Bičepangre 1:14 - O Debleskro Drom 2021 (Sinte)

¹⁴ Kalen lauteren his jek dji un jek djipen un mangan o Debles an. Pash lende his ninna djuwja, un i Maria, o Jesuseskri dai, un o Jesuseskre phrala.

O Debleskro Lab 2024 (Sinte-Manouche)

¹⁴ Kalen lauteren his yek dji oun yek djipen oun mangan o Debles an. Pash lende his ninna djouvya, oun i Maria, o Yezouseskri day, oun o Yezouseskre phrala.

Bičepangre 1:14 Referans Kwoze

Efesarja 6:18

Rakrenn hako tsiro o Debleha! Mangenn lestar kowa, hoi o Debleskro Ducho an tumare djia tchiwella! Ma mukenn tele te mangell les i tsele patslenge!

Bičepangre 6:4

Mer kamah o Debles an-mangell, un i menshenge o Debleskro lab te penell.”

Kolossarja 4:2

Ma mukenn tele, te mangenn o Debles! Parkrenn tumen hako tsiro pash leste!

Bičepangre 2:42

Un hako tsiro wan le khetne un shunan, hoi o Jesuseskre bitchepangre lenge penan. Un jon chan o maro khetne, un mangan o Debles an.

Remarja 12:12

Awenn bachtele un dikenn ap o latchepen, hoi ap tumende wella an ko tsiro, hoi wella! Te well tumaro djipen pharo, rikrenn win! Mangenn o Debles hako tsiro!

Louka 18:1

Un o Jesus penas lenge laba, kai i khatedo tchatchepen dren hi, te sikrell lo len, te hunte mangenn le o Debles hako tsiro, un te hunte mukenn le gar tele, te denn le les gole. Un job penas:

Mateo 21:22

Te patsenn tumer, te lenn kowa, hoi mangenna o Deblestar, palle lenn tumer kowa lauter ninna.”

Bičepangre 2:1

Ap i biboldengro baro diwes, hoi kharella Fingsta his jon lauter an jek kheer khetne.

Louka 11:13

Ninna te han tumer tchilatche menshe, denn tumer tumare tchawen latcho koowa. Har bud budeder dell tumaro dad an o bolepen peskro Ducho kolende, kai les mangenna.”

Bičepangre 2:46

Hako diwes wan le khetne an o Debleskro baro kheer. Jon chan o maro khetne an i khera. Un jon his bachtelo, te dan jon nai i phralen ninna te chal. Kowa kran le o djijestar.

Louka 24:53

Un hako tsiro djan le an o Debleskro baro kheer, un sharan o Debles.

Mateo 12:46

Un har job kowa kol menshenge penas, kai trul leste tardo his, koi was leskri dai un leskre phrala. Jon his win tardo, un kaman leha te rakrell.

Louka 24:10

Kol djuwja his i Maria Magdalena, i Joanna un i Maria, ko Jakobeskri dai un wawar.

Louka 23:55

Kol djuwja, kai wan o Jesuseha dran o them Galilea, kolla djan o Josefeske palla, un dikan, har tchiwas lo o mulo Jesuses an i mulengro kheer.

Louka 23:49

Un o Jesuseskre mala un kol djuwja, kai wan leha dran o them Galilea, kolla his i kotar krik tardo un dikan kowa lauter.

Markus 16:1

Har o Debleskro diwes trujel his, djan i Maria dran Magdala un i Maria, koi dai o Jakobestar, un i Salome un ginan djet, hoi sungella mishto, te makenn le les dren.

Markus 15:40

His ninna djuwja i kotar krik tardo, kai dikan kowa lauter. Mashkral lende his i Maria dran o gab Magdala, i Salome un i Maria, kolakre tchawe o tikno Jakobo un o Joses hi.

Mateo 27:55

Bud djuwja his i kotar krik tardo un dikan kowa lauter. Kolla wan o Jesuseha dran o them Galilea, te denn le les chapen un pipen.

Louka 24:33

Un jon stan pre, un jaake sik har djala, djan le pale an o foro Jerusalem. Kote his kol deesh-te-jek un kol wawar o Jesuseskre malendar khetne.

Louka 8:20

Koi penas jek ap leste: “Tiri dai un tire phrala hi win tardo, un kamenn tut te dikell.”

1. Korintarja 14:13

Hi jaake: Koon an i rakepen rakrella, hoi das les o Debleskro Ducho, kowa hunte mangell o Deblestar, te nai penell lo i menshenge kowa, hoi koi rakedo was.