5. Mose 34:5 - O Debleskro Drom 2021 (Sinte)

⁵ Un o Mose, koles o baro Debleskro tchatcho wast hi, meras kote an o them Moab, jaake har o baro Dewel les penas.

O Debleskro Lab 2024 (Sinte-Manouche)

⁵ Oun o Mose, koles o baro Debleskro čačo vast hi, meras kote an o them Moab, yaake har o baro Devel les penas.

5. Mose 34:5 Referans Kwoze

5. Mose 32:50

Un tu mereh ap koi berga, ap koja tu pre djal, un tu weh paskedo, har tiro phraal Aron meras ap i berga Hor un kote paskedo was.

Debleskro tsiro 15:3

Un jon giwan koi gili, hoi o Debleskro budepaskro, o Mose, giwas. Jon giwan lat o terno bakreske, un penan: Baro un shukar hi halauter, hoi tu kral, maro rai, tu sorelo Dewel! Mishto un tchatcho hi tire dromma, baro rai pral i tsele themma!

2. Petro 1:1

Me, o Simon Petro, tchinau kau liil. Me budrau o Jesus Kristeske un hom leskro bitchepaskro. Me tchinau ap lauterende, kai lan ninna ko patsepen har mer. Ko kutch patsepen, kai tchiwas men an o tchatchepen glan o Debleste, das men maro Dewel un o Jesus Kristo, kai las men dran o tchilatchepen win.

2. Timoteo 2:25

ninna te kamenn le gar ap leste te shunell. Job rakrell latches lentsa, te anell lo len ap o tchatcho drom! O Dewel nai dell len o dji, te mukenn le pengro tchilatcho drom, un te haiwenn le, hoi o tchatchepen hi.

5. Mose 31:14

O baro Dewel penas ap o Mose: “Tire diwessa wan, te hunte meress: De o Josua gole, un ab khetne leha pash o Debleskro plachteno kheer, te tchiwap les dren an leskri budi.” Un o Mose un o Josua djan dren an o Debleskro plachteno kheer,

4. Mose 12:7

O Moseha, koles miro tchatcho wast hi, krau gar jaake. Leste dom miro tselo kheer an o wast.

5. Mose 31:16

O baro Dewel penas ap o Mose: “Sik well o diwes, kai mereh. Un pal tiro merepen mukenn i Israelitarja miro drom, un nashenn kol deblenge palla ko themestar, an koleste wenna. Un jon djan penge mandar, un krenn buder gar, hoi lentsa win krom.

2. Rajengro liil 1:17

Un o Ahasja meras. Kowa was jaake har o baro Dewel rakras, un o Elija ap o Ahasja penas. Les his kek tchawo. Doleske was pal leste leskro phraal, o Joram, o baro rai. Leskro dad his o Josafat. An ko tsiro his o Joram an o duito bersh baro rai pral o them Juda.

2. Familjakro liil 1:3

Khetne lentsa djas o Salomo ap i mangepaskri platsa pash o foro Gibeon. Kote his o Debleskro plachteno kheer tardo. Ko kheer mukas o Mose, koles o baro Debleskro wast his, an o mulo tato them te krell.