Amos 7:1 - O Debleskro Drom 2021 (Sinte)

¹ O baro Dewel, maro rai, mukas man te dikell, har kras jek stepangre. Kowa his an ko tsiro, har o khass o duito kopo pre djas, pal kowa, har mukas o baro rai o khass o ersto kopo te tchinell.

O Debleskro Lab 2024 (Sinte-Manouche)

¹ O baro Devel, maro ray, moukas man te dikell, har kras yek stepangre. Kova his an ko tsiro, har o khass o douyto kopo pre djas, pal kova, har moukas o baro ray o khass o ersto kopo te činell.

Amos 7:1 Referans Kwoze

Joel 1:4

Bud bud stepangre wan pral o them un beshan pen ap o djob. Hoi mukan kolla pral, chan kolla, kai pal lende wan. Hoi kolla pral mukan, chan kolla, kai pal kolende wan. Hoi palle pral atchas, chan kolla, kai pal kolende wan.

Amos 8:1

O baro Dewel, maro rai, mukas man i korba te dikell, kai rukengre dren hi, kolenge o tsiro was, te wenn le tele tchinlo i rukendar.

Amos 4:9

Me bitchrom i tato phurdepen un i nasslepen ap tumaro djob, jaake te meras o djob tele. Ninna chan i stepangre lauter, hoi bares was an tumari baar un an tumaro drakengro them, ap tumare faigetikre ruka un djeteskre ruka. Ninna palle wan tumer gar pale pash mande, penell o baro Dewel.

Joel 2:25

Un me dau tumen kol bersha pale, hoi nashran, har i bud stepangre lauter chan. Me homs, kai kolen lauteren mank tumende bitchrom.

Amos 7:7

Un job mukas man pale te dikell: Job his tardo ap i massuri, an peskro wast i dori, kai i blaio pre-pandlo hi, te dikell lo, te hi i massuri gar bango.

Amos 7:4

Palle mukas man o baro Dewel, maro rai, i wawar dikepen te dikell: Job das i baro tatepen gole, te dell lo i menshen i phagi. Un o tatepen chas o baro pani pre, hoi tel i phub hi, un kamas o them pre te chatchrell.

Ezekiel 11:25

Un me penom kol pandlenge halauter, hoi o baro Dewel mange penas un sikras.

Jeremia 24:1

His an ko tsiro, kai anas o Nebukadnezar, ko baro rai dran o them Babilonia, o baro rajes pral Juda, o Jekonja, koleskro dad o Jojakim his, pandles dran Jerusalem an o them Babilonia. Khetne leha anas lo i pralstunen pral Juda krik, ninna kolen, kai haiwan o kashteha un o sasteha te budrell. An ko tsiro sikras man o Dewel dui korbe, kai faige dren his, tardo glan o baro Debleskro kheer.

Jesaja 33:4

Palle perah pral kowa, hoi le tchiddo mukan, har stepangre perenn pral o senlepen, awa, har bud stepangre wenna un halauter pre chana.

Maleachi 3:11

Un me rikrau i stepangren dur krik tumari phubjatar, te chan le gar kowa pre, hoi kote baro was. Un tumare drakengre ruka wenn pherde drake. Ko penell o baro Dewel, ko rai pral o bolepen un i phub.