5. Mose 6:6 - O Debleskro Drom 2021 (Sinte)

⁶ Un kol laba, hoi me tuke kau diwes penau, less an tiro dji,

O Debleskro Lab 2024 (Sinte-Manouche)

⁶ Oun kol laba, hoy me touke kava dives penau, less an tiro dji,

5. Mose 6:6 Referans Kwoze

Kolossarja 3:16

Ma mukenn tele, te rakrenn un shunenn o lab o Jesus Kristestar! Rakrenn les tumenge an o dji! Awenn gosewo koi pashel, te sikrell jek o wawareste, har te djal lo ap o Debleskro drom! Giwenn Debleskre gilja un sawe gilja, hoi sharenn o Debles, ninna sawe gilja, hoi o Debleskro Ducho an tumende tchiwella! Awa, giwenn o Debleske, un sharenn les an tumare djia!

Jeremia 31:33

Ko newo koowa, hoi palle i menshentsa Israel win krau, hi wawartchandes. Me dau len mire laba an lengre djia un an lengre sherja. Me wau lengro Dewel, un jon wenn mire menshe. Kawa penell o baro Dewel.

Gosewe laba 7:3

Pande len trul tiro gushto, tchin len an tiro dji!

5. Mose 11:18

Ma bistrenn kal laba! Tchiwenn len ap tumare djia, un pandenn len trul tumare mussja un trul tumaro shero, te bistrenn len gar!

Debleskri gili 37:31

O Debleskre laba hi an leskro dji. Un job perell gar o tchatcho dromestar tele.

2. Korintarja 3:3

Dran mari budi wan tumer pash o Jesus Kristeste. Un kanna han har i liil, hoi wella o Jesus Kristestar. Kau liil tchinas o Ducho o djido Deblestar, un kek mensho. Kau liil was gar tchinlo ap i barra. Na-a. Kau liil was tchinlo an i menshengre djia, an tumare djia.

5. Mose 32:46

Denn jak ap kal tsele laba, hoi tumenge kau diwes penom. Penenn len ninna tumare tchawenge, un denn len trad, te rikrenn le pen ap kol tsele tchatchepaskre laba, un djiwenn pal lende.

Debleskri gili 119:11

Me rikrau tiro lab an miro dji, te anap kek doosh ap mande.

Jesaja 51:7

Shunenn, hoi penau, tumer, kai prindjrenn o tchatchepen, tumer menshe, kai kamenn miro drom te djal. Ma darenn glan ko praassepen, koleha i menshe tumen praassenn! Ma darenn glan lengro baro mui!

Louka 8:15

Koi latchi phub hi har o dji kol menshendar, kai o Debleskro lab shunenna, un djiwenn koi pal. An lengre djia well ko lab sorelo. Un jon atchenn soreles an o patsepen tardo.”

Gosewe laba 3:5

Tchip tiro tselo dji ap o baro Debleste! Ma pats, kai djineh kokres, hoi mishto un tchatcho hi!

Louka 2:51

Palle djas lo lentsa pale an o foro Nazaret, un kras lauter, hoi jon penan leske. Leskri dai rikras kol tsele laba, hoi o Jesus penas, an peskro dji.

Debleskri gili 119:98

Tire laba hi hako tsiro miro brawlepen, un krenn man gosweder har kolen, kai mange tchilatchepen kamenn.

Debleskri gili 40:8

Doleske penom tuke: Ake hom. Me krau, hoi mandar tchinlo hi an o liil:

2. Johanni 1:2

O tchatchepen atchell an mende, un hi pash mende hako tsiro. Doleske kamah tumen o djijestar.

1. Mose 18:19

Me rodom les mange win, te penell lo peskre tchawenge un kolenge, kai pal leste wenna, te rikrenn pen le ap miro drom un krenn, hoi mishto un tchatcho hi, te nai mukap me halauter ap o Abrahameste te well, hoi me leske penom.”

2. Samuel 22:23

Awa, leskro tselo tchatchepen hi glan mire jaka, un rikrau ap lauter, hoi job kamell, te krap.

5. Mose 11:20

Un tchinenn len ap i pesse kashta tchatches un serwes pash tumaro khereskro wudar un ap i foreskre wudja.

Debleskri gili 119:13

Me penau i wawarenge, har tu o tchatchepen wi-rakral.

Debleskri gili 119:30

Me kamau tiro drom an o tchatchepen te djal, un jaake djiwell har tire tchatchepaskre laba menge penenn.