Amos 2:9 - O Debleskro Drom 2021 (Sinte)

⁹ Djinenn tumer gar, mire menshe, his tumenge, kai tradom i Amorarja glan tumende krik, kolen, kai his jaake baro un sorelo har ruka. Tchi atchas lendar pral.

O Debleskro Lab 2024 (Sinte-Manouche)

⁹ Djinenn t'mer gar, mire menshe, his t'menge, kay tradom i Amorarya glan t'mende krik, kolen, kay his yaake baro oun zorelo har rouka. Či ačas lendar pral.

Amos 2:9 Referans Kwoze

Hiob 18:16

Job hi har i ruk: Tella merell leskro drab tele, un pral wenn leskre patria djelto.

5. Mose 3:11

Kokres o Og, ko baro rai pral Bashan, atchas djido kol bare menshendar, kai ‘riese’ kharedo wan. Har meras lo, was lo paskedo an i barrengro mochton. Kowa hi jaake star metarja baro un dui metarja buchlo, un hi tardo an o foro Rabba an o them Ammon.

2. Mose 34:11

Me tradau kol Amorarja, Kanaanitarja, Hetarja, Perisarja, Hiwarja un Jebusarja dran lengro them un dau les tumende. Rikrenn kal laba, hoi me penau tumenge kau diwes!

1. Mose 15:16

Un pal star menshengro phurepen wenna tire menshe kate pale. Koi doosh kolendar, kai kanna kate djiwenn – kolla hi i Amorarja – hi kanna gar bares doha, te tradap len win.”

Ezekiel 17:9

Kanna putchell tumendar o baro Dewel, tumaro rai: Well o drakengro ruk bareder? Atchell lo djido? Hi gar jaake, te well o ersto adlari un tserdell les khetne peskre drabentsa win dran i phub, un phagell i drake lestar tele, jaake te merenn leskre newe senele patria lauter tele, un ko tselo bur merell? Palle well lo wi-tserdedo khetne peskre drabentsa. Un koleske hunte well kekes bud soor, un gar bud menshe.

Josua 10:12

Ap ko diwes, kai o baro Dewel i Amorarjen an o Israeleskro wast das, rakras o Josua o baro Debleha un kharas win glan i Israelitarja: “Kham, atch tardo pral o foro Gibeon! Un tu, tchon atch tardo an i tala Ajalon!”

Josua 3:10

Ap kawa dikenn, te hi o djido Dewel mashkral tumende, un te tradell lo glan tumende i Kanaanitarja win, ninna i Hetarja, i Hiwarja, i Perisarja, i Girgasharja, i Amorarja un i Jebusarja.

5. Mose 1:28

Kai djas koi? Mare phrala kran mare djia darenes, har penan le ap mende: Kolla menshe hi sorleder un bareder har mer, lengre forja hi baro un lengre massurja djan pre bis pash o bolepen. Un ninna dikam mer o Anakarja kote!’

2. Mose 3:8

Me wom tele, te lap len dran o wast kol menshendar an o them Egiptia win, un anau len dran kau them win un dau len i latcho un baro them, kai hi bud thud un gwin. An ko them djiwenn kanna i Kanaanitarja, i Hetarja, i Amorarja, i Perisarja, i Hiwarja un i Jebusarja.

Jesaja 5:24

Doleske merenn le tele har o senlepen, koleskre draba nasselo hi, un koleskri bluma tele perell, un har o khass, pral koleste i jag djal un les pre chatchrell. Jon kaman gar te djal o drom o baro Deblestar, kai hi o rai pral o bolepen un i phub. Un i labendar lengro latcho Deblestar kaman le tchi te djinell.

Jesaja 10:33

Dikenn, har o baro Dewel, ko rai pral o bolepen un i phub, peskri bari sorjah len tele dell har jek i kashta i rukendar tele dell, un i bare ruka trujel dell. Un kolla, kai pen pre hadan, wenn tiknes kerdo.

4. Mose 32:13

Jaake was o baro Debleskri choli pral i Israelitarja, un job mukas len trujel te djal an o mulo tato them star-deesh bersha, bis te kek buder koi his kol tsele menshendar, kai choiran o baro Debles.

1. Familjakro liil 1:14

ninna i Jebusarja, i Amorarja, un i Girgasharja,