Amos 9:1 - O Debleskro Drom 2021 (Sinte)

¹ Me dikom o Debles, maro rajes, tardo pash i chatchepaskri an peskro kheer. Un job penas: De ap o pralstuno kotar kol barrendar, kai hidjrenn miro kheer! De jaake soreles, te trissenn ninna i telstune barra, un o tselo kheer an kotja perella, un muk len te perell ap i sherja kal menshendar. Un hoi lendar pral atchell, kamau te marell o chareha. Kek nai nashell peske. Kek atchell djido.

O Debleskro Lab 2024 (Sinte-Manouche)

¹ Me dikom o Debles, maro rayes, tardo pash i rhačepaskri an peskro kheer. Oun yob penas: De ap o pralstouno kotar kol barrendar, kay hidjrenn miro kheer! De yaake zoreles, te trissenn ninna i telstoune barra, oun o tselo kheer an kotya perella, oun mouk len te perell ap i sherya kal menshendar. Oun hoy lendar pral ačell, kamau te marell o rhareha. Kek nay nashell peske. Kek ačell djido.

Amos 9:1 Referans Kwoze

Debleskri gili 68:21

Men hi i Dewel, kai menge koi hi. Job hi o baro Dewel, maro rai, kai lell men win dran o merepen.

Debleskro tsiro 1:17

Un har dikom les, perom glan leskre herja khetne, har woms mulo. Un job tchiwas peskro tchatcho wast ap mande, un penas: “Ma dare! Mandar was halauter. Un lauter wella pale glan mande.

Johanni 1:18

Kek mensho dikas o Debles. O Debleskro tchawo kokres sikras men, koon o Dewel hi. Job hi jek o Debleha.

Habakuk 3:13

Tu djal win, te wess ap i rig tire menshenge, un o rajeske, koles tu win rodal. I dacha ap o kheer o tchilatchestar dal tu khetne. Un leskro kheer rissral trujel bis ap i telstune barra.

Amos 3:14

Ap ko diwes, kai dau i Israelenge i phagi lengro tchilatchepaske, dau me i chatchepangre an Betel paash. Lengre shinga wenn tele phagedo, un perenn ap i phub.

Jesaja 6:1

An ko bersh. kai o baro rai Usija meras, kote dikom me o Debles, maro rajes, beshdo ap i bari raili beshepaskri. Un o Debleskro kheer his pherdo ko telstuno kotar leskri plaashka.

Johanni 1:32

Un o Johanni penas: “Tchatchepah, me dikom o Debleskro Ducho har i parno tchirklo, kai was dran o bolepen pral tele, un atchas ap leste.

Zefanja 2:14

Bud vieche djiwenn koi dren, ninna diwje vieche hi kote khere. Ratsjakre tchirkle djiwenn mank i tele phagede turme. O muleskro tchirklo dell gole dran i wochni. Un o korako dell gole glan o wudar. Ko shukar kasht i kherendar hi tele phagedo.

Ezekiel 10:4

Un o baro Debleskro railepen, hoi his pral kol bolepangren, hadas pes fun kotar, un djas pash o kheer, kote kai o wudar hi. Un o tselo kheer was pherdo fun koi wolka, un i glanstuni platsa his pherdo o baro Debleskro railepen.

Ezekiel 9:2

Koi wan shob mursha ap o drom, kai was kotar, kai o pralstuno baro wudar hi, ap i nordetikri rig o baro Debleskro kherestar. Un hakenes his tchomone an o wast, koleha job nai marell. Un pash lende his jek, koleskre koola his dran laintikro than. Ap leskro pereskri dori his i tchinepaskri pandlo, koleha job nai laba pre tchinell. Un jon wan un atchan pash i sasterni chatchepaskri tardo.

Ezekiel 1:28

har i brishineskro bogo, hoi well diklo ap o bolepen pal i brishin. Jaake sikras pes o baro Dewel an peskro railepen mange. Un har les dikom, mukom man glan leste ap i phub te perell. Un me shunom jekes, kai rakras.

Jeremia 48:44

Kowa kai nashell peske glan koi bari traash, kowa perell an i cheb dren, un kowa kai nai stakrell dran i cheb win, kowa well i dorjentsa pandlo. Awa, ko bersh wella, kai dau i menshenge an o them Moab pengri phagi. Kowa penell o baro Dewel.

Jesaja 30:16

Tumer penenn: “Na-a, ap graja kamah sik te klissell. Mare graja hi sik naashepangre.” Awa, tumer nashenn sik tumenge. Un kolla, kai tumen palla lenn, nashenn gomme sikeder.

2. Familjakro liil 18:18

O Micha penas: “Shunenn, hoi o baro Dewel penell! Me dikom o baro Debles, har job beshdo his ap peskri beshepaskri. Un i tsele bolepangre his pash leste tardo ap leskri tchatchi rig un ap leskri serwi rig.

Bičepangre 26:13

Me homs ap o drom, baro Agrippa, har dikom mashkral o diwes i bari momeli dran o bolepen. Un koja was trul mande un trul kolende, kai pash mande his. Koi momeli his sorleder har o kham.

Debleskro tsiro 8:3

Un i wawar bolepaskro was, un djas pash o Debleskri chatchepaskri. Les his i sonakaskro tcharo an o wast, an koleste gudlo kasht chatchedo wella, hoi mishto sungella. Un ko bolepaskro las bud gudlo kasht, te chatchrell lo les ap o Debleskro sonakaskro bob, hoi glan o Debleskro beshepaskro tardo hi, te well o latcho sungepen khetne o mangepah, hoi o Debleskre tchawe o Deblestar mangan.

Debleskri gili 68:22

Kolenge, kai les gar kamenna, stakrell lo o shero dren, hake tchilatchenge, kai mukenn gar pengro tchilatchepen.

Jeremia 11:11

Doleske penell o baro Dewel: Me anau bibacht pral lende, kolatar nai nashenn le gar krik. Jon denn pal mande gole, un me kamau len gar te shunell.

Jeremia 42:16

palle taprell tumen o charo an o them Egiptia, glan koleste tumer tumen kanna trashenn. Un koi bok, glan kolate tumer tumen kanna darenn, lenn tumen palla an o them Egiptia. Un tumer merenn kote.

Ezekiel 15:7

Me dikau tchilatches ap lende, un dau len pengri phagi: Bis kanna wan le dran i jag win. Kanna well i jag pral lende, un chatchrenn len pre. Koi pre dikenn un haiwenn tumer, te hom me o baro Dewel.

Amos 7:17

Doleske penell o baro Dewel: Tiri romni well i lubni an o foro. Tire tchawe un tcha wenn maredo o chareha. Tiri phub lenn wawar menshe. Tu meress an i pale-tchiddo them. Un i Israelitarja wenn win tradedo dran lengro them.”

Zefanja 1:12

An ko tsiro wella jaake, kai lau i momeli un rodau an o foro Jerusalem lauter kolen, kai djiwenn i shukar djipen un djinenn kek daar, un kai penenn an pengre djia: O baro Dewel krell menge tchi, kek latchepen, witar kek tchilatchepen.

Josua 10:18

Koi penas o Josua: “Tchiwenn bare barra glan i grotta, te nai djal kek win. Un tchiwenn murshen glan late tardo, hoi ap late jak denn.

Amos 7:9

I mulne platse, kai mangan o Isaakeskre menshe chochene deblen an, kal platse wenna paash dino. Un kol khera, kai sharan i Israelitarja o Debles, wenn dino an kotja. Un me wau miro chareha pral o kheer Jerobeam.”