Bičepangre 12:17 - O Debleskro Drom 2021 (Sinte)

¹⁷ I wastentsa sikras lo len, te denn le kek gole, un penas lenge, har o rai Jesus les dran o stilepen win las. Un ninna penas o Petro lenge: “Penenn kowa o Jakobeske, un kol wawar phralenge!” Palle djas job win, un djas peske an i wawar foro.

O Debleskro Lab 2024 (Sinte-Manouche)

¹⁷ I vastentsa sikras lo len, te denn le kek gole, oun penas lenge, har o ray Yezous les dran o stilepen vin las. Oun ninna penas o Petro lenge: “Penenn kova o Yakobeske, oun kol vavar phralenge!” Palle djas yob vin, oun djas peske an i vavar foro.

Bičepangre 12:17 Referans Kwoze

Bičepangre 21:40

Un o pralstuno lurdo penas ap o Pauleste: “Palle rake!” O Paulo his tardo pral glan o kheer un hadas peskro wast, te wenn le pokones. Har jon buder gar gole dan, rakras job lentsa ap hebretikes.

Bičepangre 19:33

Mashkral lende his menshe, kolla djan pash o Alexandro, un penan leske, hoske i menshe jaake diwjo hi. Un i bibolde mangan lestar, te rakrell job ap halauterende. Job hadas i wasta pre, te sikrell lo len, kai job kamas te rakrell lentsa.

Bičepangre 13:16

Koi stas o Paulo pre, hadas o wast, te atchenn jon pokones, un job penas: “Murshale dran Israel, un ninna tumer tsele wawar, kai mangenn o Debles an, shunenn, hoi me tumenge penau!

Bičepangre 21:18

O wawar diwes djas o Paulo mentsa pash o Jakobeste. Un i tsele phureder mank i patslende wan kote.

Bičepangre 15:13

Pal lengro rakepen stas o Jakobo pre, un penas: “Mire phrala, shunenn, hoi kamau te penap!

Galatarja 2:9

Kol pralstune mank i patslende his o Jakobo, un o Kefas, un o Johanni. Har jon haiwan, kai o Dewel mange latcho hi un man koi budi das, dan jon man un o Barnabas o tchatcho wast, te dikenn halauter, kai ham mer phrala. Mer kram win, te djas mer pash kolende, kai kek bibolde hi, un jon te djan pash i biboldende.

Galatarja 1:19

Kol wawar bitchepangren, kai o Jesus Kristo glan mande pash i menshende bitchras, kolendar dikom me kekes kote har o Jakobo kokres, o Jesuseskro phraal.

1. Korintarja 15:7

Pal lende dikas les ninna o Jakobo, un palle ninna i tsele wawar bitchepangre.

Johanni 11:54

Doleske mukas pes o Jesus buder gar te dikell pash i biboldende. Job djas an ko foro, kai kharas Efrajim. Kowa his pash o mulo them. Koi atchas job peskre malentsa.

Johanni 8:59

Koi hadan jon barra pre, te witsrenn le kolla ap leste. Un job khatras pes, un djas dran o Debleskro baro kheer win.

Mateo 10:23

Te lenn le tumen an jek foro palla, palle nashenn an i wawar foro! Tchatchepah, me penau tumenge, tumer wenna gar an hako foro an o them Israel jaake rah har o Mensheskro Tchawo gar pale was.

Jakobo 1:1

Kau liil tchinau me, o Jakobo, kowa, kai budrell o Jesus Kristeske un o Debleske. Me penau latche laba kolenge, kai patsenn ap o Jesus Kristeste un djiwenn mashkral kolende, kai gar patslo hi.

Bičepangre 16:40

Un o Paulo un o Silas djan pale an o kheer, kai i Lydia djiwell. Un har jon kote pengre phralen dikan, penan jon lenge: “Ma darenn! Atchenn o Debleha!” Palle djan jon dran ko foro win.

Johanni 13:24

Lestar mangas o Simon Petro te putchell lo o Jesusestar, koon kowa hi, kai phukrell ap leste.

Johanni 10:40

Un job djas pale ap i wawar rig o panjestar Jordan un atchas kote, kai o Johanni i menshen taufras.

Johanni 7:1

Pal kowa djas o Jesus an o them Galilea trujel. Job kamas gar an o them Judea te djal. I pralstune bibolde kote kaman les te marell.

Louka 1:22

Un har job kote win was, nai rakras lo buder gar. Job hadas peskro wast, te sikrell lo lende, te nai rakrell job buder gar. Koi pre dikan i menshe, kai o Dewel rakras leha an o Debleskro baro kheer.

Debleskri gili 146:7

un kolen pengro tchatchepen dell, kai tele rikedo wenn. Kolen, kai bokenn, dell lo te chal. O baro Dewel hi kowa, kai i stilde win lell dran o stilepen.

Debleskri gili 66:16

Awenn un shunenn, tumer lauter, kai ap o Debleste patsenna, te penap tumenge, hoi job mange kras.

Markus 6:3

“Hi kowa gar ko mursh, kai budrell i kashtentsa? Hi leskri dai gar i Maria? Hi leskre phrala gar o Jakobo, o Josef, o Simon, un o Judas? Un ninna leskre phenja djiwenn pash mende.” Un jon choiran pen pral leste.

Bičepangre 1:15

An kolla diwessa wan bud patsle khetne, sheel-te-biish menshe. Mashkral lende stas o Petro pre un penas:

Bičepangre 12:16

O Petro mukas gar tele, te dell lo ap o wudar. Har jon kanna pre kran, dikan jon les. Koi atchas lenge o mui pre.

Bičepangre 12:18

Taissarlake dikan i lurde, kai his o Petro buder gar an o stilepen un putchan pendar, hoi leha djas. Un i bari daar was ap lende.

Bičepangre 28:15

Un har kol patsle an o foro Rom shunan, te wah mer, djan le dran o foro win, te tapran le men mashkral i forja Forum Appii un Tres-Tabernae. Har o Paulo len dikas, parkras lo pes pash o Debleste, un las newi soor.