5. Mose 19:6 - O Debleskro Drom 2021 (Sinte)

⁶ Te wals an o tselo them kokres jek sau foro, nai wals ko drom dur koleske, kai hunte nashell peske kote. Un kowa, kai kamell o rat o mulestar pale te anell ap o shero kolestar, kai maras les, un lell les pherdi choli palla, kowa nai lals les dren un dals les mulo – koles, kai kek doosh ap leste hi, kolake job hunte merals. Job his glan kowa gar chojedo ap o wawareste.

O Debleskro Lab 2024 (Sinte-Manouche)

⁶ Te vals an o tselo them kokres yek sau foro, nay vals ko drom dour koleske, kay hounte nashell peske kote. Oun kova, kay kamell o rat o moulestar pale te anell ap o shero kolestar, kay maras les, oun lell les pherdi rholi palla, kova nay lals les dren oun dals les moulo – koles, kay kek doosh ap leste hi, kolake yob hounte merals. Yob his glan kova gar rhoyedo ap o vavareste.

5. Mose 19:6 Referans Kwoze

4. Mose 35:12

Un kol forja hi sawenge, kai hunte khatrenn pen kolendar, kai kamenn o rat kol marede menshendar ap lengro shero pale te anell. Jaake hunte merell kowa gar, kai das jekes mulo, bis te job glan i tsillo tardo hi, glan kolende, kai rakrenn o tchatchepen pral leste win.

2. Samuel 14:7

Un kanna stan mire tsele menshe pre un kamenn, te dap len koles, kai das peskro phrales mulo, te lenn le leskro djipen ko djipaske leskro phralestar, koles job mulo das. Palle hi man buder kek tchawo, kai pal miro merepen lauter lella. Un kowa, kai mange pral atchas, hi ninna krik. Un o lab miro romestar well bistedo.”

Josua 20:5

Un te lell les kowa palla, kai kamell les mulo te dell, palle denn kol mursha dran ko foro koles, kai jekes temerl das, gar win an koleskro wast. Ninna te das job jekes mulo, kamas lo kowa gar, un his gar chojedo ap leste.

5. Mose 21:22

Te kras jek i tchilatcho koowa, koleske job mulo dino hunte well, un job was maredo un ap i kasht pre pandlo,

5. Mose 19:5

Kowa nai was jaake: Dui mursha djan an o weesh, te denn le kasht tele, un ko jek hadell peskro wast, an koja i tower hi, un lell win, te dell an o kasht, un o saster phagell tele un djal an koleste, kai pashel hi, un kowa merella. Sawo nai nashell an sau foro un atchell djido.

5. Mose 19:7

Doleske penau me tumenge, te rodenn triin forja win.