5. Mose 33:1 - O Debleskro Drom 2021 (Sinte)

¹ Un glan peskro merepen rakras o Debleskro mursh, o Mose, i Debleskri bacht win pral i Israelitarja, un penas:

O Debleskro Lab 2024 (Sinte-Manouche)

¹ Oun glan peskro merepen rakras o Debleskro morsh, o Mose, i Debleskri barht vin pral i Israelitarya, oun penas:

5. Mose 33:1 Referans Kwoze

Josua 14:6

Har i Israelitarja pash Gilgal his, wan i mursha dran o kheer Juda pash o Josua. Un o Kaleb, koleskro dad o Jefunne his, dran o kheer Kenas, penas ap leste: “Tu djineh, hoi o baro Dewel ap o Debleskro mursheste, o Moseste, penas, har hams an o foro Kadesh-Barnea, har trul tute un mande djas.

2. Petro 1:21

An kek tsiro was o Debleskro lab i menshendar. Kol Debleskre rakepangre rakran, hoi o Dewel lenge penas. Kowa tchiwas lenge o Debleskro Ducho an o dji.

2. Timoteo 3:17

I mensho, kai kamell o Debleske koi te well, hatsell an o Debleskro lab lauter, hoi les hunte well, te nai krell lo lauter jaake, har o Dewel kamella.

1. Timoteo 6:11

Tu hal i Debleskro mursh. Rike tut ko tselo koowa pale! Kre lauter, te wess an o tchatchepen tardo, un te djiwess jaake, har o Dewel kamella! Kre ninna lauter, te atchess an o patsepen, un te kamess i menshen o tselo djijestar! Te djal tuke gar mishto, rike win! Ab latches ap i wawarende!

Johanni 16:33

Kowa lauter penom tumenge, te well tumen i bari bacht an o dji pral kowa, kai han mire. Kate ap kai phub hi tumen daar. Ma darenn! Me hom sorleder har halauter ap kai phub.”

Johanni 14:27

Ninna te hom me gar pash tumende, atchell koi bacht, hoi me dom tumen, an tumare djia. Me dau tumen miri bacht. Koi bacht nai denn tumen gar i menshe ap kai phub. Ma trashenn! Ma awenn dareno!

Debleskri gili 90:1

O mangepen o Mosestar, ko Debleskro murshestar. Baro Dewel, maro rai, tu hal kowa, pash koleste nai wah un khere ham.

1. Rajengro liil 13:6

Koi penas o baro rai ap ko Debleskro mursheste: “Mange tu o baro Deblestar, kai tiro Dewel hi, un mange lestar mange, te krell lo miro wast pale sasto!” Un o Debleskro mursh mangas o baro Debles, un o baro rajeskro wast was pale sasto – jaake har lo glan kowa his.

1. Rajengro liil 13:1

Koi was i Debleskro mursh dran Juda, koles bitchras o baro Dewel an Betel. Job was koi, har his o Jerobeam pash koi chatchepaskri tardo un chatchras sungepaskro koowa.

1. Samuel 2:27

Un i Debleskro mursh djas pash o Eli un penas leske: Kawa penell o baro Dewel: Tu djineh mishto, har krom man prindjedo pash tire phurende, pash o kheer Aron, har i Israelitarja an o them Egiptia his un hunte budran o Faraeske.

Čačepangre 13:6

Un koi djuwel djas pash peskro romeste un penas ap leste: “I Debleskro mursh was pash mande. Un job dikas win har i bolepaskro o Deblestar, jaake te lom daar. Un doleske putchom me lestar witar gar, kai job wella. Un job penas mange gar, har job kharella.

1. Mose 49:28

Kolla lauter hi i deesh-te-dui bare familje, hoi wenna o Israeleskre deesh-te-dui tchawendar. Kol labentsa penas lenge lengro dad, har lenge djala an ko tsiro, kai wella. Hakeneske his les i wawar lab.

1. Mose 49:1

Un o Jakob das peskre tchawen gole un penas: Awenn khetne! Me penau tumenge, hoi tumenge djala an ko tsiro, kai wella.

1. Mose 27:4

Un kre mange i latcho chapen, jaake har me kowa kamau. Un an les mange, te chap un te rakrap nai glan miro merepen o Debleskri bacht pral tute win.”

1. Familjakro liil 23:14

I tchawe o Mosestar, ko Debleskro murshestar, wan pash o kheer Levi kharedo.

Jeremia 35:4

un anom len an o baro Debleskro kheer, an koi bari isema i tchawendar o Debleskro murshestar, o Hanan, koleskro dad o Jigdalja his. Koi bari isema hi langs koi isema o pralstunendar un pral koi isema o Maasejestar, koleskro dad o Shallum hi. O Maaseja his kowa, kai das garda ap o wudar.

2. Familjakro liil 8:14

Un jaake har peskro dad, o David penas, tchiwas o Salomo i rashajen jaake khetne, har hunte budrenn le khetne. Ninna penas lo ap i Levitarja, hawi budi jon hunte krenn: Koi his sawe mank lende, kai giwan, un wawar wan i rashajenge pash o wast, jaake har hunte his hako diwes. Ninna i wudjengre mursha wan jaake khetne anlo, har hunte denn le jak ap i wudja. Hako wudareske his sawe koi, kai dan jak ap leste. Jaake penas kowa o David, ko Debleskro mursh.