Amos 7:14 - O Debleskro Drom 2021 (Sinte)

¹⁴ O Amos penas: “Me hom kek Debleskro rakepaskro, koles siklo was, har te rakrell lo o Debleskro lab, un kowa koleske plaissedo well. I bakrengro hom me, un faigetikre ruka hi man. Kolestar djiwau.

O Debleskro Lab 2024 (Sinte-Manouche)

¹⁴ O Amos penas: “Me hom kek Debleskro rakepaskro, koles siklo vas, har te rakrell lo o Debleskro lab, oun kova koleske playsedo vell. I bakrengro hom me, oun faygetikre rouka hi man. Kolestar djivau.

Amos 7:14 Referans Kwoze

Amos 1:1

Kawa hi, hoi sikras o Dewel o Amoseske pral o kheer Israel an ko tsiro, kai o Usija o baro rai his pral o them Juda. Un o Jerobeam, koleskro dad o Joash hi, his o baro rai pral Israel. His dui bersha glan ko tsiro, kai i phub soreles trissas un pre phagas. O Amos was dran o foro Tekoa un his jek kolendar, kai dan jak ap i bakrende.

Zakarie 13:5

Na-a, hakeno lendar penell: “Me hom kek Debleskro rakepaskro. Me hom i hacho. I budi ap i hachetikri phub hi miri budi fun tiknes pre.”

2. Rajengro liil 4:38

Har o Elisa pale an Gilgal was, his i menshen tchi te chal an ko them. Un har kol Debleskre rakepangre glan leste beshdo his, penas job ap peskro budepaskro: “Le i bari piri un kere lenge i summi chapaske.”

2. Rajengro liil 2:5

wan kol Debleskre rakepangre, kai kote djiwan, win pash o Elisa, un penan ap leste: “Djineh tu ninna, kai o baro Dewel kau diwes tiro rajes tutar krik lella?” Koi penas job: “Kowa djinau me. Atchenn!”

2. Familjakro liil 19:2

Un kote was leske o dikepaskro, o Jehu an o drom. Koleskro dad his o Hanani. Un o Jehu penas ap o baro rajeste Josafat: “Hoske wal tu o tchilatcho mursheske ap i rig, un wal i maal kolestar, kai kamas o baro Deblestar tchi te djinell? Doleske well i choli o baro Deblestar pral tute.

2. Rajengro liil 2:3

djan o Debleskre rakepangre, kai kote djiwan, win pash o Elisa, un penan ap leste: “Djineh tu ninna, kai o baro Dewel kau diwes tiro rajes tutar krik lella?” Koi penas job: “Kowa djinau me. Atchenn!”

1. Korintarja 1:27

O Dewel rodas kolen win, kai an i menshengre jaka gar gosewo hi, te dikenn i gosewe menshe, kai lengro goswepen tchi molella. Job rodas kolen win, kai hi len kek soor an i menshengre jaka, te dikenn i sorele, kai lengri soor tchi molella.

2. Familjakro liil 20:34

Un ko tselo wawar koowa, hoi pral o Josafat penepaske hi, kowa hi tchinlo an o liil, hoi tchinas o Jehu, koleskro dad o Hanani his, un was pre-lino an i familjakro liil i bare rajendar pral o them Israel.

2. Familjakro liil 16:7

An ko tsiro was o dikepaskro, o Hanani pash o Asa, ko rajeste pral Juda, un penas ap leste: “Tu rikral tut ap o baro rajeste pral o them Syria, un gar ap o baro Debleste, kai tiro Dewel hi. Doleske nai nashas peske o rai pral Syria peskre lurdentsa dran tiro wast.

2. Rajengro liil 6:1

Kol Debleskre rakepangre penan ap o Eliseste: “Dik, ko kheer, kai mer wah khetne, hi gar baro doha.

2. Rajengro liil 2:7

Har his le pash o Jordan tardo, wan paash-sheel Debleskre rakepangre koi un atchenn i kotar dur krik tardo.

1. Rajengro liil 20:35

Koi his Debleskre rakepangre, kai ap jek platsa khetne djiwan. Un jek lendar penas ap i wawareste: “O baro Dewel penas mange, te dess tu man.” Ko wawar kamas kowa gar te krell.

1. Samuel 10:11

Un har dikan kolla, kai les prindjran, har rakras job o Debleskro rakepen win khetne o Debleskre rakepangrentsa, koi putchan le pen: “Hoi djas o Sauleha, koleskro dad o Kish hi? Was job ninna o Debleskro rakepaskro?”

1. Rajengro liil 19:19

Un o Elija djas dureder un hatsas o Elisa, koleskro dad o Shafat hi. Un o Elisa budras ap i kotar phub. Glan leste djan deesh-te-jek budepangre, hakeno dui grumjentsa, kai hadan i phub trujel. Job kokres his o deesh-te-duito, kai djas glan dui grumja. Kote djas o Elija pash leste un witsras leske leskri plaashka trujel.

2. Rajengro liil 2:15

Un har dikan kowa kol Debleskre rakepangre, kai ap i wawar rig pash Jericho his, penan jon: “Koi soor o Elijestar hi ap o Elisa tchiddo.” Un jon djan pash leste un peran glan leste tele ap i phub.

Hiob 30:4

Kote rodan le pen o londo senlepen khetne mashkral i burra, un chan ninna i draba kol burrendar, hoi kharenn Ginster.

Amos 3:8

O lewo dell gole – kones hi kek daar? O baro Dewel, maro rai, rakrell, koon nai rikrell man pale, te penap leskre laba dureder?