5. Mose 7:13 - O Debleskro Drom 2021 (Sinte)

¹³ Dran peskro kamlepen dell job tumen bacht un bud tchawen, ninna bud djob, mool un djet. Un tumare grumja un bakre wenna bud an o them, kolestar job glan tumare phurende pes sowel das, te dell lo les tumende.

O Debleskro Lab 2024 (Sinte-Manouche)

¹³ Dran peskro kamlepen dell yob t'men barht oun boud čaven, ninna boud djob, mool oun djet. Oun t'mare groumya oun bakre venna boud an o them, kolestar yob glan t'mare phourende pes sovel das, te dell lo les t'mende.

5. Mose 7:13 Referans Kwoze

Johanni 14:21

Koon mire laba shunella un krell, hoi me penau, kowa kamell man tchatchepah o djijestar. Un koon man kamella, koles kamell miro dad. Un me kamau les ninna o djijestar un me sikrau leste, koon me hom.”

Johanni 15:10

Te krenn tumer kowa, hoi me tumenge penom, atchenn tumer an miro kamlepen jaake, har me kowa krau, hoi miro dad mange penas. Un me atchau an leskro kamlepen.

Johanni 16:27

Miro dad kamell tumen ninna jaake har me kamau tumen. Tumer kamenn man o djijestar un patsenna, kai me o Deblestar wom. Doleske kamell tumen miro dad ninna o djijestar.

2. Mose 23:25

Mangenn man, tumaro baro Debles, kokres an! Palle krau, te hi tumen doha maro un bud pani. Un me lau hako nasslepen, hoi mashkral tumende hi, tumendar krik.

Mateo 6:33

Mukenn o Debles o rai pral tumende te well, un krenn lauter, hoi job kamella! Un o Dewel dell tumen lauter, hoi tumen hunte well djipaske.

Gosewe laba 10:22

Te tchiwell o baro Dewel peskri bacht ap tute, weh tu brawelo. Un kowa, hoi tu koi pashel kreh, hi tchitcheske.

Hiob 42:12

Un o baro Dewel tchiwas budeder bacht ap o Hiob har glan kowa. Un job las 14.000 (deesh-te-star-serja) bakre un 6.000 (shob-serja) khamele un 2.000 (dui serja) grumja un 1.000 (jek sero) burike.

5. Mose 28:11

Un o baro Dewel krell, te well tumen bud latchepen, budeder har doha. Job dell tumen bud tchawe un bud vieche. Bud djob un wawar koowa well baro ap tumari phub an ko them, kai o baro Dewel pes glan tumare phurende sowel das, te dell lo les tumende.

Debleskri gili 1:3

Kowa hi har i ruk, hoi tardo hi pash o pani. Ap o tchatcho tsiro wenn leskre rukengre baro. Un leskre patria atchenn senelo. Lauter, hoi job krella, djala mishto.

5. Mose 7:7

Kowa kras lo gar doleske, kai hans budeder har kol wawar. Na-a, tumer han i tikneder natsjona har kol wawar.

Debleskri gili 11:7

O baro Dewel hi an o tchatchepen tardo, un kamell hakenes, kai o tchatchepen krella. Koon ap leste shunella peskro tselo djijeha, kowa dikell les peskre jakentsa.

3. Mose 26:9

Me dikau latches ap tumende, un krau, te lenn bud tchawe, jaake te wenn bud. Un hoi man sowel dom, te dap tumende, rikrau dren.

5. Mose 13:17

Un lengro tselo brawlepen anenn khetne mashkral ap o foreskri platsa! Un chatchrenn ko tselo foro pre un lauter, hoi an leste hi, tumaro baro Debleske! Tchi har barra hunte atchell pral ko forestar hako tsireske. Un an kek tsiro well lo buder newes kerdo.

5. Mose 30:5

Tumaro baro Dewel anell tumen an ko them, koles tumare phurenge his. Un tumer lenn les tumenge dren. Un job dell tumen bud brawlepen, un krell tumendar budeder har tumare phure his.

Debleskri gili 127:3

Tumare tchawen das o baro Dewel tumende. Hi i kutch koowa, te nai lell jek tchawe.

Debleskri gili 146:8

O baro Dewel krell, te nai dikenn i korele pale. O baro Dewel hadell kolen pale pre, kai tele dino hi. O baro Dewel kamell kolen o djijestar, kai an o tchatchepen tardo hi.

Gosewe laba 15:9

O baro Dewel dikell chojedes ap kowa, hoi i tchilatche krenn. Koon peskro tselo djijeha o tchatchepen krell, koles kamell job.

5. Mose 1:8

Kau tselo them tchiwom me glan tumende, djan tumer koi, un lenn les tumenge dren! Kowa hi ko them, kolestar o baro Dewel tumare phurende, o Abrahameste un o Isaakeste un o Jakobeste pes sowel das, te dell lo les lende un lengre tchawende un kolende, kai pal lende wenna.

5. Mose 28:1

Kau diwes penau tumenge o baro Debleskre tsele laba, pal kolende hunte djiwenn. Shunenn ap tumaro baro Debleste, un krenn pal kal laba! Palle krell tumendar tumaro baro Dewel i natsjona, hoi budeder an-diklo hi har i tsele wawar natsjone ap i phub.

Nehemia 9:32

Maro Dewel, har baro hal tu, jaake sorelo, te daras mer tutar. Tu pandal tiro dji ap mende, un rikreh tiro lab, hoi dal tut sowel. Kanna mangah tut, ma biste koi tseli bibacht, hoi pral mende was, pral mare bare rajende un mare pralstunende, pral i rashajende un o Debleskre rakepangre, pral mare phurende un men lauterende, an ko tselo tsiro, har wan i bare raja dran o them Assur pral mende bis ap kau diwes.

Hiob 1:10

Tu deh jak ap leskro kheer un ap lauter, hoi les hi. Tu tchiwal tiri bacht ap lauter, hoi job an-taprell. Un leskre vieche wan bud un budeder an o tselo them.

Debleskri gili 107:38

Un job das len bacht, un jon wan bud un budeder. Un job das len ninna bud viechen.