Bičepangre 1:8 - O Debleskro Drom 2021 (Sinte)

⁸ Ap tumende well o Debleskro Ducho un dell tumen i bari soor. Palle rakrenn tumer mandar an o foro Jerusalem, un an o tselo them Judea, un an o them Samaria, un ap i tseli phub.”

O Debleskro Lab 2024 (Sinte-Manouche)

⁸ Ap t'mende vell o Debleskro Dourho oun dell t'men i bari zoor. Palle rakrenn t'mer mandar an o foro Yerusalem, oun an o tselo them Youdea, oun an o them Samaria, oun ap i tseli phoub.”

Bičepangre 1:8 Referans Kwoze

Mateo 28:19

Doleske djan pash i menshende an hake themma, un penenn lenge mire laba, te patsenn le ap mande! Taufrenn len ap o lab o dadestar, o tchawestar un o Debleskro Ducho!

Markus 16:15

Un job penas ap lende: “Djan pash i tsele menshende ap i phub un sikrenn hakeneste miro drom!”

Remarja 15:19

Un job sikras peskri soor, har kras o Debleskro Ducho baro koowa, hoi kek wawar nai krella. Jaake penom o latcho lab o Jesus Kristestar an o tselo them trul o foro Jerusalem bis an o them Illirikum.

Bičepangre 5:32

Kowa dikam mer un penah nai tumenge, un o Debleskro Ducho ninna. Koles dell o Dewel kolende, kai shunenn ap leste.”

Bičepangre 4:33

Bari sorjah penan o Jesuseskre bitchepangre i menshenge, kai o Jesus i mulendar pre stas, un i menshe haiwan o Debleskro latchepen.

Bičepangre 6:8

O Stefano his i mursh pherdo Debleskro latchepen un Debleskri soor. Job kras bud baro un sorelo koowa an o Debleskri soor mank i biboldende.

Remarja 10:18

Kanna putchau tumendar: Shunan i bibolde ko lab gar? Awa! Jon shunan kowa lauter. Jaake hi tchinlo an o Debleskro lab: Ap i tseli phub shunan le ko rakepen. An i tsele themma was ko lab penlo.

Johanni 15:27

Ninna tumer, kai hans o tselo tsiro pash mande, penenn i menshenge mandar, hoi tumer dikan un shunan.”

Louka 10:19

Shunenn: Me dom tumen i soor pral o bengeskri tseli soor. Tumer stakrenna ap i sapa un ap i skorpione. Un kek nai dukrell tumen.

Bičepangre 1:5

Har o Johanni taufras tumen, tchiwas lo tumen an o pani. O Dewel tchiwell o Debleskro Ducho ap tumende. Un o tsiro well sik, kai kowa wella.”

Mateo 24:14

Ap i tseli phub well i menshenge ko latcho lab penlo, kai o Dewel kamell len dran o tchilatchepen te lell un kamell lengro rai te well. I menshe an hake themma hunte shunenn ko lab. Un palle well ko tsiro, kai hi o Dewel o rai pral lauterende.

Bičepangre 2:32

Kau Jesuses mukas o Dewel i mulendar pre te stell. Kowa djinah mer. Mer halauter dikam les djido.

Zakarie 4:6

“Kol efta momlia hi o baro Debleskre jaka, hoi lauter dikenn, hoi ap i phub djala.”

Bičepangre 22:15

Tu hunte rakress lestar glan i tsele menshende un peness, hoi tu dikal un shunal.

Micha 3:8

Man hi i bari soor. O baro Dewel tchiwas peskro ducho an mande. un kras miro dji pherdi soor, te rakrap o tchatchepen win, te penap o Jakobeskre tchawenge pengri doosh, awa, te sikrap i Israelenge kai le o Debleskro dromestar tele djan.

Debleskri gili 22:27

Mu chan i tchorwele un wenn tchalo! Un kolla, kai ap o baro Debleste gole denna, mu sharenn les! Lenge te well i djipen, hoi gar pre-herella!

Bičepangre 13:31

O Jesus mukas pes bud kope peskre malendar te dikell. Jon hi kolla, kai pash leste an o them Galilea his, un leha khetne an o foro Jerusalem wan. Kolla dikan, kai job pale djido was, un penenn kowa kanna i menshenge.

Louka 1:35

O bolepaskro penas ap late: “O Debleskro Ducho un leskri soor well pral tute. Doleske well o ternepen o Deblestar un well Debleskro tchawo kharedo.

Bičepangre 3:15

Ko rajes, kai o djipen della, maran tumer. Koles mukas o Dewel i mulendar pre te stell. Kowa djinah mer, mer dikam les.

Jesaja 52:10

Glan i jaka i menshendar an i tsele themma sikrell o baro Dewel peskri soor, kolah job peskre menshen win lell dran o pandepen. Ap i tseli phub dikenn le, har maro Dewel peskre menshen khere anell.

Kolossarja 1:23

Jek koowa hunte krenn tumer: Atchenn ap o Jesuseskro drom! Patsenn soreles ap leste! Mukenn gar tele, te dikenn ap kowa, hoi tumen hi pash o Debleste! Rikrenn soreles ap leskro latcho lab, hoi tumenge penlo was! Ko lab was penlo ap i tseli phub. Ninna me, o Paulo, hunte penap ko lab i menshenge. Kowa hi miri budi.

Bičepangre 1:22

ko tsirestar, kai mukas job pes o Johannestar te taufrell, bis ap ko diwes, kai was lo mendar an o bolepen lino. Kau mursh hunte penell mentsa khetne i menshenge, kai o Jesus i mulendar pre stas.

Jesaja 66:19

Un me tchiwau i sikepen pre mank lende. Un kolendar, kai djides atchan, bitchrau me pash i menshende an themma Tarsis, Put un Lud, Meshech, Rosh, Tubal, Jawan un pash kolende dur wergel o baro pani, kai mandar gomme tchi shunan, un miro railepen gomme gar dikan. Un mire bitchepangre penenn kol menshenge, har railo me hom.

Jesaja 49:6

Job penas: Kowa hi gar doha, te hal miro budepaskro, te tchiwess o them Israel pale pre, un aness kolen pale pash mande, kai o Jakobeskre tchawendar pral atchan. Na-a, me krau ninna, te wess i momeli i tsele natsjonenge, hoi sikrell halauterenge ap i phub, kai lau len dran o tchilatchepen win.

Bičepangre 8:1

His mishto an o Sauleskre jaka, te maran le les. Pal ko diwes lan le i patslen soreles palla an o foro Jerusalem. Un i patsle nashan an o them Judea un an o them Samaria. I Jesuseskre bitchepangre atchan an o foro Jerusalem.

Jesaja 42:10

Giwenn o baro Debleske i newi gili! Sharenn les ap i tseli phub bis an i palstune themma! Sharenn les, tumer, kai ap o baro pani ulerenn, un tumer lauter, kai an o baro pani djiwenn! Ninna tumer, kai an o panjeskre themma djiwenn, sharenn les!

Debleskri gili 98:3

Job bistras gar peskro latchepen o khereske Israel, un rikrell peskro lab, hoi das lo lende. I tseli phub dikas, har las lo len win dran o tchilatchepen.

Louka 24:29

Jon rikran les pale, un penan ap leste: “Atch pash mende! I rati wella, un well tamlo.” Koi djas job lentsa an o kheer,

Jeremia 16:19

Baro Dewel, tu deh man soor un deh garda ap mande. Pash tute nai wau me un khatrau man an i bibacht. Dran i tsele themma ap i phub wenn i menshe pash tute, un penenn: Kol debla mare phurendar hi lauter chochepen, tchi-moldo hi le, un nai wenn gar ap mari rig.