5. Mose 3:8 - O Debleskro Drom 2021 (Sinte)

⁸ Jaake lam menge an ko tsiro ko them dren, hoi his an i wasta kol dui bare rajendar pral i Amorarja, – ko them, hoi ap i wawar rig o lengsto panjestar Jordan tchiddo hi, mank o lengsto pani Arnon un i berga Hermon.

O Debleskro Lab 2024 (Sinte-Manouche)

⁸ Yaake lam menge an ko tsiro ko them dren, hoy his an i vasta kol douy bare rayendar pral i Amorarya, – ko them, hoy ap i vavar rig o lengsto panyestar Yordan čiddo hi, mank o lengsto pani Arnon oun i berga Hermon.

5. Mose 3:8 Referans Kwoze

Josua 12:1

Un kalla hi kol bare raja, pral kolende i Israelitarja i sorleder wan, un lengre themma dren lan. Dui his i raja pral o them ap koi rig o panjestar Jordan, kai o kham pre djala, mank o pani Arnon un koi berga, hoi kharell Hermon, ninna pral koi tseli tala ap koi rig o panjestar Jordan, kai o kham pre djal.

Josua 13:8

Ko wawar paash kol familjendar dran o kheer Manasse, ninna kol familje dran i khera Ruben un Gad, jon lan pengro kotar them ap i wawar rig o panjestar Jordan, kote kai o kham pre djal. O Mose, koles o baro Debleskro tchatcho wast his, das len les kote:

1. Rajengro liil 4:19

O Geber, koleskro dad o Uri hi, job his o pralstuno pral o them Gilead, kai glan i tsiro o Sihon o rai his, ko baro rai pral i Amorarja, un o Og o baro rai pral Bashan his. Kokres jek mursh his o pralstuno pral kau them.

Debleskri gili 42:6

Hoske rowell miro dji, un hi jaake pharo an mande? Ap miro Debleste kamau te dikell. Me djinau, te well i tsiro, kai sharau les, miro Debles, te was lo ap miri rig.

Debleskri gili 89:12

O bolepen, tiro hi lo, un i phub, tiri hi li, un tu kral lauter, hoi dren hi.

5. Mose 4:47

Un jon lan leskro them penge dren, ninna o them, kai o Og o rai his pral o them Bashan. O Sihon un o Og, kol dui his i raja pral i Amorarja ap kai rig o panjestar Jordan, kai o kham pre djala.

5. Mose 4:48

Kau tselo them djas o forestar Aroer, hoi pash o lengsto pani Arnon tchiddo hi, bis pash i berga Sihon, hoi kharella ninna berga Hermon.

1. Familjakro liil 5:23

Un koi paash familja Manasse djiwas an o them mank Bashan un Baal-Hermon un bis pash o Senir un i berga Hermon. Un jon wan bud un budeder.

Debleskri gili 42:7

Kanna, mo Dewel, rowell miro dji. Doleske dikau ap tute kote, kai hom: an o them pash o pani Jordan, pash i berge Hermon un Misar.