5. Mose 2:34 - O Debleskro Drom 2021 (Sinte)

³⁴ Palle lam leskre tsele forja dren, un dam hakenes mulo: mursha un djuwja un tchawe, kek lendar atchas djido.

O Debleskro Lab 2024 (Sinte-Manouche)

³⁴ Palle lam leskre tsele forya dren, oun dam hakenes moulo: morsha oun djouvya oun čave, kek lendar ačas djido.

5. Mose 2:34 Referans Kwoze

1. Samuel 15:3

Doleske dja kanna an o kurepen un kure tut i Amalekarja, un de len halauter mulo: mursha un djuwja, tchawe un ternepen, grumja un bakre, khamele un burike.’”

5. Mose 7:2

Te dell tumaro baro Dewel len an tumare wasta, un tumer denn len, palle hunte marenn len halauteren. Tumer hunte krenn gar lentsa win, te wenn lengre mala, un hunte sikrenn kek latchepen ap lende.

5. Mose 3:6

Un mer dam hakenes mulo, kai kote djiwell: mursha un djuwja un tchawe, jaake har les ninna o baro rajeha Sihon an Heshbon kram.

Josua 11:14

Un o kutch koowa, hoi an kol forja his, ninna i tsele vieche tchoran penge i Israelitarja. I tsele menshe dan le o chareha mulo un mukan kekes lendar djido.

Josua 7:11

O Israel anas bari doosh ap peste! Jon rikran pen gar ap mire laba, hoi lenge penom, te hunte rikrenn le. Un jon lan kolestar, hoi mange his un tchoran les un tchiwan les tchorchanes pash pengro koowa pashel.

5. Mose 7:26

Tumer hunte anenn kek sawi figura an tumare khera, te wenn tumer gar lentsa khetne mulo dino. Tchatchepah, dikenn ap lende har ap i djungelo koowa, un denn len paash.

Josua 9:24

Un jon penan ap o Josua: “Maro rai, mer shunam, te hi kowa tchatcho, te penas o baro Dewel ap o Mose, koles leskro tchatcho wast his, te dell lo tumen o tselo them, un te hunte wenn halauter mulo dino, hoi dren djiwenn. Doleske his men bari daar maro djipaske, un kram kawa jaake.

Josua 6:21

Un jon dan lauteren i chareha mulo: i tsele murshen, djuwjen, terne un phure, grumja, bakre un burike.

Josua 10:28

Un ko diwes las o Josua ninna o foro Makkeda dren. Un o baro rajes un lauteren, kai an ko foro djiwan, das lo mulo, un mukas kekes djido. Un o baro rajeha pral o foro Makkeda, kras lo jaake har lo les ninna o baro rajeha pral o foro Jericho kras.

Josua 10:40

Jaake las o Josua o tselo them dren: o pralstuno them, un o them, kai o kham pralstunes hi, ninna o telstuno them un o them ap i berge, – ko tselo them mank Kadesh-Barnea un Gaza, un mank Gosen un Gibeon. O Josua das i tsele bare rajen mulo, ninna lengre tsele menshen. Un job mukas kekes ap o djipen te atchell, jaake har penas leske o baro Dewel, – o Dewel pral o Israel.