5. Mose 20:5 - O Debleskro Drom 2021 (Sinte)

⁵ Pal kowa hunte rakrenn i pralstune ap i kurepangre un putchenn: Hi mank tumende jek, kai i kheer pre tardo tchiwas un mukas gomme gar o Debleskri bacht pral kowa win te rakrell? Kowa hunte djal pale an peskro kheer, te merell lo gar an o kurepen, un i wawar mursh djiwell an leskro kheer.

O Debleskro Lab 2024 (Sinte-Manouche)

⁵ Pal kova hounte rakrenn i pralstoune ap i kourepangre oun poučenn: Hi mank t'mende yek, kay i kheer pre tardo čivas oun moukas gomme gar o Debleskri barht pral kova vin te rakrell? Kova hounte djal pale an peskro kheer, te merell lo gar an o kourepen, oun i vavar morsh djivell an leskro kheer.

5. Mose 20:5 Referans Kwoze

Nehemia 12:27

Un har i massuri trul o foro Jerusalem kerdo was, kran le i baro festo, un mukan i Levitarjen gole te dell dran lengre tsele gaba, te denn jon i massuri an o Debleskro wast un parkrenn pen pash leste bachtele djijentsa, un giwenn un bashrenn leske ap sasterne patria, hoi wenn khetne dino, un ap dorjengre bashepangre, hoi kharenna Harfe un Laute.

1. Samuel 17:18

Un kal deesh kotja kiral an o pralstuno lurdeske, un putch, har tire phralenge djal. Un pale muk tut lendar tchomone te dell, ap kowa nai dikau, te djal lenge mishto!

5. Mose 16:18

Tchiwenn tchatchepangre murshen un wawar pralstunen dren an tumare forja, hoi tumen tumaro baro Dewel della! Jaake te hi an hako them kol deesh-te-dui bare familjendar tchatchepangre, kai rakrenn o tchatchepen jaake win pral pengre menshende, te lell hakeno peskro tchatchepen.

5. Mose 1:15

Un me lom i pralstune murshen dran tumare bare familjen, gosewe un an-dikle murshen un tchiwom len pral tumende, te wenn le tumare tchatchepangre mursha. Jon wan pralstune pral 1.000 (jek sero), pral 100 (jek sheel) un pral 50 (i paash-sheel) un pral 10 (deesh).

4. Mose 31:48

Un pash o Moseste wan kolla, kai penepaske hi pral kol bud lurdende, kol pralstune pral i sero lurdende un pral i sheel lurdende,

4. Mose 31:14

Un o Mose was chojedo pral i pralstune lurdende un pral kol pralstune pral i serja un pral sheel lurdende, kai dran o kurepen wan.

Debleskri gili 30:1

I gili o Davidestar, te giwenn le ap kol bare diwessa, kai o Debleskro kheer kerdo was.

5. Mose 20:6

Hi mank tumende jek, kai drakengre ruka an i phub tchiwas, un las gomme kek drake dren? Kowa hunte djal pale an peskro kheer, te merell lo gar an o kurepen, un i wawar mursh lell kol drake.