral o Jakobeskre menshendar, hi i menshenge an i wawar themma har i lewo mank i wawar viechende an o weesh, har i terno lewo mank i bakre. Job perell pral lende, marell len un dandrell len khetne. Un kek nai rikrell les pale.

Amos 9:12

Un jaake lenn i Israelitarja pale dren, hoi pral atchas o themestar Edom un kol wawar themendar, kolendar kai his mange, har o David lengro baro rai his. Kowa penell o baro Dewel, kai krella, te well kowa jaake.

Daniel 9:19

Ach rai, shun! Ach rai, le mari doosh krik! Ach rai, shun un kre tchomone! Kre les sik! Gar menge, tuke kre les, miro Dewel! Tiro foro un tire menshe wenn pal tiro lab kharedo.

4. Mose 24:23

Un job rakras pale un penas kal laba: “Koon atchell djido ap ko tsiro, kai krell o Dewel kowa?

4. Mose 6:27

Tumer te rakrenn jaake miro lab pral i Israelitarja win, dau me len bacht un soor.”

1. Mose 48:16

ko bolepaskro, kai las man win dran hako tchilatchepen, kowa mu tchiwell peskri bacht un soor ap kol tchawende, te djiwell miro lab dureder an lende, ninna o lab miro papestar Abraham un miro dadestar Isaak. Un lendar wenna bud menshe ap i phub.

5. Mose 28:10

Palle dikenn le an i tsele themma ap i phub, te han o baro Debleskre wi-rodede menshe, un jon darenn tumendar.

Jesaja 63:19

Un mer wam har sawe, pral kolende tu an kek tsiro o rai hals, un pral kolende tiro lab gar win gole dino was.

Jakobo 2:7

Un pral koleste, koon tumaro rai hi, rakrenn le djungeles.