Amos 1:6 - O Debleskro Drom 2021 (Sinte)

⁶ O baro Dewel penell: I menshe dran o foro Gaza kran pale te pale djungelo koowa. Jon lan i menshen dran tsele gaba pandlo, un bikran len an i wasta kolendar dran o them Edom, te wenn le lengre budepangre. Doleske lenn le pengri phagi un khaitenn man gar.

O Debleskro Lab 2024 (Sinte-Manouche)

⁶ O baro Devel penell: I menshe dran o foro Gaza kran pale te pale djoungelo koova. Yon lan i menshen dran tsele gaba pandlo, oun bikran len an i vasta kolendar dran o them Edom, te venn le lengre boudepangre. Doleske lenn le pengri phagi oun khaytenn man gar.

Amos 1:6 Referans Kwoze

Amos 1:11

O baro Dewel penell: I menshe an o them Edom kran pale te pale djungelo koowa. Lengre phralen, i Israelitarjen lan le palla o chareha, un len his kek dji lenge. Hako tsiro hi le chojedo ap lende un mukenn gar tele lengri choljah. Doleske lenn le pengri phagi, un khaitenn man gar.

2. Familjakro liil 28:18

Ninna i Filistarja peran an i forja an o them Juda dren – an kol forja, kai hi an o bergetikro them un an o mulo them Negev. Un jon lan penge kal forja: Bet-Shemesh, Ajalon, Gederot un Socho un i tsele gaba koi trujel, un Timna un i tsele gaba koi trujel, un Gimso un i tsele gaba koi trujel, un jon djiwan kote.

Obadja 1:11

Tu, Edom, hals koi pashel tardo, har djan i wi-themarja an Jerusalem dren, un anan leskre lurden pandles krik, un khelan koi pral, koon kones lengre menshendar lella. Tu hals har jek lendar!

Amos 1:9

O baro Dewel penell: I menshe dran o foro Tirus kran pale te pale djungelo koowa. Jon dan i tsele pandlen an i wasta kolendar dran o them Edom, un bistran, kai hi i pandle lengre phrala, un kai phrala hunte rikrenn khetne. Doleske lenn le pengri phagi un khaitenn man gar.

1. Samuel 6:17

Kowa hi, hoi i Filistarja o baro Debleste dan, te well lauter pale mishto mank leste un lende: pantch sonakangre figure, hoi win dikan har o dukepen ap lengro mass: Jek figura hako foreske: Ashdod, Gaza, Ashkelon, Gat un Ekron.

Ezekiel 35:5

O tselo tsiro hals ap tchingepen un marepen win kol Israelentsa. Un tu phukral len un dal len an i wasta kolendar, kai maran len, an ko tsiro har bari bibacht pral lende was, un me lenge lengri phagi dom.

Zakarie 9:5

I menshe an o foro Ashkelon shunenn kolestar un trashenna, un kolla an o foro Gaza lenn bari daar, ninna kolla an o foro Ekron. Len hi buder kek, kai rikrell peskro wast pral lende. An o foro Gaza dell buder kek baro rai, un an o foro Ashkelon djiwell buder kek Israelitari.

Amos 1:3

O baro Dewel penell: I menshe an o foro Damaskus kran pale te pale djungelo koowa. Baro tchilatcho koowa kran le ap i menshende an Gilead. Doleske lenn le pengri phagi, un khaitenn man gar.

Jeremia 47:1

Glan ko tsiro, kai o Farao ko foro Gaza khetne das, rakras o baro Dewel ap peskro rakepaskro, o Jeremia, pral i Filistarende.

Bičepangre 8:26

O Debleskro bolepaskro penas ap o Filipo: “Ste pre un dja ap ko drom, kai djal dran Jerusalem tele an ko foro Gaza. Ap ko drom hi gar bud menshe.”

Joel 3:4

Glan te well o diwes o baro Deblestar, ko baro diwes, hoi daar un traash anell, well o kham kalo, un o tchon lolo har rat.

Amos 1:7

Me bitchrau i jag ap i massurja trul o foro Gaza, hoi chatchrell leskre sorele khera tele.