Bičepangre 1:11 - O Debleskro Drom 2021 (Sinte)

¹¹ Kolla penan: “Murshale dran o them Galilea, hoske han tumer koi tardo, un dikenn an o bolepen? Kau Jesus, kai djas tumendar krik an o bolepen, kowa well jaake dran o bolepen pale, har dikan tumer les an o bolepen te djal.”

O Debleskro Lab 2024 (Sinte-Manouche)

¹¹ Kolla penan: “Morshale dran o them Galilea, hoske han t'mer koy tardo, oun dikenn an o bolepen? Kava Yezous, kay djas t'mendar krik an o bolepen, kova vell yaake dran o bolepen pale, har dikan t'mer les an o bolepen te djal.”

Bičepangre 1:11 Referans Kwoze

Debleskro tsiro 1:7

Dikenn, job wella dran o bolepen, un hakeno dikell les, ninna kolla, kai les ap o trushel dan. Un an hake themma rowenn le pral leste, un penenn le: “Patsams mer ap leste!” Awa, jaake hunte well kowa. Amen.

1. Tessalonikarja 4:16

Ap ko diwes, kai well maro rai Jesus tele dran o bolepen, shunah, har jek gole della. O Debleskro pralstuno bolepaskro dell bari gole, un jek phurdell an o Debleskri bashepaskri. Palle stenn kol mule pre, kai patsan ap o Jesus Kristeste.

Markus 13:26

Palle dikenn le o Menshengro Tchawes, har well lo an i wolke bari sorjah un railepen.

Johanni 14:3

Un te krom halauter jaake, te nai tserdenn dren, wau me pale, un lau tumen pash mande, te wenn tumer kote, kai me hom.

Mateo 25:31

Un o Jesus penas: Ap ko diwes, kai well o Mensheskro Tchawo an peskro tselo railepen, un leha wenna i tsele bolepangre, palle hi lo o rai pral halauter, un rakrell o tchatchepen win pral i tsele menshende ap i phub.

Mateo 24:30

Palle dikenn le o Menshengro Tchawes, har job dran o bolepen wella. An hake themma dikenn le les, har job wella ap i wolke bari sorjah un railepen. Un jon rowenna un penenna: Patsams mer ap leste!

Mateo 16:27

Me hom o Mensheskro Tchawo. Un me wau pale ap i phub an o railepen, hoi das man miro dad an o bolepen. Un mantsa wenna mire bolepangre. Un palle dikau ap hakeneste, hoi job kras. Un me dau latcho koowa kolen, kai latcho koowa kran. Un me dau i phagi kolen, kai tchilatcho koowa kran.

1. Tessalonikarja 1:10

Tumer dikenn ap ko diwes, kai well o Debleskro tchawo dran o bolepen pale. Kowa hi o Jesus, koles kras o Dewel i mulendar djido. Job lell men dran o Debleskri choli win, hoi pral i menshende wella.

Louka 21:27

Un palle dikenn i tsele menshe o Menshengro Tchawes, har well lo ap i wolka bari sorjah un railepen.

Bičepangre 13:31

O Jesus mukas pes bud kope peskre malendar te dikell. Jon hi kolla, kai pash leste an o them Galilea his, un leha khetne an o foro Jerusalem wan. Kolla dikan, kai job pale djido was, un penenn kowa kanna i menshenge.

Louka 24:5

Un i traash was ap i djuwjende. Un darjatar dikan le ap i phub. Kol dui mursha penan ap lende: “Hoske rodenn tumer kol djides pash i mulende?

Bičepangre 3:12

Har o Petro kolen dikas, penas lo ap lende: “Murshale dran Israel, hoske krenn tumer sawe bare jaka, un dikenn ap mende? Kowa kras gar mari soor, witar gar maro patsepen, te nai nashell kawa mursh.

Bičepangre 2:7

“Kowa dell gar!” dan i bibolde gole. “Kolla, kai rakrenn kote, hi dran o them Galilea.

Markus 14:70

Un job penas pale: “Na-a, me hom kek lendar!” Pal i tikno tsiro penan kolla, kai kote tardo hi, pale ap o Petreste: “Tchatchepah, tu hal ninna jek kolendar. Tu hal dran o them Galilea.”

Mateo 16:28

Tchatchepah, me penau tumenge: Mashkral tumende hi sawe menshe, kai merenn gar, bis te dikenn le o Menshengro Tchawes, har job o baro rai hi.

Markus 16:19

Har o rai Jesus jaake lentsa rakras, was lo pral an o bolepen hadedo, un beshas pes ap o Debleskri tchatchi rig.

Bičepangre 1:2

jaake rah har job gomme gar an o bolepen djas. Glan kowa, kai djas lo an o bolepen, rakras lo kolentsa, kolen job win rodas, te wenn le leskre bitchepangre, un penas lenge an i soor, hoi das les o Debleskro Ducho, hoi jon hunte krenna.

Bičepangre 1:9

Har job kowa penas, was job glan lengre jaka an o bolepen hadedo, un i wolka las les pre.

Bičepangre 1:22

ko tsirestar, kai mukas job pes o Johannestar te taufrell, bis ap ko diwes, kai was lo mendar an o bolepen lino. Kau mursh hunte penell mentsa khetne i menshenge, kai o Jesus i mulendar pre stas.

Bičepangre 3:21

Job atchell an o bolepen jaake rah, bis te well ko tsiro, kai wella lauter newes kerdo. Kowa penan menge o Debleskre rakepangre glan i rah tsiro. O Dewel penas les lenge.

Hebrearja 9:28

jaake hunte meras o Jesus Kristo jek kopo i menshenge, te lell lo i doosh bud lendar ap peste. Ap ko tsiro, kai well lo i duito kopo, well lo gar, te lell lo i doosh i menshendar krik. Na-a. Palle well lo kolenge, kai tchiwan pengro dji ap leste, te lell lo len pash peste, un te dell lo len lauter kowa, hoi hi lenge an o bolepen.