5. Mose 9:4 - O Debleskro Drom 2021 (Sinte)

⁴ Pal kowa, kai tradas len tumaro baro Dewel glan tumende win, ma penenn: Dran maro tchatcho djipen anas men o baro Dewel an kau them, te las le menge dren. Na-a, dran o tchilatcho djipen kol menshendar tradas len o baro Dewel win glan tumende.

O Debleskro Lab 2024 (Sinte-Manouche)

⁴ Pal kova, kay tradas len t'maro baro Devel glan t'mende vin, ma penenn: Dran maro čačo djipen anas men o baro Devel an kava them, te las le menge dren. Na-a, dran o čilačo djipen kol menshendar tradas len o baro Devel vin glan t'mende.

5. Mose 9:4 Referans Kwoze

5. Mose 8:17

Un tumer te nai penenn gar an tumare djia: Miri soor un mire wastengri budi anas mange kau tselo brawlepen!

2. Timoteo 1:9

Job las men dran o tchilatchepen win, un das men gole, te djiwas leha khetne. His gar dran maro latcho koowa, te das lo men gole. Na-a. Kowa his an leskro dji, te was lo menge latches. Har o bolepen un i phub gomme gar koi his, his an leskro dji, te bitchrell lo o Jesus Kristes menge ap i phub.

5. Mose 9:5

Hi gar doleske, te wans latche menshe un tumen wals i djudjo dji, te wenn tumer an ko them, te lenn les tumenge dren. Na-a, tumaro baro Dewel tradell kol menshen win ko tchilatchepaske, hoi le kran, te rikrell job koi sowel dren, hoi lo tumare phurende, o Abrahames un o Isaakes un o Jakobes, das.

1. Korintarja 4:7

Koon penas tuke, te hal tu feteder har ko wawar? Kowa, hoi tut hi, hi tut o Deblestar. Te das job tut lauter, hoske shareh tut?

Remarja 11:6

Kran jon latcho koowa? Un doleske rodas lo len win? Na-a! Te krals lo kowa, wals peskro kamlepen gar o tchatcho kamlepen.

5. Mose 12:31

Ma krenn sau kowa tumaro baro Debleha! Kowa lauter, hoi jon pengre deblenge kran, hi djungelo un tchilatcho glan o baro Debleskre jaka. Ninna pengre mursh tchawen un pengre tchen chatchran le lenge an i jag.

1. Mose 15:16

Un pal star menshengro phurepen wenna tire menshe kate pale. Koi doosh kolendar, kai kanna kate djiwenn – kolla hi i Amorarja – hi kanna gar bares doha, te tradap len win.”

1. Korintarja 4:4

Me djinau gar, te anom doosh ap mande. Ninna te djinom kowa gar, krell man kowa gar tchatcho glan o Debleste. Kowa, kai o tchatchepen pral mande wi-rakrella, hi kokres maro rai Jesus.

Remarja 11:20

Kowa hi tchatcho. I bibolde patsan gar o Debles. Jaake hi le har kol kashta, hoi wan tele tchinlo. Tumer han har wawar kashta, hoi wan dren tchiddo ap ko rukeste kokres dran tumaro patsepen. Doleske ma krenn tumen bares! Denn jak!

Ezekiel 36:32

Me o baro Dewel, tumaro rai penau tumenge: Hi gar tumenge, kai me krau kau latcho koowa. Ma bistrenn kowa! Tumer dran o kheer Israel, ladjenn tumen un awenn lolo i ladjatar pral kowa, hoi kran!

Ezekiel 36:22

Doleske pen ap o kheer Israel: Kawa penell o baro Dewel, maro rai: Tumer kran, kai was djungeles rakedo pral mande mank i menshende an wawar themma, pash kolende tumer wan. Kowa, hoi kanna krau, krau gar tumenge dran o kheer Israel. Na-a, kowa krau, te well miro latcho lab pale sharedo.

3. Mose 18:3

Ma djiwenn jaake har i Egiptarja, an kolengro them djiwan, witar gar har kolla an o them Kanaan, kote kai tumen anau. Ma djiwenn pal lengro koowa.

5. Mose 9:7

Ma bistrenn, har choiran tumaro baro Debles an o mulo them, Ko diwesseha har djan tumer win dran o them Egiptia bis te wan kate, kai kanna han, kaman gar ap leste te shunell.

5. Mose 9:24

Jaake rah har prindjrau tumen, hi tumen sherja har barra un krenn gar, hoi o baro Dewel tumenge penell.

5. Mose 31:27

Me djinau, har djan tumer pal tumaro shero un kamenn gar te shunell. Ninna kanna, kai gomme pash tumende djiwau, mukenn tumenge tchi o baro Deblestar te penell. Har well kowa, te hom mulo?”