5. Mose 26:10 - O Debleskro Drom 2021 (Sinte)

¹⁰ Kanna anau ko ersto djob, hoi bares was an ko them, hoi o baro Dewel man das.” Palle tchiwess tu les glan tiro baro Debleste tele, un witsress tut tele glan leste, te mangess les an.

O Debleskro Lab 2024 (Sinte-Manouche)

¹⁰ Kanna anau ko ersto djob, hoy bares vas an ko them, hoy o baro Devel man das.” Palle čivess tou les glan tiro baro Debleste tele, oun vitsress tout tele glan leste, te mangess les an.

5. Mose 26:10 Referans Kwoze

Debleskro tsiro 22:9

Un job rakras ap mande un penas: “Ma kre kowa! Me hom o Debleskro budepaskro har tu un tire phrala, kai o Debleskre rakepangre hi. Un me hom ninna jek kolendar, kai rikrenn kal laba an pengre djia, hoi an kau liil tchinlo hi. Ma share man! Share o Debles!”

1. Korintarja 10:31

Hoi tumer ninna krenna un chana un pijenna, kowa krenn lauter jaake, te well o Dewel sharedo.

Remarja 2:1

Tu mensho, kai dikeh ap kolende un peneh, har baro hi lengri doosh, tu nai peneh gar tutar: “Man hi kek doosh ap mande.” Ko tchilatchepen, hoi tu ap o wawareste dikeh, hi ninna ap tute. Tu te sikreh ap o wawareskri doosh, rakreh tu o tchatchepen pral tute win.

Jesaja 66:23

Un hako tchon, ap ko diwes, kai well o newo tchon diklo, un hako kurko ap o Debleskro diwes, wenna menshe dran hake themma glan mande, te witsrenn le pen glan mande tele, penell o baro Dewel.

Gosewe laba 3:9

De o baro Debleste tiro brawlepastar un ko feteder kolestar, hoi tuke khetne anal, jaake hadeh leskro lab.

Debleskri gili 95:6

Awenn, mangas les an! Te djas ap mare tchanga, un peras tele glan o baro Debleste! Job hi kowa, kai kras men.

Debleskri gili 86:9

I tsele natsjone, kolen tu kral, kolla wenna un mangenn tut an, maro rajes, un sharenn tiro railepen.

Debleskri gili 22:29

O baro Dewel hi o rai pral i tseli phub. Awa, o baro rai hi lo pral i tsele themma.

Debleskri gili 22:27

Mu chan i tchorwele un wenn tchalo! Un kolla, kai ap o baro Debleste gole denna, mu sharenn les! Lenge te well i djipen, hoi gar pre-herella!

1. Familjakro liil 29:14

Me hom tchi, un mire menshe hi tchi. Mendar nai dah tut gar sawo bud koowa! Lauter, hoi men hi, well tutar. Ninna kau koowa, hoi dam tute, lam tutar.

5. Mose 26:17

Kau diwes penas o baro Dewel tuke, te hi lo tiro Dewel, un kamell, te djas tu ap leskre dromma un kress, hoi lo tutar kamell, un djiwess pal leskre laba un leskro tchatchepen, un shuness ap leste.

5. Mose 26:4

Un ko rashai lell koi korba dran tiro wast un tchiwell lat glan i chatchepaskri, kai o baro Debleske chapen un vieche chatchedo wenna.

5. Mose 26:2

palle less tu ko ersto djob, hoi ap tiro phub bares was. Un tu tchiwess les an i korba un aness les pash koi platsa, kai job kamell, te well lo kote an-mangedo.

5. Mose 18:4

Ninna well i rashajen hako bersh o newo djobestar, i newi moljatar un o newo djetestar, hoi tumer dren anan. Ninna o bakrengro bal, hoi o ersto kopo tele tchinlo well, hi lenge.

2. Mose 22:29

Jaake kress ninna tire grumjentsa un tire bakrentsa un busjentsa. Efta diwessa atchenn le pash pengri date. Un ap o ochtato diwes dess len mande.

2. Mose 23:19

Tu aness o feteder halauterestar, hoi ap tiri phub bares was tiro baro Debleske an leskro kheer. Tu keress gar i terni busni an i thud peskri datar.

5. Mose 8:18

Doleske ma bistrenn tumaro baro Debles! Job hi kowa, kai tut i soor das, te nai lenn tumenge brawlepen khetne. Un jaake rikrell job kowa, hoi lo tumare phurentsa win kras. Ninna kau diwes rikrell lo pes ap kowa.

Gosewe laba 10:22

Te tchiwell o baro Dewel peskri bacht ap tute, weh tu brawelo. Un kowa, hoi tu koi pashel kreh, hi tchitcheske.