5. Mose 26:7 - O Debleskro Drom 2021 (Sinte)

⁷ Kote dam mer gole ap o baro Debleste, kai o Dewel mare phurendar his. Un o baro Dewel shunas mari gole, un dikas mari bibacht un mari daar un maro pharo djipen.

O Debleskro Lab 2024 (Sinte-Manouche)

⁷ Kote dam mer gole ap o baro Debleste, kay o Devel mare phourendar his. Oun o baro Devel shounas mari gole, oun dikas mari bibarht oun mari daar oun maro pharo djipen.

5. Mose 26:7 Referans Kwoze

2. Mose 2:23

Pal i rah tsiro meras o baro rai pral o them Egiptia. Fothe phares hunte budran i Israelitarja tel dawa un dan gole, te shunas len o Dewel.

2. Mose 3:9

Me shunom i Israelengri gole un dikom, hoi i Egiptarja ap lende krenna. Jon phagenn len, fothe denn le len dawa.

Jeremia 33:2

Kowa penell o baro Dewel, kai halauter krell un mukell lauter te well, hoi lo peske glan las. ‘Baro Dewel’ hi leskro lab.

Debleskri gili 119:132

Risse tut pash mande, un ab mange latches, jaake har kolenge hal, kai kamenn tut o djijestar.

Debleskri gili 50:15

Un de gole ap mande ap ko diwes, kai hal an i bibacht! Palle lau tut win, un tu sharess man.”

1. Samuel 9:16

“Taissar kau tsireske bitchrau me i murshes dran o them Benjamin pash tute. Koles less tu un makess les o kutch djeteha, te well lo rai pral mire menshende, i Israelitarja. Kowa lell len win dran o wast i Filistarendar. Me dikom har phares jon o djipen mire menshendar kran. Un lengri gole was glan mande.”

2. Mose 6:5

Ninna shunom me i gole, har i Israelitarja gole dan i dukatar, har i Egiptarja lenge i sorjah phari budi pre tchiwan. Un me bistrom miro lab gar un rikrau les.

2. Mose 4:31

Un jon patsan len. Un har shunan i Israelitarja, te dikas o baro Dewel lengro pharo djipen, un kamell lenge latchepen te krell, koi witsran pen le ap i phub, un mangan o Debles an.

2. Samuel 16:12

Nai well, kai o baro Dewel dikell miri bibacht, un krell latchepen dran ko praassepen.”

1. Mose 21:17

Un o Dewel shunas ko tchaweskri gole. Un o Debleskro bolepaskro das i Hagar gole dran o bolepen un penas ap late: “Hoi hi tut, Hagar? Ma traash! O Dewel shunas ko tchaweskri gole, kote kai job tchiddo hi.

1. Mose 29:32

Un i Lea was an wawar koowa un anas i tchawes ap i phub. Koles das joi ko lab Ruben un penas: “O baro Dewel dikas miri bibacht. Tchatchepah, kanna kamell man miro rom.”

2. Mose 2:25

Un o Dewel dikas latches ap i Israelitarja un was ap lengri rig.

Debleskri gili 31:8

Miro dji sal un me stau i bachtjatar pral tiro latchepen. Tu dikal, har mange djungeles djas, un djinal, har pharo miro djipen his.