Amos 1:13 - O Debleskro Drom 2021 (Sinte)

¹³ O baro Dewel penell: I menshe an o them Ammon kran pale te pale djungelo koowa. Har kuran le pen an o kurepen, te lenn le i bareder them, tchinan le djuwjen pre, kai wawartchandes his an o them Gilead. Doleske lenn le pengri phagi, un khaitenn man gar.

O Debleskro Lab 2024 (Sinte-Manouche)

¹³ O baro Devel penell: I menshe an o them Ammon kran pale te pale djoungelo koova. Har kouran le pen an o kourepen, te lenn le i bareder them, činan le djouvyen pre, kay vavarčandes his an o them Gilead. Doleske lenn le pengri phagi, oun khaytenn man gar.

Amos 1:13 Referans Kwoze

Ezekiel 35:10

Tumer penan: “Kol dui themma Israel un Juda pengre menshentsa hunte wenn maro. Las len menge dren!” Tumer bistran, te hi kowa miro them, kai me, o baro Dewel, djiwau.

Jesaja 5:8

Djungelo djal kolenge, kai krenn pen jek kheer pal o wawar, un ginenn penge jek kotar phub pal o wawar, bis te buder kek kotja phub pral atchenn, un lenge kokres o tselo them hi.

Amos 1:3

O baro Dewel penell: I menshe an o foro Damaskus kran pale te pale djungelo koowa. Baro tchilatcho koowa kran le ap i menshende an Gilead. Doleske lenn le pengri phagi, un khaitenn man gar.

Ezekiel 21:28

I menshenge an o foro Jerusalem well kowa glan har i chocheno durkepen. O baro rai dran Babilonia krals lentsa win, te krell lo lenge tchi, un dals peskro wast koi pre. Kanna te well job pral lende, well lenge an o shero, te rikran jon gar dren, hoi le leha win kran. Un jon wenn tapedo.

Nehemia 2:19

Kote his ninna mursha, kai praassan men un san pral mende, har shunan le kowa. Jon his o Sanballat, ko Horonari, un leskro budepaskro, o Tobija, ko Ammonari, un o Geshem, ko Arabari. Kolla penan: “Hoi hi kowa, hoi kote krenn? Kamenn tumer o baro rajestar tele te perell?”

2. Familjakro liil 20:10

Kanna dik! O Ammonarja, un o Moabarja un kolla dran i berge Seir, kamenn pen mentsa te kurell. Har mare phure wan dran o them Egiptia win, mukal len gar an kal themma te djal. Jaake djan le trul kal themma trujel un maran len gar.

2. Familjakro liil 20:1

Pal i tsiro wan i Moabarja un i Ammonarja, te kurenn le pen o Josafateha. Un lentsa wan ninna lurde dran o them Meun.

2. Rajengro liil 24:2

Un o baro Dewel mukas bud lurden pral leste te well, kai trujel djan un randan an o them Juda. Kolla wan dran i themma Babilonia, Syria, Moab, un Ammon, un kran o them paash. Kowa was jaake, har o baro Dewel rakras ap peskre rakepangre, kai leske koi his, un har jon kowa i menshenge dureder penan.

5. Mose 2:19

Un tu weh pash o them, kai i Ammonarja djiwenn, kol menshe, kai wenna pal o Lot. Kolenge kress kek tchilatchepen! Un muk tut ap kek tchingepen lentsa dren. Me dau tut kek kotar lengro themestar, hoi dom lende.”

Debleskri gili 83:7

Kolla hi i menshe dran o Edom un dran o Ismael, dran o Moab, dran i Hagar,

2. Rajengro liil 15:16

An ko tsiro kuras pes o Menahem o foreha Tifsach. Un kolla, kai kote djiwenn, kaman les gar dren mukell. Doleske was lo dran Tirza un das halauteren mulo, kai djiwan an o foro Tifsach un trul ko foro trujel. Un i tsele djuwjenge, kai wawartchandes his, mukas lo o per pre te tchinell.

Jeremia 25:21

i tsele menshe an i themma Edom, Moab un Ammon;

2. Samuel 12:31

Kol menshen dran ko foro anas lo win. Un kolla hunte budran phares ap i tchinepangre, te tchinenn le bar, un ap i sasterne tower un wawar sasterne koola, un mukas len budrenn pash o bob, kai wenn barra dran tchik chatchedo. Jaake kras job kol tsele forjentsa kol Ammonendar. Pal kowa djas o David peskre tsele lurdentsa pale an o foro Jerusalem.

2. Rajengro liil 8:12

Koi putchas o Hasael: “Hoske rowell miro rai?” Job penas: “Me djinau, hoi tu kol Israelentsa kreh: Tu chatchreh lengre forja pre, un lengre terne murshen deh o chareha mulo, un lengre terne tchawen mareh tu ninna, un kol djuwjen tchineh tu pre, kai an wawar koowa hi.”

Ezekiel 25:1

Un o baro Dewel penas ap mande:

Hosea 14:1

I menshe an o foro Samaria lenn pengri phagi. Jon mukan pen tchi te penell pengro Deblestar. Doleske wenn le o chareha maredo. Un lengre tikne tchawe wenn mulo dino. Un i djuwja, kai lenn i tchawo, wenn pre tchinle.