5. Mose 18:2 - O Debleskro Drom 2021 (Sinte)

² Kek them lenn i Levitarja an Israel har lengre phrala lenna. Kowa hoi jon lenna, hi lengri budi o baro Debleske. Job kokres dikell ap lende, te hi len lauter, hoi len hunte well. Jaake penas lo lenge.

O Debleskro Lab 2024 (Sinte-Manouche)

² Kek them lenn i Levitarya an Israel har lengre phrala lenna. Kova hoy yon lenna, hi lengri boudi o baro Debleske. Yob kokres dikell ap lende, te hi len lauter, hoy len hounte vell. Yaake penas lo lenge.

5. Mose 18:2 Referans Kwoze

1. Petro 2:9

Tumer han kolla, kai o Dewel peske win rodas. Tumaro baro rai hi o Jesus Kristo. Koleskre rashaja han tumer, te wenn leske koi. Tumer han o Debleskre menshe, kolen job khetne gole das, te penenn tumer i menshenge, hawo baro un latcho koowa o Dewel kras. Job las tumen dran i rati win, un anas tumen pash peste, kai hi lauter shukar un djudjo.

1. Petro 2:5

Ninna tumer han sawe djide barra. Tumentsa kamell o Dewel peskro kheer pre te tchiwell. Job rodas tumen win, te wenn tumer leskre rashaja, un te wenn leske koi. An tumende das o Jesus Kristo peskro Ducho. Doleske nai sharenn o Debles jaake, har job kowa kamella.

Ropaskre gilja 3:24

Me penau mange: O baro Dewel hi halauter, hoi man hunte well; doleske dikau ap leste.

Jesaja 61:6

Tumer wenn rashaja o baro Deblestar, un wenn kharedo ‘maro Debleskre budepangre’. Un ko brawlepen dran wawar themma, koleha mukenn les tumer tumenge mishto te djal, un koleha sharenn tumen.

Debleskri gili 119:57

Me penom mange: O baro Dewel hi o pralstuno an miro djipen. Pal leskre laba kamau te djiwell.

Debleskri gili 84:11

Jek diwes ap i platsa glan tiro kheer hi feteder har i serja wawar diwessa. Me kamau budeder te wap tardo pash o wudar glan tiro kheer, har te djiwap pash i tchilatchende.

Debleskri gili 16:5

Tu, baro Dewel, hal miro brawlepen, un deh man lauter, hoi man hunte well djipaske. Miro tselo djipen hi an tiro wast.

1. Mose 15:1

Koi pal mukas o baro Dewel o Abrames leskri gole te shunell un penas ap leste: “Ma traash, Abram! Me rikrau mire wasta pral tute. Un me hom tuke i baro brawlepen.”

4. Mose 18:7

Tu un tire tchawe, tumer han mire rashaja, te krenn tumari budi pash o Debleskri chatchepaskri un dren an o kutch isema, hoi pal o wudar dran o kutch kotar than hi. Kai budi dom me tumen. Te well jek wawar pash o Debleskro koowa, hoi koi dren hi, hunte merell lo.

4. Mose 18:20

Un o baro Dewel penas ap o Aroneste: Ap ko tsiro, kai wenn i Israelitarja an lengro them, leh tu kek kotar phub, hoi djal o dadestar ap o tchaweste dureder, jaake har kowa i wawar Israelitarja lenna. Me hom tiro, un hom tiro brawlepen.

5. Mose 10:9

Doleske well i Levitarjen kek them har lengre phralen. Kowa hoi jon lenna, well dran lengri budi o baro Debleske. Kowa penas lenge tumaro baro Dewel.

Josua 13:14

I menshenge dran o kheer Levi was kek kotar them dino. Jon lenn pengro kotar kol viechendar, hoi i Israelitarja o baro Debleske anenna, kai o Israeleskro Dewel hi. Jaake well kowa, hoi i Levitarjen hunte well djipaske, o baro Deblestar. Jaake penas lo les lenge.

Ezekiel 44:28

I rashajenge well kek kotar phub, hoi o dadestar ap o tchaweste dureder dino well. Me hom lengro kotar. Len well kek kotar them an o them Israel. Me dau len, hoi len hunte well djipaske.