5. Mose 19:10 - O Debleskro Drom 2021 (Sinte)

¹⁰ Jaake hi tumen doha forja kai nai nashell jek dren. Un jaake krenn tumer, te well an tumaro them, hoi tumaro baro Dewel tumenge dell, kek mensho maredo, ap koleste kek doosh hi. Te wals sawo mensho maredo, anans bari doosh ap tumende.

O Debleskro Lab 2024 (Sinte-Manouche)

¹⁰ Yaake hi t'men doha forya kay nay nashell yek dren. Oun yaake krenn t'mer, te vell an t'maro them, hoy t'maro baro Devel t'menge dell, kek mensho maredo, ap koleste kek doosh hi. Te vals savo mensho maredo, anans bari doosh ap t'mende.

5. Mose 19:10 Referans Kwoze

Jesaja 59:7

Tumare herja nashenna pal o tchilatchepen, un hi sik, te mukenn le kolen te ratell, kai kek tchilatchepen kran. Kowa, hoi mukenn tumenge an o shero te djal, hi har nai chochenn un dukrenn i wawaren. Ap tumare dromma atchell phagedo djipen pale.

Gosewe laba 6:17

jaka, kai dikenn tele ap i wawarende; i mui, hoi rakrell chochepen; wasta, hoi marenn sawen, kai kek tchilatchepen kran;

Jona 1:14

Kote dan le ap o baro Debleste gole un penan: “Ach, baro Dewel, ma muk men te tassell dran kau mursheste. Ma muk leskro rat pral mende te well! Tu, baro Dewel, kral, hoi an tire jaka mishto hi.”

2. Rajengro liil 24:4

un maras bud sawen, kai kek tchilatchepen kran, un anas lengro rat pral peste. Un o tselo foro Jerusalem his pherdo rat. Kau koowa kamas o baro Dewel gar te bistrell.

2. Rajengro liil 21:16

Ninna mukas o Manasse bud menshen te marell, ap kolende kek doosh his. An o foro Jerusalem nashas lengro rat har pani. Koi pashel was koi doosh, hoi lo ap o them Juda anas, har anas lo i menshen ap i tchilatcho drom, kai kran le, hoi gar mishto hi an o baro Debleskre jaka.

1. Rajengro liil 2:31

O baro rai penas ap leste: “Kre har job penas, un de les temerl, un an les tel i phub, te lap me un miro dadeskro kheer kek phagi koleske, hoi o Joab kras, har maras lo dui murshen tchitcheske. Kal dui murshen djiwan budeder an o tchatchepen un his latcheder har job: o Abner, koleskro dad o Ner his, job his o pralstuno lurdo pral Israel, un o Amasa, koleskro dad o Jeter his, o pralstuno lurdo pral Juda. O Joab maras len o chareha. Un miro dad, o David, djinas tchi kolestar. Doleske mukell o baro Dewel ko rat kol dujendar ap leskro shero te well.

5. Mose 19:13

Job te khaitell tumen gar! Sawo marepaskro hunte merell, te djal tumenge mishto an Israel. Job maras jekes, ap koleste kek doosh his.

4. Mose 35:33

Ma krenn ko them pale-tchiddo, kai djiwenn! Pale-tchiddo well ko them dran o rat, hoi ratell, te well jek maredo. Kokres ko rateha kolestar, kai maras jekes, nai well o them pale djudjo.

Debleskri gili 94:21

Jon tchiwenn pen khetne, te anenn le doosh ap koleste pre, kai an o tchatchepen tardo hi, un denn koles i phagi, koles kek doosh hi, te well lo maredo.

1. Samuel 19:5

Job dikas gar ap peskro djipen, har djas lo koi un kuras pes o Filistareha un das les mulo. Jaake te las o baro Dewel o tselo Israel dran i wasta i Filistarendar. Un tu dikal kowa un hals bachtelo. Hoske kameh tu doosh ap tute te anell un i rat jekestar, koles kek doosh ap peste hi? Hoske kameh tu o Davides mulo te dell tchitcheske?”

5. Mose 4:21

Un dran kowa, hoi tumer kran, was o baro Dewel ninna chojedo ap mande, un das pes sowel, te djap me gar wergel o lengsto pani Jordan, un te wap gar an ko latcho them, hoi dell tumen tumaro baro Dewel, te well les tumenge.

5. Mose 26:1

An ko tsiro, kai wal an ko them, hoi tiro baro Dewel tut dell, te well lo tiro, un tu djiweh koi,