5. Mose 7:2 - O Debleskro Drom 2021 (Sinte)

² Te dell tumaro baro Dewel len an tumare wasta, un tumer denn len, palle hunte marenn len halauteren. Tumer hunte krenn gar lentsa win, te wenn lengre mala, un hunte sikrenn kek latchepen ap lende.

O Debleskro Lab 2024 (Sinte-Manouche)

² Te dell t'maro baro Devel len an t'mare vasta, oun t'mer denn len, palle hounte marenn len halauteren. T'mer hounte krenn gar lentsa vin, te venn lengre mala, oun hounte sikrenn kek lačepen ap lende.

5. Mose 7:2 Referans Kwoze

Čačepangre 2:2

Un tumendar kamom, te wenn kek mala kol menshenge, kai an kau them djiwenn, un te phagenn tumer lengre pre-tchidde barra tele, kai chatchrenn le viechen lengro debleste. Un hoi kran tumer? Tumer shunan gar ap kowa, hoi penom!

Čačepangre 1:24

Un kolla dikan i murshes dran o foro win te well, un penan ap leste: “Sike men, har nai wah mer an o foro dren, palle krah mer tuke tchi.”

Josua 10:30

Un o baro Dewel das ninna kolen un lengro baro rajes an o Israeleskro wast. Un i Israelitarja dan len o chareha. Lauteren, kai an ko foro djiwan, dan le mulo, un mukan kekes krik te nashell. Un ko baro rajeha kran le jaake har o baro rajeha pral o foro Jericho.

Josua 2:14

Kote penan kol mursha ap late: “Mer dah men sowel pash maro djipen: Te phukreh tu men gar, krah mer kek tchilatchepen ap tumende ap ko tsiro, kai dell men o baro Dewel kau them, un wah latches ap tumende.”

5. Mose 23:14

Un hakeno, kai djal kote, lell i kasht peha, hadell i tikni cheb win, beshell pes, un tchakrell palle kowa, hoi lestar win djas.

2. Samuel 21:2

[I Gibeonarja his gar kol menshendar Israel. Jon atchan pral fun i Amorarja. Un i Israelitarja kran lentsa win, te mukenn le len djido. Har kuras pes o baro rai Saul peskri tseli sorjah peskro themeske Israel un Juda, kamas lo ninna i tsele Gibeonarjen te marell.] Kanna mukas o baro rai David kol Gibeonarjen gole te dell, un rakras lentsa,

Čačepangre 1:4

Un i mursha dran o kheer Juda djan pre, un o baro Dewel das i Kanaanitarjen un i Perisarjen an lengro wast. Un pash o foro Besek maran le 10.000 (deesh-serja) mursha.

Josua 21:44

Un o baro Dewel kras, te well len kek kurepen kol thementsa trul lende, jaake har lo pes glan lengre phurende sowel das, te krell lo kowa. Un kek, kai kamas pes lentsa te kurell, was sorleder har jon. Kolen lauteren das o baro Dewel an lengro wast.

Josua 10:42

Un o Israeleskro baro Dewel his ap lengre rig. Jaake las o Josua kol tsele bare rajen un lengre themma ap jek kopo dren.

Josua 10:40

Jaake las o Josua o tselo them dren: o pralstuno them, un o them, kai o kham pralstunes hi, ninna o telstuno them un o them ap i berge, – ko tselo them mank Kadesh-Barnea un Gaza, un mank Gosen un Gibeon. O Josua das i tsele bare rajen mulo, ninna lengre tsele menshen. Un job mukas kekes ap o djipen te atchell, jaake har penas leske o baro Dewel, – o Dewel pral o Israel.

Josua 10:32

Un o baro Dewel das o foro Lakish an o Israeleskro wast. Un ap o wawar diwes lan le o foro dren, un dan lauteren o chareha mulo, kai kote djiwan. Jaake har kran le an o foro Libna, kran le kate ninna.

Josua 10:28

Un ko diwes las o Josua ninna o foro Makkeda dren. Un o baro rajes un lauteren, kai an ko foro djiwan, das lo mulo, un mukas kekes djido. Un o baro rajeha pral o foro Makkeda, kras lo jaake har lo les ninna o baro rajeha pral o foro Jericho kras.

Josua 9:24

Un jon penan ap o Josua: “Maro rai, mer shunam, te hi kowa tchatcho, te penas o baro Dewel ap o Mose, koles leskro tchatcho wast his, te dell lo tumen o tselo them, un te hunte wenn halauter mulo dino, hoi dren djiwenn. Doleske his men bari daar maro djipaske, un kram kawa jaake.

Josua 8:24

Un har i Israelitarja i tsele murshen o chareha maran, kai lenge dran o foro Ai palla nashan an o diwjo them, koi rissran i Israelitarja trujel un djan an o foro Ai un dan kote hakenes mulo o chareha.

5. Mose 13:8

Nai well, te penell lo: ‘Mange kol debles an kol menshendar, kai hi trul tute’, oder ‘ko debles kol menshendar, kai hi dur tutar’. Kai le ninna hi ap i tseli phub,

5. Mose 3:3

Un o baro Dewel das ninna o Og, ko baro rajes pral Bashan peskre tsele lurdentsa an mare wasta. Un mer dam len jaake rah bis te kek lendar buder pral atchas.

4. Mose 33:52

hunte tradenn kol tsele menshen, kai djiwenn kote, glan tumende krik. Un lengre tsele barrengre un sasterne deblen, hoi kran jon penge, krenn paash, ninna kol pre-tchidde barra.

1. Mose 14:20

Un sharedo well o Dewel pral halauter, kai das kolen an tire wasta, kai tuha kuran pen.” Un o Abram das les o deshto kotar halauterestar, hoi job pale anas.

2. Mose 22:20

Ma krenn kolen o djipen phares, kai hi wi-themarja pash tumende! Un mukenn len gar tchitcheske tumenge te budrell! Bistrenn gar, te hans tumer ninna wi-themarja an o them Egiptia.

4. Mose 31:17

Kanna, denn mulo kol tsele mursh tchawen, un kol tsele djuwjen, kolen i rom his.

5. Mose 2:33

Un maro baro Dewel das len an mare wasta, jaake te maram les un leskre tchawen un leskre tsele lurden.

5. Mose 2:34

Palle lam leskre tsele forja dren, un dam hakenes mulo: mursha un djuwja un tchawe, kek lendar atchas djido.

5. Mose 7:16

Tumer hunte marenn i tsele natsjone, hoi tumaro baro Dewel an tumare wasta dell. Jon hunte khaitenn tumen gar, un lengre deblen hunte mangenn gar an. Jon anans tumen an i bibacht.

5. Mose 19:13

Job te khaitell tumen gar! Sawo marepaskro hunte merell, te djal tumenge mishto an Israel. Job maras jekes, ap koleste kek doosh his.

5. Mose 25:12

palle well lake ko wast tele dino. Joi hunte khaitell tumen gar.

5. Mose 31:5

Ap ko tsiro, kai dell o baro Dewel kol menshen an tumaro wast, krenn lentsa jaake har penom me tumenge.

5. Mose 33:27

Hako tsiro his lo koi. Pash leste nai khatreh tut. Hako tsiro rikrell lo peskre mussja pral tute. Job tradas kolen glan tute win, kai kuran pen tuha, un penas tuke: Mare len!

Josua 9:7

Koi penan i Israelengre mursha ap kol Hiwarja: “Nai hi, te djiwenn tumer kate mashkral mende! Har nai kras mer palle sawo koowa tumentsa win?”

Esra 10:3

Mer kras maro Debleha win, te bitchras mer kol tsele djuwjen un lengre tchawen mendar krik, jaake har penan tumer – tu, miro rai, un kolla, kai rikrenn maro Debleskre laba. Mer kamah les jaake te krell, har an o Moseskre lila tchinlo hi.

Debleskri gili 106:34

Mare phure maran gar kol wawar menshen an o them, har o baro Dewel lenge penas.

4. Mose 21:2

Koi das pes o Israel sowel glan o baro Debleste, un jon penan: “Te deh tu kal menshen an mare wasta, kamah mer lengre forja paash te krell.”

5. Mose 9:3

Doleske djinenn kau diwes, te djal tumaro baro Dewel glan tumende har i jag, hoi halauter pre chatchrell. Job dell len, te hunte nashenn le penge tumendar. Un tumer tradenn len win un denn len sik mulo. Jaake penas o baro Dewel kowa tumenge.

5. Mose 13:9

ma kre, hoi job tutar kamell, un shun gar ap leste! Job te khaitell tut gar! Tut well kek dji leske! Ma khate leskri doosh!

Josua 11:8

Un o baro Dewel das len an o Israeleskro wast. Un jon dan len, un lan len palla bis pash ko baro foro Sidon un bis pash Misrefot-Majim un bis an ko telstuno them Mizpe kote kai o kham pre djala. Un jon maran len lauteren un mukan kekes krik te nashell.

1. Rajengro liil 20:34

Un o Ben-Hadad penas ap leste: “Kol forja, kai miro dad tiro dadestar krik las, dau me tuke pale pale. Un tu nai kreh tuke parepaskre khera an o foro Damaskus, jaake har kras miro dad an o foro Samaria.” “Mishto” penas o Ahab, “de man tiro dadeskro wast koi pre, palle mukau tut khere te djal.” Kote dan jon pen o wast pre. Un palle mukas job les te djal.