Bičepangre 12:9 - O Debleskro Drom 2021 (Sinte)

⁹ Un o Petro djas leha dran o stilepen win. Job djinas gar, kai kowa lauter tchatchepen hi. Job patsas, te dell lo suni.

O Debleskro Lab 2024 (Sinte-Manouche)

⁹ Oun o Petro djas leha dran o stilepen vin. Yob djinas gar, kay kova lauter čačepen hi. Yob patsas, te dell lo souni.

Bičepangre 12:9 Referans Kwoze

Debleskri gili 126:1

I gili te giwell ap o drom an Jerusalem. Har anas men o baro Dewel pale pash i berga Zion, hams mer har sawe, hoi suni denna.

Hebrearja 11:8

Ninna o Abraham patsas, hoi o Dewel penas. Har job leske penas: Dja an ko them, hoi me dau tute un tire tchawende, koi shunas o Abraham ap leste, un djas dran peskro them win, un djinas gar, kai job djala.

Bičepangre 26:19

Doleske krom kowa, baro Agrippa, hoi ko rakepen dran o bolepen mange penas.

Bičepangre 10:3

His i diwes. His trinenge. Koi dikas ko mursh i Debleskro bolepaskres, har kowa pash leste dren was. Ko bolepaskro penas ap leste: “Kornelio!”

1. Mose 45:26

Un jon penan ap leste: “O Josef djiwella. Un job hi o rai pral o tselo them Egiptia.” Koi atchas leskro dji tardo. Un job patsas len gar.

Bičepangre 11:5

“Me homs an o foro Joppe,” penas job, “un mangom o Debles an. Koi mukas o Dewel man tchomone te dikell. Me dikom tchomone har i bari plachta. Koja was ap star rigja rikedo, un was tele dran o bolepen pash mande.

Bičepangre 10:17

O Petro haiwas gar, hoske job kowa dikas, un putchas pestar, hoi kamas o Dewel leske te penell. Koi his i mursha, kai o Kornelio pal o Simoneskro kheer bitchras, glan o wudar tardo.

Bičepangre 9:10

An o foro Damaskus his i patslo mursh. Kowa kharas Anania. Kolestar mukas pes o rai Jesus an i suni te dikell. Un job penas: “Anania!” Un o Anania penas: “Ake, hom, mo rai.”

Johanni 2:5

Leskri dai penas ap i budepangre: “Krenn kowa, hoi job tumenge penella!”

1. Mose 6:22

Un o Noah kras lauter jaake, har o Dewel leske penas.

Bičepangre 12:8

Un ko bolepaskro penas ap leste: “Tchip tiri dori trul tiro ripen, un rib tire kircha, un tchip tiri plaashka trul tute, un am mantsa!” Un job kras kowa.