Amos 2:1 - O Debleskro Drom 2021 (Sinte)

¹ O baro Dewel penell: I menshe an o them Moab kran pale te pale djungelo koowa. Jon chatchran i kokale o baro rajestar dran o them Edom, bis te wan le jagakri tchik. Doleske lenn le pengri phagi, un khaitenn man gar.

O Debleskro Lab 2024 (Sinte-Manouche)

¹ O baro Devel penell: I menshe an o them Moab kran pale te pale djoungelo koova. Yon rhačran i kokale o baro rayestar dran o them Edom, bis te van le yagakri čik. Doleske lenn le pengri phagi, oun khaytenn man gar.

Amos 2:1 Referans Kwoze

Amos 2:4

O baro Dewel penell: I menshe an o them Juda kran pale te pale djungelo koowa. Miro drom un mire laba his lenge tchi moldo. Un jon kran gar, hoi lendar kamom. Jon mukan pen o tchatcho dromestar tele te anell un mangan kol chochene deblen an, kolen ninna lengre phure an-mangan. Doleske lenn le pengri phagi, un khaitenn man gar.

Amos 1:3

O baro Dewel penell: I menshe an o foro Damaskus kran pale te pale djungelo koowa. Baro tchilatcho koowa kran le ap i menshende an Gilead. Doleske lenn le pengri phagi, un khaitenn man gar.

Jesaja 25:10

O baro Dewel rikrell peskro wast pral kai berga. I menshen an o them Moab stakrell lo tel peskre herja khetne, jaake har phuss khetne stakedo well, hoi an i tchik tchiddo hi.

Amos 2:6

O baro Dewel penell: I menshe an o them Israel kran pale te pale djungelo koowa. Jon bikran lowenge menshen, kai lenge tchi kran, ninna i tchorwelen, kai nashte denn kek lowe i kirchenge.

Amos 1:13

O baro Dewel penell: I menshe an o them Ammon kran pale te pale djungelo koowa. Har kuran le pen an o kurepen, te lenn le i bareder them, tchinan le djuwjen pre, kai wawartchandes his an o them Gilead. Doleske lenn le pengri phagi, un khaitenn man gar.

Amos 1:11

O baro Dewel penell: I menshe an o them Edom kran pale te pale djungelo koowa. Lengre phralen, i Israelitarjen lan le palla o chareha, un len his kek dji lenge. Hako tsiro hi le chojedo ap lende un mukenn gar tele lengri choljah. Doleske lenn le pengri phagi, un khaitenn man gar.

Amos 1:9

O baro Dewel penell: I menshe dran o foro Tirus kran pale te pale djungelo koowa. Jon dan i tsele pandlen an i wasta kolendar dran o them Edom, un bistran, kai hi i pandle lengre phrala, un kai phrala hunte rikrenn khetne. Doleske lenn le pengri phagi un khaitenn man gar.

Gosewe laba 15:3

I jaka o baro Deblestar dikenn lauter, kowa, hoi i tchilatche krenna, un kowa, hoi i latche krenna.

Micha 6:5

Tumer mire menshe, mukenn tumenge an o shero te well, hoi kamas o Balak – ko baro rai pral o them Moab – tumenge te krell, un hoi penas leske o Bileam, koleskro dad o Beor his! Mukenn tumenge an o shero te well, har djan tumare phure pral wergel o pani Jordan ap lengro drom dran Shittim dureder an Gilgal. Palle haiwenn tumer, hawo bud latchepen tumenge krom.

Amos 1:6

O baro Dewel penell: I menshe dran o foro Gaza kran pale te pale djungelo koowa. Jon lan i menshen dran tsele gaba pandlo, un bikran len an i wasta kolendar dran o them Edom, te wenn le lengre budepangre. Doleske lenn le pengri phagi un khaitenn man gar.

Jesaja 11:14

Palle djan le khetne bari sorjah ap i Filistarja, kai kote djiwenn, kai o kham tele djal. Un khetne randenn le kolen win, kai an i themma djiwenn, kai o kham pre djal. I themma Edom un Moab lenn le dren. Un i Ammonarja hunte krenn, hoi jon penenn.

2. Rajengro liil 3:9

Jaake djan kol dui bare raja pral Israel un pral Juda win pengre lurdentsa. Ninna o baro rai pral Edom peskre lurdentsa djas lentsa. Har jon efta diwessa dur djan, his kol lurden un ko viechen, kai pash lende his, kek pani.

Jesaja 16:6

Mer shunam, hoi pral i Moabarja rakedo was, kai hi le jaake pre-phurdo, un dikenn tele ap i wawarende, un krenn pen kokres bares. Un len hi i baro mui.

Jeremia 25:21

i tsele menshe an i themma Edom, Moab un Ammon;