Amos 7:6 - O Debleskro Drom 2021 (Sinte)

⁶ Koi khaitas ninna kowa o baro Debles. Un o baro Dewel, maro rai, penas: “Kowa te well gar jaake!”

O Debleskro Lab 2024 (Sinte-Manouche)

⁶ Koy khaytas ninna kova o baro Debles. Oun o baro Devel, maro ray, penas: “Kova te vell gar yaake!”

Amos 7:6 Referans Kwoze

Jona 4:2

Kote rakras lo ap o baro Debleste un penas: “Ach, baro Dewel, kowa hi, hoi penom an ko tsiro, har khere homs. Doleske kamom sik an o them Tarsis krik te nashell. Me djinom, kai tu i latcho Dewel hal, un tut i baro dji hi. Tu weh gar sik chojedo. Un tiro latchepen hi baro. Un koi bibacht, kolah i menshen trad deh, khaitell tut pal kowa.

Jona 3:10

Har o Dewel dikas, hoi jon kran, har mukan le pengre tchilatche dromma, kote khaitas o Debles koi bibacht, hoi kamas lo pral lende te anell, un job kras les gar.

Amos 7:3

Koi khaitas kowa o baro Debles, un job penas: “Mishto, kowa well gar jaake!”

Jeremia 26:19

Har o Micha kowa glan-wi penas, mukas les o baro rai Hiskija un kol menshe an Juda te marell? Na-a! Jon lan o baro Debleskre laba ap o dji un mangan lestar, te marell lo len gar. Un o baro Dewel rikras pes pale un bitchras gar koi bibacht pral lende, kolatar job rakras. Un kanna, te marah mer o Jeremijes, anah i bari bibacht ap mende!”

Debleskri gili 135:14

O baro Dewel anell peskre menshenge o tchatchepen, un krell peskro dji pre peskre budepangre.

Debleskri gili 90:13

Baro Dewel, har rah kameh te choireh tut ap mende? Dik pale latches ap mende, tire budepangre!

Čačepangre 10:16

Un jon witsran kol wawar deblen pendar krik un mangan o baro Debles an. Koi khaitas les, te well o Israeleske jaake pharo kerdo.”

Čačepangre 2:18

Un te mukas o baro Dewel lenge tchatchepangre murshen pre te stell, palle his job ko tchatchepaskro mursheha, un las len win dran i tchilatche wasta. Les khaitas lengro ropen pral kolende, kai lenge o djipen phares kran. Jaake rah har ko tchatchepaskro rai djiwas, shunan le ap o baro Debleste.

1. Mose 6:7

Doleske penas o baro Dewel: “Me lau i tsele menshen, kai me krom, pale krik i phubjatar, ninna i viechen, i baren un i tiknen, un i tchirkle. Khaitell man, kai krom len.”

Debleskri gili 106:45

palle was an leskro shero, hoi kras lo lentsa win, te hi lo lengro Dewel. Un an peskro baro latchepen khaitan le les.

Jeremia 42:10

Te atchenn tumer an kau them, palle mukau me tumen pale bares te well, un me phagau tumen gar khetne; me krau tumen soreles, un tradau tumen gar win dran o them; man khaitell, kai hunte anom sawi bibacht pral tumende.

Joel 2:13

Tserdenn tumare djia an kotja un gar tumare ripja!” Un djan pale pash tumaro baro Debleste! Les hi i baro dji, pherdo kamlepen. Job well gar sik chojedo. Leskro latchepen hi baro. Un koi phagi, hoi kamas lo te dell, lell lo pale.

Amos 7:7

Un job mukas man pale te dikell: Job his tardo ap i massuri, an peskro wast i dori, kai i blaio pre-pandlo hi, te dikell lo, te hi i massuri gar bango.

2. Mose 32:14

Koi rikras pes o baro Dewel pale un mukas gar koi bari bibacht pral peskre menshende te well.

1. Familjakro liil 21:15

Un o Dewel bitchras ko bolepaskres an o foro Jerusalem, te marell lo len an o foro. Har was ko nasslepen koi, khaitas o baro Debles koi bibacht. Un job penas ap ko bolepaskro, kai anas o merepen pral i menshende: “Kanna hi doha! Le tiro wast lendar krik!” O Debleskro bolepaskro his tardo ap koi djobeskri platsa o murshestar Arauna. Kowa his i Jebusari.

Debleskri gili 78:38

Job kras lenge peskro dji pre, un maras len gar. Na-a, job las lendar i doosh tele. Bud kope rikras job peskri choli pale, un mukas gar peskri tseli choli ap lende te well.