5. Mose 2:15 - O Debleskro Drom 2021 (Sinte)

¹⁵ Leskro wast his phares ap lende, bis te kol tsele kurepangre mulo his, un kek lendar pral atchas.

O Debleskro Lab 2024 (Sinte-Manouche)

¹⁵ Leskro vast his phares ap lende, bis te kol tsele kourepangre moulo his, oun kek lendar pral ačas.

5. Mose 2:15 Referans Kwoze

Debleskri gili 106:26

Kote hadas lo peskro wast un das pes sowel, te marell lo len an o mulo tato them,

1. Korintarja 10:5

Ninna te his jaake, nai dikas o Dewel gar latches ap bud lendar. Un jon meran an o mulo them.

Jesaja 66:14

Tumer dikenn kowa, un tumare djia giwenna. Un tumer lenn newi soor, jaake har o senlepen, te dell brishin. Un i menshe dikenn, te hi o baro Debleskri soor pash peskre budepangre, un leskri choli ap kolende, kai shunenn gar ap leste.

Debleskri gili 78:33

Koi kras lo, te djal lengro djipen sik trujel, un lengre bersha his pherdi daar.

Debleskri gili 32:4

Miro Dewel, diwes un rati his tiro wast phares ap mande tchiddo, un miri djipaskri soor djas jaake peske mandar, har o senlepen peskri soor nashrella an o tato nijal.

1. Samuel 7:13

Jaake peras i ladj ap i Filistarja. Un jon wan buder gar an o Israeleskro them. Un o wast o baro Deblestar his phares tchiddo ap lende, jaake rah har o Samuel djiwas.

1. Samuel 5:11

Koi dan le pale i tsele rajen pral i Filistarja khetne gole un penan: “Bitchrenn o mochton o Israeleskro Deblestar pale, kai lo was, te marell lo men un mare menshen gar.” I bari daar his an o tselo foro, fothe phares his o Debleskro wast ap lende tchiddo.

1. Samuel 5:9

Un har jon ko mochton kote anan, was o baro Debleskro wast phares ap o foro, un lauter, tikne un bare lan ko djungelo nasslepen. Un i bari daar tapras len.

1. Samuel 5:6

Un o baro Debleskro wast tchiwas pes phares ap i menshende an Ashdod un anas bibacht ap lende. I djungelo nasslepen was ap kolende, kai djiwan an Ashdod un an i gaba trujel.

Čačepangre 2:15

Un kai le ninna djan, te kurenn le pen, his o baro Dewel gar lentsa un das len kek bacht. Jaake was kowa, hoi o baro Dewel lenge penas un leskro wast pre das. Un jon wan an phare tsirja.

Judas 1:5

Ninna te djinenn tumer kowa lauter, kamau, te bistrenn gar, har o Dewel, maro rai, peskre menshen dran o them Egiptia win las. Un ap i wawar tsiro maras lo kolen, hoi gar patsan.

4. Mose 14:28

Doleske pen ap lende: Jaake tchatcho har kowa hi, kai me djiwau, penell o baro Dewel, me kamau kowa te krell tumentsa, hoi tumer glan mire kanda penan.