5. Mose 8:8 - O Debleskro Drom 2021 (Sinte)

⁸ An kau them well gib un djob bares, ninna drake, faige, granatikre phabja. Djeteskre ruka un gwin dell kote ninna.

O Debleskro Lab 2024 (Sinte-Manouche)

⁸ An kava them vell gib oun djob bares, ninna drake, fayge, granatikre phabya. Djeteskre rouka oun gvin dell kote ninna.

5. Mose 8:8 Referans Kwoze

Johanni 6:13

Koi tchiwan leskre mala halauter khetne, hoi pral atchas kol marendar. Koi wan deesh-te-dui marengre gone pherdo kol pantch marendar.

Debleskri gili 147:14

Kek kurepen well an tumaro them, un o latcheder djob dell lo tumen te chal.

5. Mose 32:14

Len his khil i grumjendar un i thud i bakrendar, ninna o mass i tikne bakrendar, un pesse bakre un busja; I Israelitarja chan o latcheder djob, un pijan gudli loli mool.

Johanni 6:9

“Kate hi i tchawo. Koles hi pantch mare un dui matche. Kowa hi tchi jaake bud menshenge.”

Habakuk 3:17

O faigetikro ruk hi gomme gar senelo, un ap i drakengre ruka hi kek drake. O djeteskro ruk hidjrell kek djeteskre drake. un ap i hachetikri phub well kek djob baro. Kek bakre hi win, un kek grumja hi tarde an i stanja.

Micha 4:4

Hakeno nai beshell tel peskre drakengre ruka un faigetikre ruka. Un kek krell leske traash. Kawa penell o baro Dewel, ko rai pral o bolepen un i phub.

Hosea 2:22

Me atchau hako tsiro pash tute. Un tu prindjreh man, o baro Debles.

Hosea 2:8

Doleske tchiwau subjengre burra ap lakro drom un krau i massuri, te nai hatsell li peskro drom gar.

Ezekiel 27:17

I themma Juda un i Israel paran tuha un dan tut: latcho gib, hoi was dran o foro Minnit, ninna wawar jarro, gwin, djet un rukengro djet, hoi mishto sungell.

Jeremia 5:17

Jon chan tiro djob un tiro maro, tire tchawen, tire tchen, tire bakren un grumjen, tire drake, tire faigetikre ruka. Tumer patsenn, te djal tumenge tchi an tumare sorele forja. Kolen lenn jon tumendar o chareha krik.

Jesaja 7:23

Un an ko tsiro well jaake: Kote, kai kanna i seri drakengre ruka tardo hi, hoi khetne jek sero rupene beme moldo hi, kote hi palle subjengre burra un subjengro senlepen tardo.

1. Rajengro liil 5:11

Un job his gosweder har i tsele menshe, ninna gosweder har o Etan dran Esra, un gosweder har o Heman, o Kalkol un o Darda, kolengro dad o Mahol hi. Un o Salomo his an-diklo mank i menshende an i tsele themma trul leste.

2. Samuel 4:6

Un jon djan mashkral an o kheer har te lans le djob,

Debleskri gili 81:16

Kolla, kai pen ap o baro Debleste choirenn, hunte witsrens pen tele glan leste. Lengri phagi atchals hako tsireske.

1. Mose 49:11

Job pandell peskri burika ap i drakengro ruk. Un lakro ternepen pandell lo ap o latcho drakengro ruk. Peskro ripen thowell lo an mool, peskri baja an loli mool.

5. Mose 8:7

Tumaro baro Dewel anell tumen an i latcho them. An kau them nashenna panja, hoi wenn win dran i phub, un nashenn i berge tele an i telstuno them.

5. Mose 8:9

Kowa hi i them, kai hi bud chapen tumenge. Halauterestar hi doha koi. An kau them hi ninna barra, kai saster dren hi. Un an i berge nai denn lolo saster win.

5. Mose 32:13

Job mukas len o rai te well pral o pralstuno them. Un jon nai chan o djob ap i hachetikri phub. Gwin mukas lo len te hatsell mank i bare barra, un djet te lell i rukendar, hoi ap barrengri phub bares wan.

4. Mose 13:23

Un jon wan pash o pani Eshkol, un tchinan kote i kasht molengre drake tele, un hidjran kowa dujentsa ap i hidjepaskro kasht, jaake pharo hi lo. Koi pashel anan le ninna granatikre phabja un faige.

5. Mose 6:3

Jaake shun kanna, Israel, un de jak te kress kowa halauter, te djal tuke mishto. Un tumer wenn i bari natsjona an ko them, kai hi bud thud un gwin, jaake har o baro Dewel, o Dewel tumare phurendar, kowa tumenge penas.

2. Rajengro liil 18:32

bis te me wau un lau tumen mantsa, un anau tumen an i wawar them, hoi hi jaake har tumaro them. An ko them hi doha djob, mool, maro, drakengre ruka, djeteskre ruka un gwin. Palle nai atchenn djides un hunte merenn gar. Shunenn gar ap o Hiskija! Job chochell tumen, te penell lo ap tumende: ‘O baro Dewel lell men dran lengre wasta win.’

Jeremia 2:7

Un me anom tumen an i latcho them, kai bud chapen hi, te chan ko tselo latcho koowa, hoi kote baro wella. Un har tumer an ko them djan, kran les tumer pale-tchiddo. Un miro them was djungeles glan mire jaka.