Amos 5:10 - O Debleskro Drom 2021 (Sinte)

¹⁰ Chojedo han tumer ap koleste, kai tumenge o tchatchepen penell, un tumende sikrell, kai kowa gar mishto hi, hoi kran.

O Debleskro Lab 2024 (Sinte-Manouche)

¹⁰ Rhoyedo han t'mer ap koleste, kay t'menge o čačepen penell, oun t'mende sikrell, kay kova gar mishto hi, hoy kran.

Amos 5:10 Referans Kwoze

Jesaja 29:21

kolla, kai chochepah doosh ap i wawarende anan, un chochenn i tchatchepangre murshen, un anenn len pengre chochene labentsa jaake dur, te denn le kek tchatchepen koleste, kai kek doosh ap leste hi.

1. Rajengro liil 22:8

O baro rai pral Israel penas ap o Josafat: “Kate hi gomme jek mursh, o Micha, koleskro dad o Jimla hi, kowa nai putchell menge o baro Deblestar. Man hi i choli ap leste. Hako kopo, kai penas lo mange tchomone glan-wi, his les kek latcho lab mange, kokres djungele laba his les mange.” O Josafat penas pale pale: “Tu, o baro rai, hunte rakress gar jaake!”

Debleskro tsiro 11:10

I menshe ap i phub hi bachtelo, un giwenna un khelenna. Un jek bitchrell o wawareske shukar koowa. Jaake bachtelo hi le, te hi kol dui Debleskre rakepangre mulo, kai dukran kolen, kai ap i phub djiwenna.

Johanni 15:19

Te hans tumer menshe kai phubjatar, palle kamans le tumen. Jon kamenn kolen, kai hi jaake har jon. Tumer han gar kolendar. Me rodom tumen dran lende win. Doleske kamenn le tumen gar.

Johanni 7:7

I menshe hi gar tchilatcho ap tumende. Ap mande hi le tchilatcho. Me penom lenge, kai kowa, hoi jon krenna, tchilatcho hi.

Johanni 3:20

Kolla, kai o tchilatcho koowa krenna, kamenna gar koi momeli. Jon atchenn penge an o tamlepen, jaake kai dikenn i wawar gar, hawo tchilatcho koowa jon krenna.

2. Familjakro liil 36:16

Jon sanan o Debleskre bitchepangren win. Un leskre laba his lenge tchi moldo, un jon rikran o Debleskre rakepangre dineleske. Doleske was o baro Debleskri choli jaake phares pral peskre menshende, te nai wan le gar win lino koi dran.

2. Familjakro liil 25:16

Un har o Debleskro rakepaskro leha jaake rakras, penas o baro rai ap leste: “Tchiwom me tut dren, te peness mange, hoi te krap? Rike tiro mui, te kameh gar dawa te lell!” Un o Debleskro rakepaskro mukas tele un penas: “Kanna, kai dikau, hoi kral, un kameh gar te shunell, hoi tuke penom, haiwau me, kai hi an o Debleskro dji, te marell lo tut.”

1. Rajengro liil 21:20

Kote penas o Ahab ap o Elija: “Hatsal man pale, tu, kai kameh mange tchilatchepen?” Kote penas lo: “Awa, me hatsom tut! Tu bikral tut, te kress kowa, hoi glan i jaka o baro Deblestar tchilatcho hi.

1. Rajengro liil 18:17

Un har o Ahab o Elijas dikas, penas lo ap leste: “Hal tu kowa, kai anom o Israel an i bibacht dren?”

Galatarja 4:16

Kanna, kai penau tumenge o tchatchepen, han tumer tchilatcho ap mande?

Gosewe laba 15:12

O pre-phurdo choirell pes pral koleste, kai leske penell, hoi lo gar mishto kras. Un job djal gar pash kolende, kai gosewo hi.

Jesaja 59:15

Jaake meras o tchatchepen, un ko mensho, kai kamell tchi o tchilatchepastar te djinell, well win randedo. O baro Dewel dikas kowa lauter, un leske his djungeles, te dell kek tchatchepen buder.

Jeremia 38:7

An o baro rajeskro kheer his i pralstuno dran o them Etiopia. Leskro lab his Ebed-Melech. Kowa shunas, kai o Jeremia an koi brunna witsedo was. Ap ko diwes his o baro rai Zedekja beshdo pash ko Benjamineskro Wudar.

Hosea 4:4

Kek te tchingrell ap i wawareste un penell: ‘Kowa hi tiri doosh.’ Na-a, kokres tumentsa, kol rashajentsa hunte tchingrap, penell o baro Dewel.

Amos 5:15

Dikenn tchilatches ap kowa, hoi tchilatcho hi, un dikenn latches ap kowa, hoi latcho hi! Dikenn koi pre, te lell kowa peskro tchatchepen, koon an o tchatchepen hi! Palle nai well o baro Dewel latches kolenge, kai dran o kheer Josef pral atchenn. Job hi o rai pral o bolepen un i phub.

3. Mose 13:10

Te dikell ko rashai palle, te hi ko dukepen parno un pesso, un i balla an ko dukepen wan parno, un ko dukepen hi pre un lolo,