Amos 5:9 - O Debleskro Drom 2021 (Sinte)

⁹ Pral o soreleste anell job bibacht, un o sorelo foro phagell lo tele.

O Debleskro Lab 2024 (Sinte-Manouche)

⁹ Pral o zoreleste anell yob bibarht, oun o zorelo foro phagell lo tele.

Amos 5:9 Referans Kwoze

Hebrearja 11:34

Wawar wan an i jag witsedo, un i jag nai chatchan len gar. Wawaren kaman i menshe i chareha te marell, un jon nai nashan penge. Kolla, kai kek soor buder an lende his, kolen kras o Dewel soreles. An o kurepen lan le i soor, te tradan le i wawar lurden krik.

Micha 5:11

Un o tselo bengeskro koowa lau tumendar krik, kek drawepangre atchenn pash tumende.

Jeremia 37:10

Te nai marans tumer ninna i tsele lurden dran o them Babilonia khetne, kolla kai kurenn pen tumentsa, un te atchans lendar kokres i wast pherdo pral, kai dukedo hi, palle stakrans le dran pengre plachtene khera pre, un chatchrans kau fores tele.

2. Rajengro liil 13:25

O Joash las kol forja an o kurepen pale pale dran o wast o baro rajestar Ben-Hadad, koleskro dad o Hasael his, – kol forja, kai o Hasael an o kurepen o Joasheskro dadestar Joahas krik las. Triin kope das les o Joash un las jaake kol Israeleskre forja pale pale.

2. Rajengro liil 13:17

un penas: “Kre i wochni pre kote, kai o kham pre djala!” Un job kras i wochni pre. Un o Elisa penas: “De karje!” Un job das karje. Un o Elisa penas: “Ko failo hi i sikepen, kai krell men o baro Dewel soreles, sorleder har i Syrarja! Awa, tu kureh tut lentsa un deh len pash Afek, bis te lauter mulo hi.”

Jesaja 29:5

Ap jek kopo wenn kol bud bud lurde, kai ap tumende djan, krik phurdedo har i stauba. Un kol sorele kurepangre hi har o phuss, hoi krik phurdedo well un buder gar koi hi. Jaake sik, har jek i jakentsa dell,

Amos 2:14

Ninna kolla, kai nashenn nai sik, nai nashenn gar penge. Sorele mursha nashrenn pengri soor. Un kurepangre atchenn gar djido.