5. Mose 23:9 - O Debleskro Drom 2021 (Sinte)

⁹ I tchawe lengre tchawengre tchawendar, kolla nai wenn kote tumentsa khetne, kai o baro Debleskre menshe khetne wenna.

O Debleskro Lab 2024 (Sinte-Manouche)

⁹ I čave lengre čavengre čavendar, kolla nay venn kote t'mentsa khetne, kay o baro Debleskre menshe khetne venna.

5. Mose 23:9 Referans Kwoze

Josua 6:18

Tumer, denn jak, te lenn tumenge tchi kolestar, hoi hunte well mulo dino. Kowa te krenn tumer, palle anenn tumer bari bibacht un o merepen pral i tsele Israelitarja.

2. Familjakro liil 19:4

Un o Josafat djiwas an o foro Jerusalem, un djas pale an o tselo them trujel fun o foro Beersheba bis pash i berge Efrajim, un anas i menshen pale pash o baro Debleste, kai o Dewel lengre phurendar his.

Čačepangre 20:26

Pale djan i tsele lurde dran Israel pre an o foro Betel, un rowan un dan gole glan o baro Debleste. Un chan tchi un pijan tchi ko tselo diwes bis i rat was. Un jon chatchran viechen o baro Debleske, sawe kai wan tseles chatchedo un sawe, kai chan le khetne glan o baro Debleste.

Louka 3:14

Ninna i lurde putchan lestar: “Har hi mentsa? Hoi te kras mer?” Lenge penas lo: “Ma krenn kekeske tchilatcho koowa, un lenn kekestar lowe i sorjah! Kol lowe, hoi plaissrenn i pralstune tumenge, kol lowe mukenn tumenge doha te well!”

2. Familjakro liil 31:20

An o tselo them Juda kras o Hiskija jaake, har mishto un tchatcho his glan o baro Debleste. Jaake djiwas lo peskro Debleha.

5. Mose 23:8

I Edomarjen tchiwenn gar pale! Jon hi tumare phrala. Witar gar tchiwenn i Egiptarjen pale. An lengro them djiwan i rah tsiro.

5. Mose 23:10

Te djan tumer win, te kurenn tumen kolentsa, kai kamenn tumen gar an pengro them, palle denn tumen jak, te krenn koi platsa gar pale-tchiddo, kai tchiwenn tumare plachtene khera pre.

Jesaja 56:3

Un i wi-themari, kai djal ap o baro Debleskro drom, kowa hunte penell gar: O baro Dewel tchiwell man pale peskre menshendar. Un ko mursh, kai jaake tchinlo hi ap peskro mass, te lell lo buder kek tchawe, hunte penell gar: Me hom i mulo ruk!