5. Mose 7:25 - O Debleskro Drom 2021 (Sinte)

²⁵ Chatchrenn i figure lengre deblendar! Ko rup un ko sonakai, hoi ap lende hi, lenn gar tele tumenge, te wenn tumare djia gar pandles ap kowa. Sawo koowa wals djungeles glan tumaro baro Debleskre jaka.

O Debleskro Lab 2024 (Sinte-Manouche)

²⁵ Rhačrenn i figure lengre deblendar! Ko roup oun ko sonakay, hoy ap lende hi, lenn gar tele t'menge, te venn t'mare djia gar pandles ap kova. Savo koova vals djoungeles glan t'maro baro Debleskre yaka.

5. Mose 7:25 Referans Kwoze

2. Mose 32:20

Ko terno gurum, hoi kran i Israelitarja penge, witsras job an i jag, te chatchrell lo. Un das les tiknes, bis te stauba pral atchas. Koi stauba witsras lo an o pani, un das les i Israelitarja te pijell.

1. Familjakro liil 14:12

Har i Filistarja nashan penge, lan le pengre chochene deblen gar pentsa. Un o David penas, te wenn kolla chatchedo.

5. Mose 17:1

Tu maress tiro baro Debleske kek grumni, kek bakro oder busni, hoi nasselo oder djungelo hi. Kowa wals i tchilatcho koowa glan tiro baro Debleste.

Josua 7:21

Mank ko tselo koowa, hoi lam lendar, dikom i shukar plaashka dran o them Shinar, un 200 (dui-sheel) rupeni kotja un i baro lengsto sonakaskro kotar, hoi jek paash kilo phares hi. Un me nai rikrom man gar pale un lom kowa. Un halauter hi an miro plachteno kheer, an i phub khatemen. Un o rup hi tel o wawar.”

5. Mose 12:3

Witsrenn kol pre-tchidde barra trujel, kai maran le un chatchran le viechen pengro debleske. Phagenn kol bare barra paash, hoi le leske pre-tchiwan! Un chatchrenn kol kashta, hoi sikrenn i debletsa Ashera. Un denn lengre figuren an kotja! Tchi te atchell lendar pral.

Jesaja 30:22

Palle dikenn tumer ap tumare rupene un sonakangre figure har ap tchomone, hoi pale-tchiddo hi. ‘Krik kolentsa’ penenn tumer un witsrenn len krik har tchik.

Josua 7:1

I Israelitarja rikran pen gar ap o Debleskro lab, hoi job penas, te well halauter an o foro Jericho leskro. Jek lendar, o Achan, las tchomone peske. O Achaneskro dad his o Karmi, koleskro dad his o Sabdi, un koleskro dad his o Serach. Un kolla his mursha dran o kheer Juda. Har o Achan kowa kras, las o baro Dewel i bari choli pral i Israelitarja.

5. Mose 23:18

Mank i Israelitarja hunte well kek djuwel un kek mursh, kai bikrell pes lowenge an o kheer i wawar deblestar.

5. Mose 7:5

Doleske krenn kawa lentsa: Witsrenn kol pre-tchidde barra trujel, kai marenn le un chatchrenn le viechen lengro debleske. Phagenn kol bare barra paash, hoi le leske pre-tchiwan! Un denn kol kashta tele, hoi sikrenn i debletsa Ashera. Un chatchrenn lengre figuren pre.

Debleskro tsiro 17:5

Un ap lakro shero his i lab tchinlo, hoi i menshe gar haiwan: “Koi bari Babilon, kolatar wella hako djunglepen un wi-ladjedo koowa ap i phub.”

Zefanja 1:3

i menshen, i viechen, i tchirklen un i matche. Me lau i tchilatchen krik i phubjatar, un khetne lentsa lauter, hoi kras, te peran le mandar tele. Awa, kek mensho atchell djido ap kai phub. Kowa penell o baro Dewel.

5. Mose 7:16

Tumer hunte marenn i tsele natsjone, hoi tumaro baro Dewel an tumare wasta dell. Jon hunte khaitenn tumen gar, un lengre deblen hunte mangenn gar an. Jon anans tumen an i bibacht.

2. Mose 8:26

Un o Mose djas win dran o Faraeskro kheer un mangas o baro Debles leske.

2. Mose 20:17

Ma rode, har nai less tu kowa tuke, hoi i wawares hi: leskro kheer, leskri romni, budepaskro, budepaskretsa, grumni, burika, tchi, hoi i wawares hi.

5. Mose 13:16

palle denn kol menshen an ko foro o chareha mulo. Lauter hunte wenn mulo dino, ninna lengre vieche.

2. Rajengro liil 23:14

Job phagas kol bare barra paash, hoi le pengre deblenge pre-tchiwan, un das kol figure tele, hoi sikran i Ashera. Un kote, kai le tardo his, witsras lo menshengre kokale pre.

3. Mose 13:52

Ko ripen oder kol koola, ap kolende ko djunglepen hi, hunte wenn pre chatchedo an i jag.

3. Mose 19:4

Ma nashenn i chochene deblen palla! Krenn tumen kek debla tumare wastentsa! Me, o baro Dewel, hom tumaro Dewel.

5. Mose 27:15

“Praassedo well kowa, kai krell pes i sasterni figura, ninna i kashteni figura, te mangell lo lat tchorchanes an! Sawi figura kerdi mensheskre wastentsa hi djungeles glan o baro Debleskre jaka.” Un i tsele menshe hunte penenn: Amen!

Jesaja 41:24

Djinenn, kowa nai krenn le gar! Kol debla hi tchi-moldo un nai krenn tchi. Koon len peske win rodell, krell i pale-tchiddo koowa glan o Debleste.